7 ອາຫານແກ້ຫິວ ກິນແລ້ວດີຕໍ່ສຸຂະພາບ

ສຳຫຼັບຄົນທີ່ອອກກຳລັງກາຍຢ່າງໜັກຫລືກຳລັງຄວບຄຸມອາຫານຢູ່ ຄົງຕ້ອງເຄີຍເຈີບັນຫາທ້ອງຮ້ອງຕະຫລອດເວລາ ຫລື ຮູ້ສຶກຫິວເລື້ອຍ ໆ ແນ່ນອນ ຈະລະເລີຍກິນຫຍັງຕາມໃຈຢາກກໍອາດຈະເຮັດໃຫ້ແຄລໍຣີເກີນ ແລະ ແຜນຄວບຄຸມອາຫານພັງໄດ້ ແຕ່ຖ້າເລືອກຈະບໍ່ກິນປ່ອຍໃຫ້ຕົວເອງຫິວໄປເລື້ອຍໆ ກໍອາດຈະສົ່ງຜົນເສຍຕໍ່ສຸກຂະພາບອີກເຊັ່ນກັນ ຄົນທີ່ທີ່ເຈີບັນຫາເຫຼົ່ານີ້ຢູ່ກໍບໍ່ຕ້ອງຄິດຫລາຍໄປ ເພາະມື້ນີ້ພວກເຮົາໄດ້ລວບລວມສຸດຢອດ 9 ອາຫານແກ້ຫິວ ມາໃຫ້ເພື່ອນໆ ທຸກຄົນໄດ້ເບິ່ງກັນ ກິນແລ້ວອິ່ມດົນ ແຄລລໍຣີບໍ່ສູງຫລາຍ ແຖມຢັງດີຕໍ່ສຸກຂະພາບອີກດ້ວຍ ຈະມີຫຍັງແດ່ໄປດູພ້ອມໆ ກັນເລຍ

ນົມພ່ອງມັນເນີຍ

ຖືເປັນອາຫານແກ້ຫິວຊັ້ນດີເລີຍ ເຖີງແມ່ນວ່າປະໂຫຍດຕ່າງໆ ຈະບໍ່ສູງເທົ່ານົມປົກກະຕິທັ່ວໄປ ແຕ່ປະລິມານໄຂມັນແລະພະລັງງານທີ່ໄດ້ຮັບຕ່ຳກວ່າຫລາຍ ຄົົນທີ່ຄວບຄຸມອາຫານຫລືລຸດນ້ຳໜັກຢູ່ຄວນມີຕິດບ້ານໄວ້ເລີຍ, ແຕ່ແນະນຳໃຫ້ດື່ມເປັນອາຫານແກ້ຫິວຢ່າງດຽວຈະດີກວ່າ ເພາະຖ້າດື່ມແທນອາຫານມື້ຫຼັກອາດເຮັດໃຫ້ໄດ້ຮັບສານອາຫານທີ່ບໍ່ພຽງພໍໄດ້
ຖົ່ວດຳ

ຖັ່ວດຳອຸດົມໄປດ້ວຍໂປຣຕີນແລະໃຢອາຫານເຮັດໃຫ້ຮູ້ສຶກອິ່ມທ້ອງໄດ້ດົນຫລາຍຂຶ້ນ ບໍ່ແນະນຳໃຫ້ກິນແບບເຊື່ອມຫລືກິນຄູ່ກັບກະທິ ເພາະເດີມທີຖັ່ວດຳກໍໃຫ້ພະລັງງານສູງພໍສົມຄວນຢູ່ແລ້ວ ຫາກກິນຄູ່ກັບນ້ຳຕານຫລືກະທິ ຈະເຮັດໃຫ້ໄດ້ປະລິມານແຄລໍຣີທີ່ຫລາຍເກີນຄວາມຈຳເປັນ ຊຶ່ງອາດເຮັດໃຫ້ເກີດໄຂມັນສະສົມໄດ້ ທາງທີ່ດີກິນແບບຕົ້ມຫລືໜຶ້ງຈະດີກວ່າ
ເຂົ້າໝົມປັງ

ມັນຈະມີສີນ້ຳຕານເຂ້ມ ຊີ້ນແໜ້ນ ມີປະລິມານໄຂມັນແລະໂຊດຽມຕ່ຳ ແຕ່ມີໂພແທດຊຽມ ຟອດຟໍຣັດ ແລະໃຢອາຫານສູງຫລາຍ ນອກຈາກຈະກິນອິ່ມຢູ່ທ້ອງແລ້ວ ຢັງຊ່ວຍປ້ອງກັນພະຍາດເບົາຫວານແລະພະຍາດຫັວໃຈໄດ້ອີກດ້ວຍ ເປັນອາຫານແກ້ຫິວທີ່ນ່າສົນໃຈຫລາຍໆ
ປາແຊມ່ອນ

ການກິນໂປຣຕີນຄົບຕາມທີ່ຮ່າງກາຍຕ້ອງການສາມາດຊ່ວຍຫຼຸດລະດັບຄວາມຫິວໄດ້ ຊຶ່ງຊີ້ນຂອງປລາແຊມ່ອນນັ້ນມີປະລິມານໂປຣຕີນແລະໄຂມັນສູງຫລາຍ ເຮັດໃຫ້ກິນໃນປະລິມານນ້ອຍແຕ່ໄດ້ພະລັງງານສູງແລະຮູ້ສຶກອິ່ມດົນ ອາດຟັງເບິ່ງບໍ່ຕ່າງກັບຊີ້ນໝູຫລືຊີ້ນງົວເທົ່າໃດ ແຕ່ຊີ້ນຂອງປາແຊມ່ອນພິເສດກວ່າບ່ອນທີ່ວ່າມັນມີປະລິມານໄຂມັນ HDL (ໄຂມັນດີ) ແລະໂອເມກ້າ 3 ຊຶ່ງເປັນໄຂມັນທີ່ຈຳເປັນຕໍ່ຮ່າງກາຍ ສູງກວ່າຊີ້ນສັດຊະນິດອື່ນ ໆ ນັ້ນເອງ
ໂຢເກິດໄຂມັນຕ່ຳ

ຖືເປັນອີກໜຶ່ງທາງເລືອກທີ່ດີຫລາຍໆ ເພາະໃຫ້ປະໂຫຍດໄດ້ທຽບເທົ່າກັບນົມເລີຍ ແຕ່ປະລິມານແຄລໍຣີຈະນ້ອຍ ແລະ ຢູ່ທ້ອງດົນກວ່າ ນອກຈາກນີ້ຍັງມີຈຸລິນຊີທີ່ຊ່ວຍຍ່ອຍສະຫຼາຍໄຂມັນ ແລະ ຄາໂບໄຮເດດ ຫຼຸດໄຂມັນສະສົມໃນຮ່າງກາຍ ແລະ ເຮັດໃຫ້ລະບົບຂັບຖ່າຍດີຂຶ້ນອີກດ້ວຍ
ແອັບເປິ້ນ ຫຼື ໝາກປົ່ມ ນັ້ນເອງ

ຈະເປັນແອບເປີ້ນຂຽວກໍດີຫລືເປັນແອບເປີນແດງກໍໄດ້ ເນື່ອງຈາກແອບເປີນເປັນຫມາກໄມ້ທີ່ອຸດົມໄປດ້ວຍໃຢອາຫານແລະສານເພກຕິນ ເຮັດໃຫ້ຮູ້ສຶກອິ່ມທ້ອງ ແຕ່ມີປະລິມານແຄລໍຣີທີ່ຕ່ຳຫຼາຍ ແຖມເກັບໄວ້ໄດ້ດົນຈະຢິບກິນເມື່ອໃດກໍໄດ້ສະດວກສຸດໆ ເປັນອາຫານແກ້ຫິວທີ່ເວິກຫລາຍໆ
ຜັກໂຂມ

ນອກຈາກຈະເຮັດໃຫ້ກ້າມຊີ້ນເຕີບໂຕແຂງແຮງໄດ້ດີແລ້ວ ຜັກໂຂມຢັງປະກອບໄປດ້ວຍ ສານໄທລາຄອຍ (Thylakoid) ທີ່ຊ່ວຍຊະລໍການດູດຊຶມໄຂມັນ ແລະ ນ້ຳຕານໃນຮ່າງກາຍ ເພີ່ມຮໍໂມນເລບຕິນ (Leptin) ຫລື ຮໍໂມນຄວາມອິ່ມ ເຮັດໃຫ້ຄົນກິນບໍ່ຮູ້ສຶກຢາກອາຫານເລື້ອຍໆ ອີກດ້ວຍ ແກ້ບັນຫາຄົນມັກກິນຈຸບຈິບໄດ້ດີເລຍ