ສື່ຕ່າງປະເທດທົດສອບຕິດຕັ້ງແອັບ Google ເທິງ Huawei Mate 30 ແຕ່ໃຊ້ງານບໍ່ໄດ້ທຸກແອັບ

Richard Yu, CEO ຂອງ Huawei Consumer ຢືນຢັນ​ແລ້ວ​ວ່າ​ຜູ້​ໃຊ້​ງານ​ບໍ່​ສາມາດ​ຕິດ​ຕັ້ງ Google Services ໄດ້​ດ້ວຍ​ຕົນເອງ ນັ້ນ​ສົ່ງ​ຜົນ​ໃຫ້​ຜູ້​ໃຊ້​ງານ​ບໍ່​ສາມາດ​ໃຊ້​ແອບ​ຕ່າງໆ ຂອງ Google ເຊັ່ນ Google Maps ຫລື YouTube ໄດ້

“ຢ່າງ​ທີ່​ຮູ້​ກັນ​ວ່າ​ມາດຕະການ​ການ​ຂອງ​ລັດຖະບານ​ສະ​ຫະຣັດ​ເຮັດໃຫ້ Huawei Mate 30 ບໍ່​ມີ Google Services ແລະ ​ບັງຄັບ​ເຮົາ​ໃຫ້​ໃຊ້ Huawei Mobile Services ແທນ ເຖິງ​ແມ່ນ​ວ່າ​ຮາດ​ແວຈະດີ​ກໍ​ຕາມ ແຕ່​ການ​ຂາດ Google Services ແລະ ​ແອັບ​ພລິ​ເຄ​ຊັນ​ຕ່າງໆ ຂອງ Huawei ເປັນ​ຊ່ອງ​ໂຫວ່​ທີ່​ໃຫຍ່​ເກີນ​ໄປ ນອກ​ເໜືອ​ຈາກ​ຜູ້​ໃຊ້​ງານ​ຈະ​ອົດ​ທົນ​ ແລະ ​ພະຍາຍາມ​ຕິດ​ຕັ້ງ​ແອັບ​ ແລະ​ ຍອມ​ຮັບ​ຜົນ​ທີ່​ຕາມ​ມາ​ດ້ວຍ​ຕົນເອງ

ເຮົາ​ຫວັງ​ວ່າ​ຍັງມີ​ຄວາມ​ຫວັງ​ທີ່​ຈະ​ໄດ້​ໃຊ້ Google Services ໃນ​ອຸປະກອນ​ຂອງ​ເຮົາ” – Richard Yu

ຕົວ​ແທນ​ຂອງ Huawei ຢືນຢັນ​ກັບ BBC ວ່າ​ແອັບ​ພລິ​ເຄ​ຊັນ​ຍອດ​ນິຍົມ​ຢ່າງ Instagram, Facebook ຫລື WhatsApp ທັງ​ໝົດ​ນີ້​ມີ​ໃຫ້​ຕິດ​ຕັ້ງ​ຜ່ານ AppGallery ຂອງ Huawei

ຜູ້​ໃຊ້​ງານ​ທະວິດ​ເຕ​ີ​ຊື່ @somospostpc ໜຶ່ງ​ໃນ​ແຂກ​ທີ່​ໄດ້​ເຂົ້າໄປ​ຮັບ​ຊົມ​ງານ​ເປີດ​ຕົວ​ໄດ້​ທົດລອງ​ຕິດ​ຕັ້ງ Play Store ແລະ YouTube ພ​ົບວ່າ​ທັງສອງ​ບໍ່​ສາມາດ​ເປີດ​ໃຊ້​ງານ​ໄດ້, Play Store ເກີດ​ອາການ​ແຄຣດ​ທັນ​ທີ ສ່ວນ YouTube ກໍ​ຖາມ​ຫາແຕ່ Google Services ຢ່າງ​ດຽວ ໃນ​ຂະນະ​ທີ່​ແອັບ​ພລິ​ເຄ​ຊັນ​ຢ່າງ WhatsApp ສາມາດ​ເປີດ​ເຂົ້າໄປ​ໄດ້

ຖື​ວ່າ​ເປັນ​ຂ່າວ​ຮ້າຍ​ສຳລັບ​ແຟນໆຂອງ Huawei ທີ່​ບໍ່​ມີ​ແອັບ​ຕ່າງໆຂອງ Google ຊຶ່ງ​ແນ່ນອນ​ວ່າ​ຕ້ອງ​ສົ່ງ​ຜົນ​ກະທົບ​ກັບ​ຍອດ​ຂາຍ​ຢ່າງ​ບໍ່​ຕ້ອງ​ສົງໄ​ສ ການ​ທີ່ Huawei ຍັງ​ບໍ່​ປະ​ກາ​ດວັນ​ວາງ​ຈຳ​ໜ່າຍ​ກໍ​ອາດ​ພໍ​ຄາດ​ເດົາ​ໄດ້​ວ່າ​ລະຫວ່າງ​ນີ້ Google ອາດ​ກຳ​ລັງ​ເຈລະ​ຈາ​ກັບ​ລັດຖະບານ​ສ​ະຫະຣັດ​​ຢູ່​

 ແຫຼ່ງຂໍ້ມູນ

BBC, beartai