Twitter Account ຂອງ Jack Dorsey ຜູ້ກໍ່ຕັ້ງແລະ CEO ຂອງ Twitter ຖືກແຮັກ

Hacker ໄດ້​ເຂົ້າ​ໂຈມ​ຕີ​ແລະ​ແຮັກ Twitter Account ຂອງ Jack Dorsey ແລ້ວ​ໃຊ້​ສົ່ງ​ຂໍ້ຄວາມ​ຢຽດ​ເຜົ່າ​ພັນ​ແລະ​ຂູ່​ວາງ​ລະ​ເບີດ​ທີ່​ສາ​ຂາ​ແມ່​ຂອງ Twitter ໄປ​ຈົນ​ເຖິງ Retweet ຂໍ້ຄວາມ​ຈາກ​ຜູ້​ໃຊ້​ງານ​ຄົນ​ອື່ນ​ໆ ຈຳນວນ​ຫລາຍ ຈົນກະທັ້ງ​ທີມ​ງານ​ສື່​ສານອົງກອນ​ຂອງ Twitter ຕ້ອງ​ອອກ​ມາຍ​ອມ​ຮັບ​ເຖິງ​ເຫດການ​ໃນ​ເທື່ອ​ນີ້

Credit: Twitter

ແຫຼ່ງ​ຂ່າວ​ລະ​ບຸ​ວ່າ Account ຂອງ Jack Dorsey ຊຶ່ງ​ຢູ່​ທີ່ https://twitter.com/jack ນັ້ນ​ຖືກ​ແຮັກ​ຜ່ານ​ທາງ​ບໍລິການ​ຂອງ 3rd Party ທີ່​ມີ​ຊື່​ວ່າ CloudHopper ແລະ​ ໃຊ້​ບໍລິການ​ດັ່ງ​ກລ່າວ​ໃນ​ການ​ສົ່ງ​ຂໍ້ຄວາມ Tweet ດ້ວຍ Account ຂອງ Jack Dorsey ອີກ​ທັງ​ຍັງມີ​ການ​ໃຊ້ Account ຂອງ Jack Dorsey ໃນ​ການ Tweet ຂໍ້ຄວາມ Hashtag ເພື່ອ​ໂປຣ​ໂມດ​ກຸ່ມ​ຂອງ​ຜູ້​ແຮັກ​ທີ່​ມີ​ຊື່​ວ່າ Chuckling Squad ດ້ວຍ

ນີ້​ບໍ່​ແມ່ນ​ເທື່ອ​ທຳອິດທີ່ Account ຂອງ Jack Dorsey ຖືກ​ແຮັກ ແຕ່​ເມື່ອ​ປີ 2016 ນັ້ນ​ກໍ​ມີກ​ຸ່ມ​ຂອງ Hacker ທີ່​ມີ​ຊື່​ວ່າ OurMine ເຂົ້າ​ຢຶດ Account ຂອງ Jack Dorsey ລວມເຖິງ​ຜູ້​ທີ່​ມີ​ຊື່​ສຽງ​ລາຍ​ອື່ນ​ໆ ຢ່າງ Sundar Pichai ຜູ້​ທີ່ມີ​ຕຳແໜ່ງ CEO ແຫ່ງ Google ແລະ Mark Zuckerberg ຜູ້​ກໍ່​ຕັ້ງ Facebook ມາ​ແລ້ວ

ທີ່ມາ: https://www.nytimes.com/2019/08/30/technology/jack-dorsey-twitter-account-hacked.html

 ແລະ  https://www.techtalkthai.com/jack-dorsey-twitter-account-was-hacked/