ຫຼັງອອກຈາກ OpenAI ທີ່ເຄີຍເປັນໜຶ່ງໃນຜູ້ຮ່ວມກໍ່ຕັ້ງ ລ່າສຸດທາງ Elon Musk ໄດ້ເຜີຍໂຄງການໃໝ່ຢ່າງ TruthGPT ແຊັດບອດເນັ້ນລົມເລື່ອງຈັກກະວານ ເລັ່ງແຂ່ງຂັນກັບ ChatGPT ຂອງ OpenAI ໂດຍສະເພາະ
ແລະລວມໄປເຖິງ Google ດ້ວຍ
ເບິ່ງເໝືອນແຜນພັດທະນາ AI ຂອງ Elon Musk ຈະເລີ່ມເປັນຮູບເປັນຮ່າງຫລາຍຂຶ້ນ ໂດຍໃນ Twitter ຂອງ Elon Musk ໄດ້ເຜີຍຊື່ TruthGPT ແຊັດບອດ AI ຮູບແບບໃໝ່ ທີ່ຈະສະແຫວງຫາຄວາມຈິງແລະເຂົ້າໃຈທຳມະຊາດຂອງຈັກກະວານໃຫ້ໄດ້ຫລາຍທີ່ສຸດ
ຢ່າງໃດກໍຕາມ Elon Musk ເຄີຍເຜີຍວ່າຕົນເອງນັ້ນ
ມີຄວາມກັງວົນກ່ຽວກັບທິດທາງຂອງ AI ແລະມອງວ່າອາດກາຍເປັນໄພຄຸກຄາມກັບມະນຸດໄດ້ໃນອະນາຄົດ
ອີກທັງເຄີຍມີຄວາມຂັດແຍ້ງກັບ Sam Altman ຊີອີໂອຄົນປັດຈຸບັນຂອງ OpenAI ສະໄໝທີ່ເຄີຍເປັນຜູ້ສະໜັບສະໜູນລາຍໃຫຍ່ໃນປີ 2015 ຫລືຍຸກແລກໆ ແລະບໍ່ດົນມານີ້ກໍໄດ້ວິຈານ OpenAI ດ້ວຍວ່າ ກຳລັງສະແຫວງຫາຜົນກຳໄລກັບ Microsoft ຈາກເດີມທີ່ເປັນບໍລິສັດບໍ່ສະແຫວງຫາຜົນກຳໄລ
ສຳຫລັບຕົວ TruthGPT ທາງ Elon Musk ຍັງບໍ່ເຜີຍລາຍລະອຽດຫຍັງຫລາຍ ແຕ່ກໍລະບຸວ່າຈະມີການເປີດຕົວບໍ່ເກີນເດືອນໜ້ານີ້ແລ້ວ
ລໍຖ້າເບິ່ງວ່າຕົວ AI ໃໝ່ນີ້ ຈະມາພ້ອມຄວາມສາມາດຫຍັງດ້ວຍ
ສາມາດແຂ່ງກັບ OpenAI ແລະ Google ໄດ້ແນວໃດ
ຍ້ອນກັບໄປອີກໜ້ອຍໜຶ່ງ Elon Musk ໄດ້ຈົດທະບຽນບໍລິສັດໃໝ່ໃນຊື່ X.AI Corp ພ້ອມກັບໄດ້ເຂົ້າຊື້ GPU ຫຼາຍພັນລາຍການ ແລະຍັງໄດ້ຈ້າງນັກວິໄຈຈາກ DeepMind ດ້ວຍ ຊຶ່ງທັງໝົດອາດກ່ຽວຂ້ອງກັບໂຄງການປິດສະໜາຢ່າງ Twitter AI ຫລື TruthGPT ຕົວລ່າສຸດກໍເປັນໄດ້
ທີ່ມາ: Elon Musk says he wants to start ‘TruthGPT’ to rival OpenAI and Google | Engadget
No comments:
Post a Comment