Microsoft ປະກາດປັບ License ຂອງ Windows Server 2022 ໃໝ່ ຫລຸດຂໍ້ກຳນົດບາງຢ່າລົງຊ່ວຍເພີ່ມຄ່ອງຕົວໃນການນຳໄປໃຊ້ງານ
 |
| Credit: Microsoft |
Microsoft ໄດ້ມີການປັບປ່ຽນວິທີການຄິດ
License ບາງສ່ວນຂອງ Windows Server Standard, Datacenter ແລະ Essentials ໃໝ່ ເຊິ່ງເປັນການປ່ຽນແປງທີ່ໜ້າ
Product Terms ແຕ່ບໍ່ມີການອະທິບາຍໄວ້ໃນ
Blog ຫລືປະກາດໃດໆ ໂດຍເວັບໄຊ
Licensing School ແລະ Cloudy With a Chance of Licensing ໄດ້ກວດສອບແລະພົບການປ່ຽນແປງທີ່ສຳຄັນດັ່ງນີ້:
- ຍົກເລີກຂໍ້ກຳນົດການໃຊ້ງານ 16 Core license ຂັ້ນຕ່ຳສຳຫລັບ Virtual
machine ຫລື Azure Hybrid Benefit
- ຍົກເລີກຂໍ້ກຳນົດຂອງ Azure Hybrid Benefit ທີ່ຈຳເປັນຕ້ອງມີ Windows Server Core License ແບບ group ລະ 8 license ເມື່ອໃຊ້ງານ Virtual Machine ຫລາຍກວ່າ 8 Cores ໂດຍກ່ອນໜ້ານີ້ VM ທີ່ໃຊ້ງານ 20 cores ຈະຕ້ອງໃຊ້ 8 license ລວມກັນທັງໝົດ 3 group ເຊິ່ງເຮັດໃຫ້ 4 license ບໍ່ຖືກໃຊ້ງານ
- ເມື່ອລູກຄ້າໃຊ້ງານ Windows Server License ຜ່ານ Subscription ທີ່ຈຳໜ່າຍໂດຍ Cloud Service Provider ສາມາດໃຊ້ງານ Standard License ກັບ VM ທີ່ຕິດຕັ້ງ Windows Server Datacenter ໄດ້ແລ້ວ ໂດຍສິດທິນີ້ໃຊ້ໄດ້ສະເພາະ VM ທີ່ເຮັດວຽກເທິງລະບົບ On-premise ຫລື Authorized Outsourcer ເທົ່ານັ້ນ
- ພາດເນີຜູ້ໃຫ້ບໍລິການແບບ Cloud Solution Provider-Hoster ທີ່ຈຳໜ່າຍ Windows Server Software Subscription ເປັນສ່ວນຫນຶ່ງຂອງບໍລິການແລະເປັນຄົນ
Host ລະບົບນັ້ນເອງ
ບໍ່ຈຳເປັນຕ້ອງຊື້ Windows
Server CAL ຫລື External Connector
License
ຢ່າງໃດກໍຕາມຜູ້ເບິ່ງແຍງລະບົບຫລືພາດເນີຄວນປຶກສາ Microsoft ຫລືຕົວແທນຈຳໜ່າຍກ່ອນທຳການຈັດຊື້
ເພື່ອຄວາມຖືກຕ້ອງໃນການນຳໄປໃຊ້ງານ
ທີ່ມາ: https://www.theregister.com/2023/04/26/windows_server_license_changes/
#iTalk #TechNewsLao
No comments:
Post a Comment