ໃນວັນທີ່ 17/07/2019 ທີ່ຜ່ານມາ ໄດ້ມີລາຍງານວ່າ ນັກວິໃຈຈາກ
Microsoft, ມະຫາວິທະຍາໄລຄາຣ໌ເນກີເມນລອນ ແລະ ມະຫາວິທະຍາໄລເພນຊິນເວເນຍ
ໄດ້ທຳການວິເຄາະເວັບໄຊຕ໌ສື່ລາມົກອານາຈານກວ່າ 22,484 ເວັບໄຊຕ໌ ພົບວ່າ 93% ມີຂໍ້ມູນຂອງຜູ້ໃຊ້ງານຣັ່ວໄຫຼໄປຢັງບຸກຄົນທີ່ສາມ
ໂດຍປົກກະຕິແລ້ວຜູ້ໃຊ້ງານມັກຈະປ້ອງກັນດ້ວຍການເປີດໜ້າເວັບໄຊຕ໌ແບບບໍ່ລະບຸຕົວຕົນຫລື
Incognito ແຕ່ຈິງໆ ແລ້ວມັນຊ່ວຍແຄ່ບໍ່ເກັບປະຫວັດການຄົ້ນຫາເອົາໄວ້ແຄ່ນັ້ນເອງ
ນັກວິໃຈຍັງເຜີຍອີກວ່າ
Google ຊຶ່ງມີແບຣນຍ່ອຍຄື DoubleClick
ເຮັດທຸລະກິດກ່ຽວກັບການໂຄສະນາອອນໄລນ໌
ເປັນບໍລິສັດອັນດັບໜຶ່ງທີ່ມີລະບົບຕິດຕາມກ່ຽວກັບເວັບໄຊຕ໌ໂຄສະນາເຖິງ 74% ສ່ວນ Facebook ມີລະບົບຕິດຕາມຢູ່ 10%
ຈິງໆ ແລ້ວໃນສະຫະລັດອາເມຣິກາ
ເນື້ອຫາສຳລັບຜູ້ໃຫຍ່ຫລືສື່ລາມົກອານາຈານຈະຖືກລະງັບໃນແພຼດຟອມການໂຄສະນາຕ່າງໆ
ຕົວຢ່າງ YouTube ຂອງ Google
ເປັນຜູ້ໃຫ້ບໍລິການດ້ານວິດີໂອທີ່ໃຫຍ່ທີ່ສຸດໃນໂລກ ແຕ່ກໍມີຂໍ້ຫ້າມກ່ຽວກັບສື່ລາມົກອານາຈານເຊັ່ນດຽວກັນ
ຢ່າງໃດກໍຕາມ Google ບໍ່ມີມາດຕະການປ້ອງກັນເນື້ອຫາດັ່ງກ່າວສຳລັບ
Google APIs ຫລື Google Analytics ນັ້ນໝາຍຄວາມວ່າ
Google ປະຕິເສດທີ່ຈະເປັນສູນກາງດ້ານສື່ຫລືເນື້ອຫາສຳລັບຜູ້ໃຫຍ່
ແຕ່ຍັງມີການຕິດຕາມພຶດຕິກຳການເຂົ້າເຖິງສື່ລາມົກຂອງຜູ້ໃຊ້ງານຢູ່
ດ້ານ Google ບໍ່ໄດ້ອອກຄວາມເຫັນຫຍັງກ່ຽວກັບປະເດັນດັ່ງກລ່າວ
ສ່ວນ Facebook ກໍມີຕົວແທນຢ່າງ Joe Osborne ອອກມາຖະແຫຼງຜ່ານອີເມລວ່າ “ເຮົາບໍ່ຕ້ອງການໃຫ້ເວັບໄຊຕ໌ສຳລັບຜູ້ໃຫຍ່ໃຊ້ເຄື່ອງມືທຸລະກິດຂອງເຮົາ
ເນື່ອງຈາກເນື້ອຫາ ຫຼື ສື່ດັ່ງກລ່າວເປັນການລະເມີດມາດຕະຖານຊຸມຊົນຂອງເຮົາ”
Credit: cnet.com
No comments:
Post a Comment