HP ເຂົ້າຊື້ກິດຈະການ Bromium ບໍລິສັດ Startup ດ້ານ Endpoint Security

HP ໄດ້​ອອກ​ມາ​ປະ​ກາດ​ເຂົ້າ​ຊື້​ກິດຈະການ​ຂອງ Bromium ບໍລິສັດ Startup ຜູ້​ພັດທະນາ​ໂຊ​ລູ​ຊັນ​ດ້ານ Endpoint Security ແລ້ວ​ຢ່າງ​ເປັນ​ທາງ​ການ​ໂດຍ​ບໍ່​ເປີດ​ເຜີຍ​ມູນ​ຄ່າ​ການ​ເຂົ້າ​ຊື້​ກິດຈະການ​ເທື່ອ​ນີ້

ທີ່​ຜ່ານມາ Bromium ນັ້ນ​ເປັນ​ຜູ້​ພັດທະນາ​ເທກ​ໂນ​ໂລ​ຢີ HP Sure Click ໃຫ້​ກັບ HP ເພື່ອ​ຊ່ວຍ​ປົກ​ປ້ອງ​ຜູ້​ໃຊ້​ງານ PC ແລະ Notebook ຈາກ Malware ຢູ່​ແລ້ວ ແລະ Bromium ເອງ​ກໍ​ຍັງມີ​ເທກ​ໂນ​ໂລ​ຢີ Virtualization-based ອື່ນ​ໆ ເຊັ່ນ ການ​ປ້ອງ​ກັນ​ການ​ໂຈມ​ຕີ​ຜ່ານ​ທາງ Email, Browser ແລະ​ອື່ນ​ໆ ດ້ວຍ

ການ​ເຂົ້າ​ຊື້​ກິດຈະການ​ໃນ​ເທື່ອ​ນີ້​ຈະ​ເຮັດໃຫ້ HP ນຳ​ເທກ​ໂນ​ໂລ​ຢີ​ຂອງ Bromium ເຂົ້າໄປ​ປະສານ​ກັບ​ອຸປະກອນ PC ແລະ Notebook ຂອງ​ຕົນເອງ​ເພື່ອ​ເສີມ​ຄວາມຫມັ້ນຄົງ​ປອດ​ໄພ​ໃຫ້​ແຂງ​ແຮງ​ຍິ່ງ​ຂຶ້ນ ບໍ່​ວ່າ​ຈະ​ເປັນ​ການເຮັດ Hardware-Enforced Isolation/Containment, ການ​ຮັບ​ມື​ກັບ Malware ທີ່​ມີ​ຄວາມ​ຊັບ​ຊ້ອນ ແລະ ​ການ​ປົກ​ປ້ອງ Firmware/BIOS ໄດ້​ຢ່າງ​ໝັ່ນໃຈຍິ່ງ​ຂຶ້ນ

ກົນລະຍຸດດ້ານ​ການ​ເສີມ Security ໃຫ້​ກັບ​ອຸປະກອນ Endpoint ຂອງ HP ນີ້​ຖື​ວ່າ​ໜ້າ​ສົນ​ໃຈ​ບໍ່​ນ້ອຍ ໂດຍ​ກ່ອນ​ໜ້າ​ນີ້ HP ເອງ​ກໍ​ໃຫ້​ຄວາມ​ສຳຄັນ​ກັບ Security ເທິງ Printer ຂອງ​ຕົນເອງ​ຫຼາຍ ແລະ ​ໃນ​ເທື່ອ​ນີ້​ການ​ເຂົ້າ​ຊື້​ກິດຈະການ​ຂອງ Bromium ມາ​ກໍ​ນັບ​ເປັນ​ອີກ​ກ້າວ​ໃຫຍ່​ໃນ​ການ​ລົງ​ທຶນ​ດ້ານ Security ຂອງ HP

ປັດຈຸບັນ​ເວັບ​ໄຊ​ຂອງ Bromium ທີ່ https://www.bromium.com/ ໄດ​້​ຂຶ້ນ​ປະ​ກາດ​ການ​ເຂົ້າ​ຊື້​ກິດຈະການ ແລະ Redirect ຜູ້​ໃຊ້​ງານ​ໄປ​ຍັງ​ໜ້າ​ເວັບ​ໄຊ​ຂອງ HP ແທນ​ແລ້ວ

ແຫຼ່ຂໍ້ມູນ
https://www.securityweek.com/hp-acquires-endpoint-security-company-bromium
https://www.techtalkthai.com/hp-acquires-bromium/