ROG Ally ເຄື່ອງຫລິ້ນເກມພົກພາຕົວທຳອິດຂອງ ASUS ຣັນເທິງ WINDOWS11 ສະເປກໂຫດ ຊົນເຄື່ອງ Steam Deck ກັບ Nintendo Switch

ROG Ally ເຄື່ອງ​ຫລິ້ນ​ເກມ​ພົກ​ພາ​ຕົວ​ທຳອິດ​ຂອງ ASUS ກາຍ​ເປັນ​ຄູ່​ແຂ່ງ​ລາຍ​ໃໝ່ ແລະ​ເປັນ Line up ໃໝ່​ຂອງ​ແບ​ຣ​ນ ROG ເລີຍ​ທີ​ດຽວ ກາຍ​ເປັນ​ເຄື່ອງ​ຫລິ້ນ​ເກມ​ລຸ້ນ​ໃໝ່​ທີ່​ຈະ​ແຂ່ງ​ຂັນ​ສະໜນາມ​ດຽວ​ກັນ​ກັບ​ເຄື່ອງ​ຫລິ້ນ​ເກມ Nintendo Switch ແລະ ຄູ່​ແຂ່ງ​ທີ່​ໃກ້​ຄຽງ​ທີ່ສຸດ​ຄື​ເຄື່ອງ Steam Deck

ເຄື່ອງ​ຫລິ້ນ​ເກມ ROG Ally ມາ​ພ້ອມ​ລະບົບ​ປະຕິບັດການ Windows 11 ໃຊ້ Ryzen APU ຈາກ AMD ໜ້າ​ຈໍ​ສະແດງ​ຜົນ​ແບບ Full HD 7 ນິ້ວ ຄວາມ​ລະອຽດ 1920 x 1080 16:9 ຄວາມ​ສະຫວ່າງ 500 nits ອັດຕາ​ຣີ​ເຟສ​ເຣດ 120 Hz ເຮັດໃຫ້ ROG Ally ກາຍ​ເປັນ​ເຄື່ອງ​ຫລິ້ນ​ເກມ​ພົກ​ພາ​ຈາກ AMD ທີ່ສະ​ເປັກ​ໄວ​ແຮງ​ສຸດ​ໃນ​ຕອນ​ນີ້ ເຄື່ອງ​ຫລິ້ນ​ເກມ​ພົກ​ພາ​ທີ່​ຣັນ​ກຣາ​ຟິກ​ປະ​ສິດ​ທິ​ພາບ​ແບບ​ພີ​ຊີ​ເກມ​ມິ່ງ ຮອງ​ຮັບ​ເຊື່ອມ​ຕໍ່​ກັບ ASUS ROG XG Mobile ຊຶ່ງ​ເປັນ Dock ກາດ​ຈໍ​ແຍກ​ແບບ​ພົກ​ພາ​ສຳຫລັບ​ໂນດ​ບຸ​ກ ເຮັດໃຫ້​ເຮົາ​ຫລິ້ນ​ເກມ​ໃນ​ຄອນ​ໂຊນ​ນີ້​ໄດ້​ແຮງ​ຂຶ້ນ​ຫຼາຍ​ເທົ່າ ການ​ຫລິ້ນ​ເກມ​ນັ້ນ​ຫລິ້ນ​ເກມ​ຄອມພິວເຕີ​ພີ​ຊີ​ໃນ​ແບບ​ເກມ​ພົກ​ພາ​ໄດ້​ທຸກ​ທີ່​ທຸກ​ເວລາ

ເຄື່ອງ​ຫລິ້ນ​ເກມ ROG Ally ມີ​ພັດ​ລົມ​ລະບາຍ​ຄວາມ​ຮ້ອນ 2 ຕົວ ຊ່ວຍ​ລະບາຍ​ຄວາມ​ຮ້ອນ​ເຮັດວຽກ​ຢ່າງ​ວ່ອງໄວ​ ສຽງ​ເບົາ ແລະ​ຫລິ້ນ​ເກມ​ກຣາ​ຟິກ​ສູງ​ໆ​ໄດ້​ຕໍ່​ເນື່ອງ

ROG Ally ຈະ​ຈຳ​ໜ່າຍ​ໃນ​ໂຊນ​ອ​າເມ​ຣິ​ກາ​ເໜືອ​ໃນ​ອີກ​ບໍ່​ເທົ່າໃດ​ມື້​ນີ້ ແລະ​ເບື້ອງ​ຕົ້ນ​ວ່າ​ປະ​ກາດ​ຈຳ​ໜ່າຍ​ເຄື່ອງ​ຫລິ້ນ​ເກມ ROG Ally ນີ້​ທົ່ວ​ໂລກ​ດ້ວຍ ດັ່ງ​ນັ້ນ​ໃຜ​ຄໍ​ເກມ​ຫ້າມ​ພາດເດີ້

ທີ່ມາ ແລະ ແຫຼ່ງຂໍ້ມູນອ້າງອິງ:

1. https://www.it24hrs.com/2023/asus-rog-ally-game-console-windows11-amd/
2. https://twitter.com/ASUS_ROG/status/1646808011355336705?s=20