ພົບອຸປະກອນ GPS Tracker ຫຼາຍແສນຕົວໃຊ້ Default Password ອ່ອນແອ ‘123456’

credit : Avast

ຜູ້​ຊ່ຽວ​ຊານ​ຈາກ Avast ໄດ້​ອອກ​ມາ​ເປີດ​ເຜີຍ​ເຖິງ​ອຸປະກອນ GPS Tracker ລຸ້ນ T8 Mini (ພົບ​ໄດ້​ທົ່ວ​ໄປ​ ທີ່​ໂຄສະ​ນາ​ວ່າ​ໃຊ້​ຕິດ​ຕາມ​ເດັກ ສັດ​ລ້ຽງ ຫລື​ ລົດ​ຍົນ) ໂດຍ​ຜູ້​ຜະລິດ​ຈີນ​ທີ່​ຊື່ Shenzhen i365-Tech ໄດ້​ເລືອກ​ໃຊ້​ລະ​ຫັດ​ຜ່ານ Default ສຸດ​ງ່າຍ​ຄື ‘123456’ ຊຶ່ງ​ມີ​ອຸປະກອນ​ກວ່າ 600,000 ຕົວ​ຍັງ​ບໍ່​ໄດ້​ປ່ຽນ​ລະ​ຫັດ​ຜ່ານ

ປະ​ເດັນ​ຄື​ນັກ​ວິ​ໄຈ​ໄດ້​ຄົ້ນ​ພົ​ບວ່າ GPS Tracker T8 Mini ຈາກ​ຜູ້​ຜະລິດ​ທີ່​ຊື່ Shenzhen i365-Tech ໃຊ້​ລະ​ຫັດ​ຜ່ານ Default ງ່າຍ​ຫລາຍ​ໆ ຄື ‘123456’ ນອກ​ຈາກ​ນີ້​ຍັງ​ກະທົບ​ໄປ​ເຖິງ​ໂມ​ເດວ GPS Tracker ອື່ນ​ໆ ກວ່າ 30 ລຸ້ນ​ຈາກ​ຜູ້​ຜະລິດ​ລາຍ​ນີ້ ທີ່​ຮ້າຍ​ກວ່າ​ນັ້ນ​ຄື​ມີ​ບາງ​ສ່ວນ​ຖືກ OEM ໄປ​ຈຳ​ໜ່າຍ​ຕໍ່​ໃນ​ແບ​ຣ​ນ​ອື່ນ​ໆ ດ້ວຍ

ໂດຍ​ໂຄງ​ສ້າງ​ການ​ໃຊ້​ງານ​ຂອງ GPS Tracker ນັ້ນ​ເປັນ​ໄປ​ຕາມ​ພາບ​ປະກອບ​ດ້ານ​ເທິງ​ຄື​ໃຊ້​ເ​ຊິ​ເວີ ເທິງ Cloud ເພື່ອ​ບໍລິຫານ​ຈັດການ​-ການ​ໃຊ້​ງານ​ໃນ​ທຸກ​ຊ່ອງ​ທາງ ຊຶ່ງ​ອາໄສ​ພຽງ​ແຄ່ USER ID ຫລື IMEI (Internet Mobile Equipment Identity) ແລະ​ ລະຫັດ​ຜ່ານ​ເທົ່າ​ນັ້ນ, ນັ້ນ​ໝາຍ​ວ່າ​ຄົນ​ຮ້າຍ​ກໍ​ແຄ່​ໄລ່​ລັອກ​ອິນ USER ID ກັບ​ລະ​ຫັດ​ຜ່ານ 123456 ເພື່ອ​ລັກ​ບັນ​ຊີ ​ແລະ ​ເຮັດໃຫ້​ສາມາດ​ປອມ​ແປງ​ພິ​ກັດ​ຫລື​ສອດແນມ​ຜູ້​ໃຊ້​ງານ​ໄດ້ ບໍ່​ພຽງ​ເທົ່າ​ນັ້ນ​ນັກ​ວິໄ​ຈຍັງ​ຊີ້​ວ່າ​ບັນ​ຊີເທິງ Cloud ຖືກ​ສ້າງ​ຂຶ້ນ​ພ້ອມ​ກັບ​ການ​ຜະລິດ​ຊຶ່ງ​ເຮັດໃຫ້​ຄົນ​ຮ້າຍ​ສາມາດ Hijack ບັນ​ຊີ​ໄດ້​ຕັ້ງ​ແຕ່​ກ່ອນ​ຂອງ​ອອກ​ສູ່ຕະຫຼາດ​ອີກ​ດ້ວຍ

ປັດຈຸບັນ Avast ໄດ້​ວິ​ເຄາະ​ອຸປະກອນ​ພຽງ 4 ລ້ານ​ບັນ​ຊີ​ທີ່ພົ​ບ​ກວ່າ 600,000 ບັນ​ຊີ​ຍັງ​ໃຊ້ Default Password ຈຶ່ງ​ຄາດ​ວ່າ​ຈຳນວນ​ຂອງ​ຜູ້​ໄດ້ຮັບ​ຜົນ​ກະທົບ​ໜ້າ​ຈະ​ສູງ​ກວ່າ​ນັ້ນ ດັ່ງ​ນັ້ນ​ຜູ້​ໃຊ້​ງານ​ຄວນ​ຮີບ​ເຂົ້າໄປ​ປ່ຽນລະ​ຫັດ​ຜ່ານ​ກັນ​ໂດຍ​ໄວ ນອກ​ຈາກ​ນີ້​ຜູ້​ຊ່ຽວ​ຍ​ຊານຍັງ​ບໍ່​ສາມາດ​ຕິດ​ຕໍ່ Shenzhen i365-Tech ໄດ້​ເລີຍ ສາມາດ​ຕິດ​ຕາມ​ເນື້ອ​ຫາ​ເພິ່ມເຕິມ​ໄດ້​ທີ່​ blog ​ຂອງ Avast

ທີ່ມາ: zdnet, thaitechtalk