ຄວາມຮ່ວມມືນີ້ເປັນສ່ວນໜຶ່ງຂອງຄວາມສຳພັນເຊີງກົນລະຍຸດທີ່ຍາວນານລະຫວ່າງ Siemens ແລະ Microsoft ເພື່ອປັບປຸງການເຮັດວຽກຮ່ວມກັນ ຂ້າມສາຍງານ ດ້ວຍການລວມຊັອບແວ Teamcenter ຂອງ Siemens ສຳຫລັບການຈັດການວົງຈອນຊີວິດຜະລິດຕະພັນ (PLM) ເຂົ້າກັບແພຼັດຟອມປະສານການເຮັດວຽກຮ່ວມກັນຂອງ Microsoft Teams ແລະໂມເດວພາສາໃນ Azure OpenAI Service ລວມເຖິງຄວາມສາມາດ Azure AI ອື່ນໆ
ການປະສານລວມ AI
ເຂົ້າກັບແພຼັດຟອມເທັກໂນໂລຢີຈະຊ່ວຍປ່ຽນວິທີການເຮັດວຽກຢ່າງລຶກຊຶ້ງ
ແລະ ວິທີດຳເນີນການຂອງທຸກທຸລະກິດ ດ້ວຍເຫດນີ້ Siemens ຈຶ່ງໄດ້ນຳພະລັງຂອງ
AI ໄປສູ່ອົງກອນໃນອຸດສາຫະກຳຕ່າງໆ ເພື່ອຫຼຸດຄວາມຊັບຊ້ອນຂອງເວິກໂຟລແລະເຮັດວຽກຮ່ວມກັນທີ່ຄອບຄຸມຫຼາຍຂຶ້ນເພື່ອເລັ່ງນະວັດຕະກຳທີ່ເນັ້ນລູກຄ້າເປັນສູນກາງ
ດ້ວຍແອັບ Teamcenter ໃໝ່ສຳຫລັບ Microsoft Teams ຊຶ່ງຄາດວ່າຈະເປີດຕົວໃນປີ
2023 ເພື່ອນຳສະເໜີໃຫ້ບໍລິສັດຕ່າງໆ ສາມາດມີວິທີການເຮັດວຽກ
ແລະ ແນວທາງການແກ້ບັນຫາຄວາມທ້າທາຍຮ່ວມກັນໄດ້
ຕົວຢ່າງ: “ວິສາວະກອນຝ່າຍບໍລິການຫລືຝ່າຍຜະລິດສາມາດໃຊ້ອຸປະກອນພົກພາເພື່ອຈັດເຮັດເອກະສານແລະລາຍງານກ່ຽວກັບການອອກແບບຜະລິດຕະພັນຫລືຂໍ້ກັງວົນດ້ານຄຸນນະພາບໂດຍໃຊ້ສຽງເວົ້າທີ່ເປັນທຳມະຊາດ
ຜ່ານ Azure OpenAI Service ແອັບສາມາດແຍກວິເຄາະຂໍ້ມູນສຽງເວົ້າທີ່ບໍ່ເປັນທາງການ
ສ້າງລາຍງານສະຫລຸບໂດຍອັດຕະໂນມັດ ແລະ ກຳນົດເສັ້ນທາງພາຍໃນ Teamcenter ໄປຍັງຜູ້ຊ່ຽວຊານດ້ານການອອກແບບ
ວິສະວະກຳ ຫລື ການຜະລິດທີ່ເໝາະສົມ”
- Microsoft Teams ນຳສະເໜີຄຸນລັກສະນະຕ່າງໆ ເຊັ່ນ ການແຈ້ງເຕືອນແບບພຸດເພື່ອຫຼຸດຄວາມຊັບຊ້ອນຂອງກາລໍຖ້າອະນຸມັດໂຟຼ ຫລຸດເວລາທີ່ໃຊ້ໃນການຮ້ອງຂໍການປ່ຽນແປງການອອກແບບ ແລະ ເພີ່ມຄວາມໄວຂອງວົງຈອນນະວັດຕະກຳ
- ແອັບ Teamcenter ສຳຫລັບ Microsoft Teams ຊ່ວຍໃຫ້ພະນັກງານຫຼາຍລ້ານຄົົນທີ່ບໍ່ສາມາດເຂົ້າເຖິງເຄື່ອງມື PLM ປັດຈຸບັນສາມາດຊ່ວຍໃຫ້ການອອກແບບ ແລະ ຂະບວນການຜະລິດງ່າຍຂຶ້ນ ໂດຍຈະເຂົ້າມາເປັນສ່ວນຫນຶ່ງຂອງເວິກໂຟຼທີ່ມີຢູ່
- Siemens ແລະ Microsoft ຍັງຮ່ວມມືກັນເພື່ອຊ່ວຍນັກພັດທະນາຊັອບແວ
ແລະ ວິສະວະກອນລະບົບອັດຕະໂນມັດ ເລັ່ງການສ້າງລະຫັດສຳລັບ Programmable Logic Controllers (PLCs)
Siemens ແລະ Microsoft ກຳລັງຮ່ວມມືກັນເພື່ອປັບໃຊ້ເຄື່ອງມືເຊັ່ນ
ChatGPT ເພື່ອໃຫ້ສາມາດສະໜັບສະໜູນພະນັກງານໃນອົງກອນທຸກຂະໜາດໃຫ້ເຮັດວຽກຮ່ວມກັນ
ແລະ ສ້າງສັນສິ່ງໃໝ່ໆ ໃນຮູບແບບໃໝ່ໆໄດ້ ເພາະປັນຍາປະດິດຂັ້ນສູງອັນຊົງພະລັງກຳລັງກາຍເປັນໜຶ່ງໃນເທັກໂນໂລຢີທີ່ສຳຄັນທີ່ສຸດສຳຫລັບການປ່ຽນແປງທາງດິຈິຕອນ
ນອກຈາກນີ້ ທີ່ Hannover Messe
ໄດ້ມີສາທິດວິທີການໃຊ້ Microsoft
Azure Machine Learning ແລະ Siemens
Industrial Edge ພາບທີ່ຖ່າຍດ້ວຍກ້ອງ ແລະ ວິດີໂອສາມາດວິເຄາະໂດຍລະບົບແມັດຊີນເລິນນິ່ງ
ແລະ ໃຊ້ໃນການສ້າງ ປັບໃຊ້ ເອີ້ນໃຊ້ ແລະ ກວດສອບແບບຈຳລອງການເບິ່ງເຫັນຂອງ
AI
ທີ່ມາ:https://www.automationmag.com/siemens-microsoft-generative-ai/
No comments:
Post a Comment