ຢືນຢັນແລ້ວວ່າ Samsung Galaxy A91 ຈະມາພ້ອມ Snapdragon 855 ແລະ ສາກໄວ 45W

ກ່ອນ​ໜ້າ​ນີ້​ມີ​ຂ່າວ​ວ່າ Samsung ກຳ​ລັງ​ຢູ່ໃນ​ລະຫວ່າງ​ການ​ພັດທະນາ​ມື​ຖື​ໃນ​ຊີ​ຣີ A ລຸ້ນ​ໃໝ່​ທີ່​ຄາດ​ວ່າ​ຈະ​ເປີດ​ຕົວ​ໃນ​ປີ​ໜ້າ​ຢ່າງ Galaxy A91 ກັນ​ຢູ່ ໂດຍ​ມີ​ຂ່າວ​ລື​ວ່າ​ລຸ້ນ​ນີ້​ອາດຈະ​ມາ​ພ້ອມ​ສາກ​ໄວ Super Fast Charging 2.0 45W ຄືກັນ​ກັບ​ທີ່​ມີ​ໃຊ້​ໃນ Galaxy Note 10+ ແລະ ​ລ່າ​ສຸດ​ມີ​ຂໍ້​ມູນ​ຢືນຢັນ​ວ່າ Galaxy A91 ຈະ​ມາ​ພ້ອມ​ລະບົບ​ສາກ​ໄວ​ຕົວ​ນີ້​ແທ້ໆ ແຖມ​ອັບ​ເກຣດ​ສ​ະເປັກ​ ແລະ ​ກ້ອງ​ຂຶ້ນ​ອີກ​ດ້ວຍ

Credit: GSMarena.com

ສຳຫລັບ Galaxy A91 ອາດຈະ​ປ່ຽນ​ແປງ​ມຸມ​ມອງ​ຂອງ​ມື​ຖື​ໃນລະ​ດັບ​ກາງ​ຂອງ​ຕະກູນ A ທີ່​ເຮົາ​ຄຸ້ນ​ເຄີຍ​ກັນ​ໂດຍ​ສິ້ນ​ເຊີງ ເພາະ​ສະ​ເປັກ​ທີ່​ອອກ​ມາ​ນັ້ນ​ມັນ​ຄື​ລຸ້ນທ໊ອບ​ເລີຍ​ກໍ​ວ່າ​ໄດ້ ເລີ່ມ​ຈາກ​ຊິບ​ເຊັດ Snapdragon 855 ຈັບ​ຄູ່​ມາ​ກັບ RAM 8GB ແລະ ​ມີ​ຫນ່ວຍ​ຄວາມ​ຈຳ​ໃນ​ຕົວ​ເຄື່ອງ​ທີ່ 128 GB ເພີ່ມ microSD ໄດ້​ເຖິງ 512GB ສຳຫລັບ​ດີ​ຊາຍ​ຕົວ​ເຄື່ອງ​ນັ້ນ​ມາ​ພ້ອມ​ໜ້າ​ຈໍ​ສະແດງ​ຜົນ​ຂະໜາດ 6.7 ນິ້ວ​ແບບ Infinity-U ຄວາມ​ລະອຽດ Full HD+

Galaxy A91 ຍັງ​ໃຊ້​ກ້ອງ​ຫຼັງ 3 ຕົວ​ຄືກັບ​ລຸ້ນ Galaxy A90 แຕ່ປັບ​ສະ​ເປັກ​ກ້ອງ​ບາງ​ຕົວ​ໃໝ່ ໂດຍ​ກ້ອງ​ຫຼັກ​ມີ​ຄວາມ​ລະອຽດ 48 MP, OIS, ກ້ອງ​ຕົວ​ທີ່ 2 ເປັນ​ເລນ ultra-wide ທີ່​ປ່ຽນ​ຈາກ 8MP ເປັນ 12MP ສ່ວນ​ກ້ອງ​ຕົວ​ທີ່ 3 ເປັນ depth sensor ຄວາມ​ລະອຽດ 5MP ສ່ວນ​ກ້ອງ​ໜ້າ​ເຊວ​ຟີ່​ມີ​ຄວາມ​ລະອຽດ​ທີ່ 32 MP  ສ່ວນ​ການ​ເຊື່ອມ​ຕໍ່​ທົ່ວ​ໄປ​ກໍ​ຮອງ​ຮັບ​ໄດ້​ທັງ Bluetooth 5.0, USB Type-C ແລະ Wi-Fi (ແຕ່​ບໍ່​ໄດ້​ຮອງ​ຮັບ 5G) ແລະ​ເບິ່ງຄືຈະ​ບໍ່​ມີ​ຊ່ອງ​ສຽບ​ຫູ​ຟັງ 3.5 ມມ.  ມາ​ໃຫ້ ສຳຫລັບ​ແບັດ​ເຕີ​ຣີ່​ມີ​ຄວາມ​ຈຸ 4,500mAh ຮອງ​ຮັບ ສາກໄວ 45W

ສ​ະເປັກ SAMSUNG GALAXY A91

·         ຈໍ​ສະແດງ​ຜົນ : ຂະໜາດ 6.7 ນິ້ວ ແບບ Infinity-U display ຄວາມ​ລະອຽດ Full HD+

·         ຊິບ​ເຊັດ : Snapdragon 855

·         ລະບົບ​ປະຕິບັດການ : Android 10 ຄອບ​ທັບ​ດ້ວຍ One UI

·         RAM  : 8GB

·         ROM : 128GB ສາມາດ​ເພີ່ມ microSD ໄດ້​ເຖິງ 512GB

·         ກ້ອງ​ຫຼັງ  : 3 ຕັວ ກ້ອງ​ຫຼັກ​ຄວາມ​ລະອຽດ 48 MP, OIS + ເລນ ultra-wide ຄວາມ​ລະອຽດ 12MP+ depth sensor ຄວາມ​ລະອຽດ 5MP

·         ກ້ອງ​ໜ້າ​ເຊວ​ຟີ່ : ຄວາມ​ລະອຽດ 32 MP, f/2.2

·         ສະ​ແກນ​ນິ້ວມື :  in-display optical fingerprint

·         ການ​ເຊື່ອມ​ຕໍ່ : Bluetooth 5.0, Wi-Fi a/b/g/n/ac

·         ພອດ : USB Type-C

·         ແບັດ​ເຕີ​ຣີ່ : 4,500mAh ຮອງ​ຮັບ Super-Fast Charging 2.0 45W

ຈຸດ​ທີ່​ໜ້າ​ສົນ​ໃຈ​ຄື​ລະບົບ​ປະຕິບັດການ​ທີ່​ຈະ​ມາ​ພ້ອມ​ກັບ Galaxy A91 ຊຶ່ງ​ກ່ອນ​ໜ້າ​ນີ້​ມີ​ຂ່າວ​ວ່າ Samsung ຈະ​ໃຊ້ Android 10 ຊຶ່ງ​ຫາກ​ເປັນ​ຈິງ​ຕາມ​ນີ້ ກໍ​ໝາຍ​ຄວາມ​ວ່າ Galaxy A91 ອາດຈະ​ເປີດ​ຕົວ​ຫຼັງ​ຈາກ Galaxy S11 ເປີດ​ຕົວ​ໄປ​ແລ້ວ  ຫລື ​ອາດຈະ​ເປີດ​ຕົວ​ໃນ​ງານ MWC 2020 ພ້ອມ​ໆ ກັບ Galaxy A (2020) ລຸ້ນ​ອື່ນ​ໆ   ແລະ​ ບາງ​ກະ​ແສ​ກໍ​ວ່າ Galaxy A91 ອາດຈະ​ເປີດ​ຕົວ​ໃນ​ອິນ​ເດຍ​ກ່ອນ​ສິ້ນ​ປີ​ນີ້​ໂດຍ​ໃຊ້ Android 9 Pie  ກໍ​ເປັນ​ໄດ້​ເຊັ່ນ​ກັນ

ແຫຼ່ງຂໍ້ມູນ:

sammobile , gizmochina, droidsans