ມື້ວັນອັງຄານທີ່ຜ່ານມາ (08 ຕູລາ 2019) ບໍລິສັດລາວໂທລະຄົມ
(Lao Telecom) ເລີ່ມທົດລອງເທັກໂນໂລຢີ 5ຈີ (5G) ທີ່ສຳນັກງານໃຫຍ່ຂອງບໍລິສັດ ໃນນະຄອນຫຼວງວຽງຈັນ,
ເນື່ອງຈາກລະບົບສື່ສານແບບບໍ່ມີສາຍ ພັດທະນາໄປຢ່າງວ່ອງໄວ ແລະ ໃຊ້ກັນຢ່າງແພ່ຫຼາຍໃນຊີວິດປະຈຳວັນ
ລາວໂທລະຄົມ ຜູ້ໃຫ້ບໍລິການດ້ານໂທລະຄົມມະນາຄົມຈຶ່ງຕ້ອງປັບຕົວກ້າວຕາມເທັກໂນໂລຢີໃໝ່ໆ
ສະເໝີ ໂດຍເທັກໂນໂລຢີ 5G ຫລື ລະບົບສື່ສານແບບບໍ່ໃຊ້ສາຍຍຸກທີ່ 5 ນີ້ຈະມີຄວາມອັດສະລິຍະ
ວ່ອງໄວ ແລະ ມີປະສິດທິພາບຫລາຍກວ່າ ລວມທັງຕອບສະໜອງຄວາມຕ້ອງການຂອງຜູ້ໃຊ້ໄດ້ດີກວ່າເມື່ອທຽບກັບເທັກໂນໂລຢີ
4G
ທ່ານຮອງຜູ້ອຳນວຍການທົ່ວໄປຂອງບໍລິສັດ
ລາວໂທລະຄົມ ກ່າວວ່າການທົດລອງເທັກໂນໂລຢີ 5G ເປັນອີກກ້າວສຳຄັນຂອງບໍລິສັດ
ລວມເຖິງກຸ່ມຜູ້ໃຊ້ທີ່ສົນໃຈຈະຮຽນຮູ້ ແລະ ກ້າວທັນມາດຕະຖານສາກົນ
ບໍລິສັດ ໃຫ້ຄວາມສົນໃຈເປັນພິເສດໃນການປັບການດຳເນີນທຸລະກິດໃຫ້ທັນສະໄໝ
ເພື່ອສະໜັບສະໜູນຍຸດທະສາດຂອງກະຊວງໄປສະນີ ແລະ ໂທລະຄົມມະນາຄົມຂອງປະເທດ ໃນການພັດທະນາອຸດສາຫະກຳໄອຊີທີ
(ICT) ຊຶ່ງເປັນເຄື່ອງມືສຳຄັນໃນການຂັບເຄື່ອນການພັດທະນາເສດຖະກິດ ແລະ ສັງຄົມ.
ອີກທັ້ງຍັງເປັນການ ບູລະນາການ ກັບມາດຕະຖານລະດັບພູມິພາກ ແລະ ສາກົນ
ທ່ານກ່າວວ່າການທົດສອບ 5G ເປັນຄວາມພະຍາຍາມລ່າສຸດຂອງບໍລິສັດໃນການນຳເທັກໂນໂລຢີຂັ້ນສູງມາສູ່ຊາວລາວ
ຊຶ່ງບໍ່ພຽງຈະຊ່ວຍປັບປຸງຊີວິດປະຈຳວັນເທົ່ານັ້ນ ແຕ່ຍັງຊ່ວຍຍົກລະດັບທຸລະກິດ
ແລະ ເຮັດໃຫ້ເສດຖະກິດເຂັ້ມແຂງຂຶ້ນ ຂະນະດຽວກັນການພັດທະນາດັ່ງກລ່າວຈະຊ່ວຍໃຫ້ປະຊາຊົນ
ແລະ ທຸລະກິດເຊື່ອມໂຍງກັນທັງໃນລະດັບພູມິພາກ ແລະ ລະດັບສາກົນອີກດ້ວຍ
ແຫຼ່ງຂໍ້ມູນ:
No comments:
Post a Comment