Sony ເປີດຕົວ Xperia 5 ສະເປັກລະດັບເລືອທົງໃນຂະໜາດກະທັດຮັດ

Credit: sonymobile

Sony ເປີດ​ຕົວ​ສະມາດ​ໂຟນ​ລຸ້ນ​ໃໝ່​ຢ່າງ Xperia 5 ຊຶ່ງ ຮອງ​ປະ​ທານ​ບໍລິຫານ​ອາ​ວຸ​ໂສ​ຂອງ Sony , Shigeki Ishizuka ບອກ​ວ່າ Xperia ລຸ້ນ​ໃໝ່​ນີ້​ບັນ​ຈຸ​ເທັກ​ໂນ​ໂລ​ຢີ​ຂັ້ນ​ສູງ​ຂອງ Sony ໄວ້​ໃນ​ຕົວ​ເຄື່ອງ​ທີ່​ຂະໜາດ “ກະ​ທັດຮັດ”

Xperia 5 ມີ​ໜ້າ​ຈໍ OLED ຂະໜາດ 6.1 ນິ້ວ ຄວາມ​ລະອຽດ 2,560 x 1,080 ພິກ​ເຊລ ຮອງ​ຮັບ HDR ແລະ Dolby Atoms ທີ​ໜ້າ​ສົນ​ໃຈ​ຄື Xperia 5 ມີ​ອັດຕາ​ສ່ວນ​ໜ້າຈໍຢູ່​ທີ່ 21:9 ເໝືອນ​ກັບ Xperia 1 ທີ່​ເປີດ​ຕົວ​ໄປ​ເມື່ອ​ຕົ້ນ​ປີ​ນີ້ ຮອງ​ຮັບ​ການ​ໃຊ້​ງານ​ຮ່ວມ​ກັບ DualShock 4

ກ້ອງ​ຫຼັງ​ຂອງ Xperia 5 ມີ​ທັງ​ໝົດ​ສາມ​ຕົວ​ຄືກັບ Xperia 1 ວາງ​ຕຳແໜ່ງ​ແນວ​ຕັ້ງ​ຄືກັນ ແຕ່​ຍ້າຍ​ມາ​ໄວ້​ທີ່​ມຸມ​ຊ້າຍ​ເທິງ​ຂອງ​ເຄື່ອງ ປະກອບ​ໄປ​ດ້ວຍ ກ້ອງ​ຫຼັກ ກ້ອງ​ຊູມ ແລະ ​ກ້ອງ​ເລນ​ມຸມ​ກວ້າງ​ພິເສດ​ລວມຄວາມ​ລະອຽດ 12 ລ້ານ​ພິກ​ເຊລ ອີກ​ທັງ​ຍັງມີ​ການ​ພັດທະນາຊອບແວເພີ່ມ​ລະບົບ​ໂຟ​ກັດ​ດວງ​ຕາ​ຫລື Eye-AF ເໝືອນ​ກັບ​ກ້ອງ​ກຸ່ມ Alpha ອີກ​ດ້ວຍ ສ່ວນ​ກ້ອງ​ໜ້າ​ຄວາມ​ລະອຽດ 8 ລ້ານ​ພິກ​ເຊລ

Sony ເລືອກ​ໃຊ້​ສະ​ເປັກ​ລະ​ດັບ​ເລືອ​ທົງ​ໃນ Xperia 5 ໃຊ້​ຊິບ​ປະ​ມວນ​ຜົນ Snapdragon 855 ແຣມ 6GB ຄວາມ​ຈຸ​ພາຍ​ໃນ​ເຄື່ອງ 128GB ຄວາມ​ຈຸ​ແບດ​ເຕີ​ຣີ 3,140 mAh ຮອງ​ຮັບ​ສາກ​ໄວ 18W ກັນ​ນ້ຳ​ກັນ​ຝຸ່ນ ສ່ວນ​ລາ​ຄາ​ນັ້ນ​ຍັງ​ບໍ່​ປະ​ກາດ​ຢ່າງ​ເປັນ​ທາງ​ການ ຕ້ອງ​ລໍຖ້າ​ຕິດ​ຕາມ​ເບິ່ງ​ກັນ​ອີກ​ທີ

ສະຫລຸບ​ສັ້ນ​ໆ Xperia 5 ຄື Xperia 1 ທີ່​ຕັດ​ຈໍ 4K ອອກ​ແລ້ວ​ປັບ​ເປັນ FullHD ແລະ ​ລຸດ​ຂະໜາດ​ຈໍ​ລົງ​ມາ ຊຶ່ງ​ກໍ​ໜ້າ​ຈະ​ມີ​ລາ​ຄາ​ທີ່​ຖືກ​ກວ່າ Xperia 1

Credit: sonymobile

 ທີ່ມາ: Sonymobile