ຄວາມຕ້ອງການຫນ່ວຍຄວາມຈຳຫລຸດລົງຢ່າງວ່ອງໄວ ເນື່ອງຈາກສະຖານະການເສດຖະກິດມະຫາພາກແລະຄວາມເຊື່ອມັ່ນໃນການຊື້ຂອງລູກຄ້າທີ່ຊະລໍຕົວ ເນື່ອງຈາກລູກຄ້າຈຳນວນຫລາຍຍັງຄົງປັບສິນຄ້າຄົງຄັງເພື່ອວັດຖຸປະສົງທາງການເງີນ
Samsung Electronics ກ່າວໃນຖະແຫລງການລ່າສຸດວ່າ ຈະປັບຫລຸດການຜະລິດຊິບລົງຢ່າງ “ມີຄວາມຫມາຍ” ຫຼັງຈາກມີຜົນກຳໄລຈາກການດຳເນີນງານລາຍໄຕມາດຫລຸດລົງ 96% ເຫຼືອ 600,000 ລ້ານວອນ ສຳຫລັບໃນອ້ອມເດືອນມັງກອນເຖິງມີນາ ຈາກມູນຄ່າ 14.12 ລ້ານລ້ານວອນໃນປີກ່ອນໜ້າເມື່ອທຽບໃນຊ່ວງເວລາດຽວກັນ ຊຶ່ງເປັນຜົນກຳໄລທີ່ຕ່ຳທີ່ສຸດໃນຮອບ 14 ປີ ແລະທີ່ຮ້າຍກວ່າທີ່ຄາດໄວ້ເນື່ອງຈາກການຊະລໍຕົວລົງຢ່າງຫລາຍຂອງຕະຫລາດເຊມິຄອນດັກເຕີລວມເຖິງພາວະເສດຖະກິດທີ່ຕົກຕ່ຳທົ່ວໂລກ
“ເຮົາກຳລັງປັບຫລຸດການຜະລິດຊິບຫນ່ວຍຄວາມຈຳລົງໃນລະດັບທີ່ມີຄວາມຫມາຍ” ນິ້ເປັນລາຍງານຖະແຫຼງການລ່າສຸດຂອງ Samsung ຊຶ່ງສັນຍານການຫລຸດການຜະລິດມີຄວາມແຂງແກ່ງຜິດປົກກະຕິສຳລັບ Samsung ຊຶ່ງກ່ອນໜ້ານີ້ກ່າວວ່າຈະທຳການປັບປ່ຽນພຽງນ້ອຍໆເທົ່ານັ້ນ ເຊັ່ນ ການຢຸດຊົ່ວຄາວສຳຫລັບການປັບປຸງສາຍການຜະລິດ ແຕ່ບໍ່ແມ່ນການປັບຫລຸດທັງໝົດ
ຍ້ອນໄປໃນຊ່ວງໄຕມາດທຳອິດເມື່ອປີ 2552 Samsung ເຄີຍມີຕົວເລກຜົນກຳໄລແຕະທີ່ 590,000 ລ້ານວອນ ແລະໃນປີປັດຈຸບັນ 2566 Samsung ມີກຳໄລຫລຸດລົງເກືອບແຕະຕົວເລກສະຖິຕິເດີມຂອງເມື່ອ 14 ປີກ່ອນຫນ້າທີ່ 873,000 ລ້ານວອນ
ດ້ານນັກວິເຄາະຄາດການວ່າພາກສ່ວນຜະແນກຊິບຈະຜະເຊີນກັບການຂາດທຶນລາຍໄຕມາດຫລາຍກວ່າ 4,000,000 ລ້ານວອນ (3,030 ລ້ານດອນລາສະຫະລັດ) ເນື່ອງຈາກລາຄາຊິບຫນ່ວຍຄວາມຈຳແລະມູນຄ່າສິນຄ້າຄົງຄັງປັບຫລຸດລົງ
Samsung
Electronics ກ່າວວ່າ “ໃນສ່ວນຂອງຕົວເລກລາຍໄດ້ນັ້ນ
ມີແນວໂນ້ມວ່າຈະຫລຸດລົງ 19% ຈາກຊ່ວງດຽວກັນຂອງປີກ່ອນເປັນມູນຄ່າ
63,000,000 ລ້ານວອນ” ຢ່າງໃດກໍຕາມ Samsung ມີກຳນົດຈະເປີດເຜີຍລາຍຮັບໂດຍລະອຽດ
ຊຶ່ງຈະລວມເຖິງການແຍກຍ່ອຍທັງໝົດໃນຊ່ວງປາຍເດືອນນີ້
ທີ່ມາ: Samsung to cut chip production after posting lowest profit in 14 years | CNN Business
No comments:
Post a Comment