Microsoft ເປີດຕົວ Edge ບຣາວເຊີລຸ້ນໃໝ່ທີ່ມີພື້ນຖານເທິງ Chromium

Microsoft ເປີດ​ຕົວ Edge ບ​ຣາ​ວ​ເຊ​ີລຸ້ນ​ໃໝ່​ທີ່​ມີ​ພື້ນ​ຖານ​ເທິງ Chromium ເຊັ່ນ​ດຽວ​ກັບ Google Chrome ເຊິ່ງ​ງານ​ນີ້ Microsoft ຕັ້ງ​ເປົ້າ​ໄວ້​ໃຫ້ Edge ລຸ້ນ​ໃໝ່​ລື່ນ​ຂຶ້ນ ແລະ ໃຊ້​ຊັບພະຍາກອນ​ນ້ອຍ​ລົງ

          ​ເມື່ອ​ດົນ​ມາ​ແລ້ວ Microsoft ໄດ້ເປີດ​ຕົວ Internet Explorer ເທື່ອ​ທຳອິດໃນ​ປີ 1995 ຄອງ​ສ່ວນ​ແບ່ງ​ບ​ຣາ​ວເຊີທັງ​ໝົດ 95% ໃນ​ປີ 2003 ແຕ່​ຫຼັງ​ຈາກ​ນັ້ນ Microsoft ກໍ​ຕ້ອງ​ປະເຊີນ​ບັນຫາ​ຄະດີ​ຟ້ອງ​ຮ້ອງ​ເລື່ອງ​ການ​ຜູກ​ຂາດ Internet Explorer ສົ່ງ​ຜົນ​ໃຫ້​ເກີດ​ການ​ພັດທະນາ​ທີ່​ລ່າ​ຊ້າ ມີບ​ັ​​ກ (bug) ​ຫຼາຍ ແລະ ​ຮູບ​ແບບ​ຕ່າງໆ ຍັງ​ບູຮານ ຫຼື ຫຼ້າຫຼັງ ເຮັດໃຫ້ Google Chrome ແລະ Firefox ເກີດ​ຂຶ້ນ​ມາ​ແທນ

ຫຼັງ​ຈາກ​ນັ້ນ Microsoft ວາງ​ແຜນ​ທີ່​ຈະ​ລ້າງ​ໄພ້​ທັງ​ໝົດ​ຂອງ Internet Explorer ໂດຍ​ການ​ເປີດ​ຕົວ Microsoft Edge ບຣາວເຊີ​ລຸ້ນ​ໃໝ່​ຂອງ​ບໍລິສັດ​ໃນ​ປີ 2015 ແຕ່​ຊ່ວງ​ທຳອິດ​ກໍຍັງ​ລົ້ມ​ເຫຼວ ນອກ​ຈາກ Microsoft Edge ຈະ​ໃຊ້​ງານ​ໄດ້​ສະເພາະ​ເທິງ Windows 10 ເທົ່າ​ນັ້ນ ຍັງມີ​ບັນຫາ​ເລື່ອງ​ຄວາມ​ໜ່ວງຊ້າ ບໍ່​ມີ​ສ່ວນ​ຂະຫຍາຍ ຍັງ​ບໍ່​ສາມາດ​ທັດ​ທຽມ Chrome ທີ່​ມີ​ສ່ວນ​ແບ່ງ​ຕະຫຼາດ​ຫຼາຍ​ທີ່ສຸດ​ໃນ​ເວລາ​ນັ້ນ​ໄດ້​ຢູ່​ດີ

ຈົນ​ບໍ່​ດົນ​ມາ​ນີ້ Microsoft ໄດ້​ປະ​ກາດ​ພັດທະນາ Edge ທີ່​ມີ​ພື້ນ​ຖານ​ເທິງ Chromium ເຊັ່ນ​ດຽວ​ກັບ Google Chrome ແລະ ​ປ່ອຍ​ໃຫ້​ອັບ​ເດດ​ແບບ​ຕິດ​ຕັ້ງ​ເອງ​ເມື່ອ​ວັນທີ 16 ມັງກອນ 2020 ​ທີ່​ຜ່ານມາ (ບົວໂມງ +7)ດ້ານ​ການ​ທົດສອບ​ແຣມ ເວັບ​ໄຊ​ Computerworld ທົດສອບ​ທຽບ​ກັບ Google Chrome ໂດຍ​ການ​ເປີດ​ເວັບ​ໄຊ​ 5 ແທັບ​ເທົ່າໆ ກັນ ປິດ​ສ່ວນ​ຂະຫຍາຍ​ທັງ​ໝົດ ພົບວ່າ Edge ທີ່​ມີ​ພື້ນ​ຖານ​ເທິງ Chromium ໃຊ້​ແຣມ​ນ້ອຍ​ກ່ວາChrome ເຖິງ 14%

ນອກ​ຈາກ​ນີ້​ຍັງມີ​ຜົນ​ການ​ທົດສອບ Benchmark ຕ່າງໆ ພົ​ບວ່າ Edge ຊະນະ Chrome ເກືອບ​ທຸກ​ລາຍ​ການ​ທົດສອບ​ເລີຍກໍ່ວ່າໄດ້

•  SunSpider: Edge ຊະນະ
• Octane: Chrome ຊະນະ
• Kraken: Firefox ຊະນະ
• JetStream: Edge ຊະນະ
• MotionMark: Edge ຊະນະ
• Speedometer: Edge ຊະນະ
• Basemark: Brave ຊະນະ
• WebXPRT: Firefox ຊະນະ

ແຫຼ່ງຂໍ້ມູນ: 1, https://www.beartai.com/news/itnews/397125

2, https://www.computerworld.com/article/3513973/microsofts-new-edge-browser-third-times-the-charm.html

3, https://venturebeat.com/2020/01/15/browser-benchmark-battle-january-2020-chrome-firefox-edge-brave/