MediaTek ຢືນຢັນ Redmi Note 8 Pro ຈະເປັນສະມາດໂຟນລຸ້ນທຳອິດທີ່ໄດ້ໃຊ້ຊິບ Helio G90T ຕົວໃໝ່ລ່າສຸດ

        ຫຼັງ​ຈາກ​ທີ່ Redmi ໄດ້​ປ່ອຍ​ໂປສເຕີກຽມ​ເປີດ​ຕົວ Redmi Note 8 Pro ໄປ​ແລ້ວ​ທີ່​ຈະ​ເປີດ​ຕົວ​ໃນ​ວັນທີ 29 ສິງ​ຫາ​​ 2019 ນີ້ເຊິ່ງວ່າ MediaTek ຜູ້​ຜະລິດ​ຊິບ​ປະ​ມວນ​ຜົນ​ໄດ້​ອອກ​ມາ​ໂພ​ສ​ພາບ​ໂປສເຕີ​ເຊັ່ນ​ດຽວ​ກັນ​ວ່າ​ຊິບ​ຕະກູນ Helio G90 ຈະ​ຖືກ​ໃຊ້​ໃນ Redmi Note 8 ແລະ Note 8 Pro ໃນ​ການ​ເປີດຕົວ​ຊິບ​ປະ​ມວນ​ຜົນ Helio G90T ຕົວ​ໃໝ່​ລ່າ​ສຸດ​ຂອງ MediaTek ເມື່ອ​ເດືອນ​ກ່ອນ Xiaomi ໄດ້​ຢືນຢັນ​ວ່າ​ຈະ​ມີ​ການ​ເປີດຕົວ​ສ​ະມາ​ດ​ໂຟນ​ທີ່​ໃຊ້​ຊິບ Helio G90T ໃນໄວໆນີ້​ແນ່ນອນ ຊຶ່ງ​ຄຳ​ຕອບ​ກໍ​ຄື Redmi Note 8 Pro ນີ້​ເອງ

        Helio G90 ແລະ G90T ນີ້​ຈະ​ມີ​ການ​ໃຊ້​ເທກ​ໂນ​ໂລ​ຢີ HyperEngine ເພື່ອ​ເສີມ​ປະສົບການ​ໃນ​ການ​ຫລິ້ນ​ເກມ​ໄດ້​ດີ​ຢິ່ງ​ຂຶ້ນ ຮອງ​ຮັບ​ແຣມ LPDDR4x ເຖິງ 10 GB ຄວາມ​ໄວ CPU ໄດ້​ເຖິງ 2.05GHz ແລະ​ສຳລັບ G90T ນີ້​ຈະ​ເປັນຕົວ​ດຽວ​ທີ່​ຈະ​ຮອງ​ຮັບ​ກ້ອງ​ທີ່​ມີ​ຄວາມ​ລະອຽດ​ສູງ​ເຖິງ 64 ລ້ານ​ພິກ​ເຊລ ຊຶ່ງ​ຈະ​ຢູ່ໃນຕົວ Redmi Note 8 Pro ສ່ວນ​ລຸ້ນ​ປົກກະຕິ​ມີ​ຄວາມ​ເປັນ​ໄປ​ໄດ້​ທີ່​ຈະ​ໃຊ້​ຊິບ Helio G90 ຕົວ​ລອງ​ລົງ​ມາ​ນັ້ນ​ເອງ

ດ້ວຍ​ເທກ​ໂນ​ໂລ​ຢີ HyperEngine ນີ້​ຈະ​ມີ​ຮອງ​ຮັບ​ການ​ໃຊ້​ງານ​ເຄືອ​ຂ່າຍ​ແບບ Dual Wi-Fi Connection ທີ່​ຈະ​ເຮັດໃຫ້​ເຊື່ອມ​ຕໍ່​ເຄືອ​ຂ່າຍ Wi-Fi ໄດ້​ເຖິງ 2 ເຄືອ​ຂ່າຍທັງ 2.4GHz ແລະ 5GHz ເຮັດໃຫ້​ໃຊ້​ງານ​ອິນ​ເຕີເນັດ​ຫລື​ຫລິ້ນ​ເກມ​ໄດ້​ຢ່າງ​ຕໍ່​ເນື່ອງ​ບໍ່​ມີ​ສະ​ດຸດ

ທີ່​ມາ : Fonearena