Google ລົບ 85 ແອບທີ່ Trend Micro ກວດພົບ Adware ອອກຈາກ Playstore

ມີລາຍງານຈາກເວັບ gadgetsnow.com ເມື່ອວັນທີ 17/08/2019 ທີ່ຜ່ານມາວ່າ Google ໄດ້​ລົບ 85 ແອບ​ອອກ​​ຈາກ Play Store ທັນ​ພາຍ​ຫລັງ​ຈາກ Trend Micro ແຈ້ງ​ວ່າ​ແອບ​ຊ່ອນ Adware ໄວ້​ພາຍ​ໃນ ຊຶ່ງ​ຈະ​ຄອຍ​ຖ້າ​ສະແດງ​ໂຄສະ​ນາ​ຂຶ້ນ​ມາ​ໃຫ້​ໜ້າລຳ​ຄານ ແລະ ​ຢັງ​ສັ່ງ​ປິດ​ຍາກອີກດ້ວຍເຊິ່ງຍັງ​ສາມາດ​ຫຼີກ​ລ້ຽງ​ການ​ກວດ​ຈັບ​ຈາກ​ຜູ້​ໃຊ້​ທຳມະດາອີກ​ດ້ວຍ

ແອບ​ທີ່​ຖືກ​ກວດ​ພົບ​ສ່ວນ​ໃຫຍ່ ຄື ແອບ​ຖ່າຍ​ພາບ​ແລະ​ເກມ ຊຶ່ງ​ມີຍ​ອດ​ດາວ​ໂຫຼດ​ຫຼາຍກວ່າ 8 ລ້ານ​ເທື່ອ ຊຶ່ງ​ຈາກ 85 ລາຍ​ການ​ທີ່​ແຈ້ງ​ມາ​ມີ​ລາຍ​ຊື່​ແອບ​ຍອດ​ນິຍົມ ໄດ້​ແກ່ Super Selfie, Cos Camera, Pop Camera ແລະ One Stroke Line Puzzle

ແອບ​ທີ່​ຖືກ​ອັບ​ໂຫຼດ​ເທິງ Play Store ເຫຼົ່າ​ນີ້​ມີ​ລາຍ​ງານ​ວ່າ ມາ​ຈາກ​ບັນ​ຊີ​ນັກ​ພັດທະນາ​ແອບ​ແລະ​ລົງ​ນາມ​ໂດຍ​ໃບ​ຮັບຮອງ​ດີຈີທັສ​ທີ່​ຕ່າງ​ກັນ ຖ້າ​ເບິ່ງ​ຜິວ​ເຜີນ​ກໍ​ບໍ່​ຜິດ​ສັງເກດ​ຫຍັງ ແຕ່​ເມື່ອ​ຕິດ​ຕາມ​ເບິ່ງ​ພຶດຕິກຳ​ທີ່​ມີ​ຄວາມ​ຄ້າຍ​ກັນ ແລະ​ແຊ​ຣ​໌​ໂຄ້​ດ​ດຽວ​ກັນ ກໍ​ເລີ່ມ​ເຮັດໃຫ້​ເຫັນ​ເຖິງ​ຄວາມ​ຄວາມ​ຜິດ​ປົກກະຕິ​ວ່າ​ມີ​ເຊື່ອມ​ໂຢງ​ກັນ

ສຸດ​ທ້າຍ Trend Micro ກ່າວ​ວ່າ Adware ເຫຼົ່າ​ນີ້​ຈະ​ມີ​ຜົນ​ສະເພາະ​ກັບ​ໂທລະ​ສັບ​ທີ່​ໃຊ້​ແອນ​ດ​ຣອຍ​ເວ​ີ​ຊັນ​ເກົ່າ​ເທົ່າ​ນັ້ນ ດັ່ງ​ນັ້ນ​ໃຜ​ທີ່​ໃຊ້​ແອນ​ດ​ຣອຍ​ເວ​ີ​ຊັນ​ໃໝ່​ຈະບໍ່ໄດ້ຮັບຜົນກະທົບ ສ່ວນ​ຄົົນທີ່​ໃຊ້​ເວີ​ຊັນ​ເກົ່າ​ກໍ​ໃຫ້​ຮີບ​ກວດ​ສອບ​ແລະ​ລົບ​ອອກ​ໄດ້, ແຕ່ກໍ່ບໍ່ໄດ້ລະບຸຊັດເຈນວ່າ Android ເວີຊັ່ນເກົ່ານັ້ນແມ່ນເວີຊັນທີ່ເທົ່າໃດລົງໄປ.

ອ້າງອິງ