Microsoft ເຕືອນ Windows 10 ຫຼາຍ Edition ກຳລັງເຂົ້າສູ່ໄລຍະ End-of-service ໃນເດືອນມິຖຸນານີ້

Microsoft ໄດ້​ອອກ​ມາ​ປະ​ກາດ​ແຈ້ງ​ເຕືອນ​ຜູ້​ໃຊ້​ງານ Windows 10 ເວ​ີຊັນ 21H2 ທີ່​ກຳ​ລັງ​ຈະ​ເຂົ້າ​ສູ່ໄລຍະ End-of-service (EOS) ໃນ​ວັນທີ 13 ມິ​ຖຸ​ນາ 2023 ນີ້ ເຊິ່ງລວມທັງ Home ແລະ Pro Edition ນັ້ນ​ໝາຍ​ຄວາມ​ວ່າ ຜູ້​ໃຊ້​ງານ​ຈະ​ບໍ່​ໄດ້ຮັບ Monthly Update ແລະ Security Update ຫຼັງ​ຈາກ​ມື້​ດັ່ງ​ກ່າວ ນອກ​ຈາກ​ນີ້ Windows 10 20H2 ລຸ້ນ Enterprise ແລະ Education Edition ກໍ​ກຳ​ລັງ​ຈະ​ເຂົ້າ​ສູ່​ໄລຍະ EOS ເຊັ່ນ​ດຽວ​ກັນ​ໃນ​ເດືອນ​ໜ້າ ຫຼັງ​ຈາກ​ທີ່​ລຸ້ນ​ອື່ນ​ໆ ເຊັ່ນ Home, Pro, Pro Education ແລະ Pro for Workstations ໄດ້​ເຂົ້າ​ສູ່ໄລຍະ EOS ໄປ​ແລ້ວ​ຕັ້ງ​ແຕ່​ວັນທີ 10 ພຶດສະ​ພາ​ 2022

Microsoft ໄດ້​ແນະ​ນຳ​ໃຫ້​ຜູ້​ໃຊ້​ງານ​ທຳການ​ອັບ​ເກຣດ Windows 10 ໄປ​ເປັນ​ເວີຊັນ 22H2 ຫລື Windows 11 ແທນ ເນື່ອງ​ຈາກ​ຍັງ​ຄົງ​ຢູ່ໃນໄລຍະ​ສະໜັບ​ສະໜູນ ປັດຈຸບັນ Windows 11 22H2 (Windows 11 2022 Update) ນັ້ນ​ເປັນ​ທາງ​ເລືອກ​ຫຼັກ ແລະ​ ຮອງ​ຮັບ​ການ​ເຮັດ​ວຽກ​ເທິງ​ອຸປະກອນ​ຫລາຍ​ຂຶ້ນ ໂດຍ Microsoft ຈະ​ບັງຄັບ​ໃຫ້​ຜູ້​ທີ່​ໃຊ້ Windows 11 21H2 ທຳການ​ອັບ​ເກຣດ​ເຊັ່ນ​ດຽວ​ກັນ ເນື່ອງ​ຈາກ​ຈະ​ເຂົ້າ​ສູ່​ໄລຍະ EOS ໃນ​ວັນທີ 10 ຕຸລາ 2023

ທີ່ມາ: Microsoft: Windows 10 21H2 is reaching end of service in June (bleepingcomputer.com)