/ມີລາຍງານວ່າ Apple ກຳລັງວາງແຜນຈະຊື້ໂຄບອນຈາກເໝືອງໂຄບອນໂດຍກົງ ເຊິ່ງເປັນສັນຍາໄລຍະຍາວປະມານ 5 ປີ ຫຼືດົນກ່ວານັ້ນ ໂດຍແຫຼ່ງຂ່າວໄດ້ອ້າງວ່າ ໜຶ່ງໃນ CEO ຂອງບໍລິສັດເໝືອງຢືນຢັນວ່າ ມີການລົມກັນເລື່ອງຂໍ້ສະເໜີນີ້ແທ້ ໂດຍໂຄບອນເປັນແຮ່ທີ່ໃຊ້ໃນການຜະລິດແບັດເຕີຣີ່ Lithium-ion ທີ່ໃຊ້ຢູ່ໃນຜະລິດຕະພັນຂອງ Apple ໃນປັດຈຸບັນ.ຫາກຂໍ້ສະເໜີນີ້ເກີດຂຶ້ນແທ້ Apple ຈະໄດ້ຮັບຜົນປະໂຫຍດ 2 ຢ່າງດັ່ງນີ້:
1. ບໍລິສັດຈະມີວັດຖຸດິບສຳລັບໃຊ້ໃນການຜະລິດໃນຊ່ວງທີ່ເກີດການຂາດແຄນຂຶ້ນ ເນື່ອງຈາກໃນປັດຈຸບັນມີການຜະລິດແບັດເຕີຣີ່ເພື່ອໃຊ້ໃນອຸປະກອນອີເລັກໂທຣນີກ ແລະ ແບັດເຕີຣີ່ສະລັດລົດທີ່ໃຊ້ພະລັງງານໄຟຟ້າຫຼາຍຂຶ້ນ ແລະ ຄາດວ່າປີ 2030 ຈະມີຄວາມຕ້ອງການໂຄບອນສຳລັບພາຫະນະທີ່ໃຊ້ພະລັງງານໄຟຟ້າເພີ່ມຂຶ້ນ 4 ເທົ່າ
2. ບໍລິສັດສາມາດກາລັນຕີວ່າຈະມີວັດຖຸດິບເຂົ້າມາຢ່າງສະໝ່ຳສະເໝີໄດ້ ແລະ ສາມາດຄວບຄຸມລະບົບການຂົນສົ່ງໄດ້ຢ່າງເຕັມຮູບແບບ ເຮັດໃຫ້ສ້າງມາດຖານໄດ້ດ້ວຍຕົນເອງ
ທີ່ຈິງແລ້ງການເຈລະຈານີ້ບໍໄດ້ຫາກໍ່ເລີ່ມຕົ້ນໃນປີນີ້ ແຕ່ມີມາຫຼາຍກ່ວາ 1 ປີແລ້ວ ແຕ່ກໍບໍໄດ້ມີການຕົກລົງເກີດຂຶ້ນ
ອ້າງອິງ
No comments:
Post a Comment