ເປີດຕົວ iPad 7th Gen ມາພ້ອມໜ້າຈໍ Retina Display 10.2 ນິ້ວ ແລະ ຮອງຮັບ Apple Pencil

Apple ເປີດ​ຕົວ iPad 7th Gen ທີ່​ມາ​ກັບ​ໜ້າ​ຈໍ Retina Display ຂະໜາດ 10.2 ນິ້ວ, ໃຊ້​ຊິບ​ເຊັດ A10 Fusion, ກ້ອງ​ຫຼັງ​ທີ່​ດີກວ່າ​ເດີມ, ແບດ​ເຕີ​ຣີ່​ທີ່​ໃຊ້​ງານ​ໄດ້​ດົນ​ກວ່າ​ເດີມ ລວມເຖິງ​ຍັງ​ຮອງ​ຮັບ​ການ​ໃຊ້​ງານ Apple Pencil ສຳລັບ​ການ​ຂີດ​ໆ ຂຽນ​ໆ ໄດ້​ເໝືອນ​ກັບ​ການ​ໃຊ້​ງານ​ປື້ມ+​ສໍ​ຈິງ ໂດຍ iPad 7th Gen ມີ​ລາ​ຄາ​ເລີ່ມ​ຕົ້ນ​ຢູ່​ທີ່ $329

iPad 7th Gen ມາ​ພ້ອມ​ກັບ​ລະບົບ iPadOS ເພີ່ມ​ສາມາດ​ໃນ​ການ​ໃຊ້​ງານ​ແບບ Multi Task ແກ້​ໄຂ​ເອກະສານ​ງານ​ຕ່າງ​ໆ ໄດ້​ຢ່າງ​ງ່າຍ​ດາຍ ພ້ອມ​ທັງ​ຄົ້ນ​ຫາ​ຂໍ້​ມູນ​ເພິ່ມເຕິມ​ຈາກ​ເວັບ ຫຼື ໂທ FaceTime ໄປ​ພ້ອມ​ໆ ກັນ​ໄດ້​ອີກ​ດ້ວຍ ໂດຍ​ປະ​ສິດ​ທິ​ພາບ​ການ​ໃຊ້​ງານ​ທາງ Apple ເວົ້າ​ວ່າ​ແຮງ​ກວ່າ​ໂນ້ດ​ບຸ໊ກ Windows ທີ່​ມີຍ​ອດ​ຂາຍ​ດີ​ໃນ​ຊ່ວງ​ທຳອິດຂອງ​ປີ 2019 ເຖິງ 2 ເທົ່າ

iPad 7th Gen ຮອງ​ຮັບ​ການ​ໃຊ້​ງານ​ຄູ່​ກັບ Apple Pencil ເຮັດໃຫ້​ສາມາດ​ຈົດ​ບັນ​ທຶກ​ສິ່ງ​ຕ່າງ​ໆ ໄດ້​ຢ່າງ​ສະ​ດວກ ຕັ້ງ​ແຕ່​ຈົດ​ວຽກບ້ານ​ໄປ​ຈົນ​ເຖິງ​ຈົດ​ລາຍ​ການ-​ການ​ປະ​ຊຸມ ຫຼືຈະ​ເອົາ​ໄປແຕ້ມ​ຮູບ​ເພື່ອ​ການ​ບັນ​ເທີງ​ກໍ​ຍັງ​ໄດ້

ດ້ວຍ​ປະ​ສິດ​ທິ​ພາບ​ຂອງ​ຊິບ​ເຊັດ A10 Fusion ທີ່​ຈະ​ເຮັດໃຫ້​ການ​ຫຼິ້ນ​ເກມ​ຕ່າງ​ໆ ວ່ອງໄວ ລື່ນ​ໄຫຼ ແລະ ​ຄົມ​ຊັດເຕັມ​ໄປ​ດ້ວຍ​ລາຍ​ລະອຽດ​ຕ່າງ​ໆ ອີກ​ທັງ​ສາມາດ​ໃຊ້​ງານ​ຮ່ວມ​ກັບ​ຄອນໂທຣເລີ PlayStation DualShock 4 ຫຼື ​ອຸປະກອນ​ຄວບ​ຄຸມ​ເກມ​ທີ່​ໄດ້ຮັບ​ມາດຕະຖານ MFi ໄດ້​ອີກ​ດ້ວຍ

ກ້ອງ​ຫຼັງ​ຄວາມ​ລະອຽດ 8 ລ້ານ​ພິກ​ເຊລ ເຮັດໃຫ້​ສາມາດ​ຖ່າຍ​ ແລະ ​ຕັດ​ຕໍ່​ວິ​ດີ​ໂອ​ໄດ້​ຈາກ​ແອບກ້ອງ​ເລີຍ ຈະ​ໃສ່​ເອ​ຟ​ເຟັກມ່ວນ​ໆ ຫຼື ​ຈະ​ໃສ່​ຟິວເຕ​ີໝຸນ​ພາບ​ຫຍັງ​ກໍ​ເຮັດ​ໄດ້​

ນອກ​ຈາກ​ນີ້ iPad ລຸ້ນ​ໃໝ່ (ລວມ​ໄປ​ເຖິງ iPhone 11 ທີ່​ຫາກໍ່​ເປີດ​ຕົວ​ໄປ​ດ້ວຍ) ຈະ​ໄດ້ຮັບ​ສິດເບິ່ງ Apple TV+ ບໍລິການ ​live streaming ພາບພະຍົນ ​ແລະ ​ຊີ​ຣີ ໄດ້​ຟີ​ເປັນ​ເວລາ 1 ປີ ຊຶ່ງ​ຄ່າ​ບໍລິການ​ຂອງ Apple TV+ ຈະ​ຢູ່​ທີ່ $4.99

ດ້ວຍ​ຂະໜາດ​ກະ​ທັດຮັດ ແລະ ​ນ້ຳ​ໜັກ​ພຽງ 450 ກຣາມ ເຮັດໃຫ້ iPad 7th Gen ສາມາດ​ພົກ​ພາ​ໄປ​ໄດ້​ທຸກ​ທີ່ ອີກ​ທັງ​ຍັງມີ​ໃຫ້​ເລືອກ​ທັງ​ລຸ້ນ Wi-Fi ແລະ 4G LTE Advanced ເວົ້າ​ໄດ້​ວ່າ ​ບໍ່​ວ່າ​ຈະ​ຢູ່​ທີ່​ໃດ​ກໍ​ສາມາດ​ທ່ອງ​ເວັບ, ເບິ່ງ​ໜັງ​ ຫລື ​ຊີ​ຣີ​ ແລະ​ອື່ນ​ໆ ບວກ​ກັບ​ແບດ​ເຕີ​ຣີ່​ທີ່​ໃຊ້​ງານ​ໄດ້​ດົນ​ສູງ​ສຸດ​ເຖິງ 10 ຊັ່ວ​ໂມງ ເຮັດໃຫ້​ເຮົາ​ສາມາດ​ເພີດ​ເພີນ​ກັບ iPad 7th Gen ຕົວ​ນີ້​ໄດ້​ຢາວ​ໆ

ສະ​ເປ໊ກ IPAD 10.2 ນິ້ວ

·         ໜ້າ​ຈໍ LCD Retina ຂະໜາດ 10.2 ນິ້ວ ພ້ອມ​ເທັກ​ໂນ​ໂລ​ຢີ IPS ຄວາມ​ລະອຽດ 2160 x 1620 ຄວາມ​ສະຫວ່າງ 500 ນິດ ເຄືອບ​ສານ​ກັນ​ຮອຍ​ນິ້ວ​ມື ແລະ ​ຮອງ​ຮັບ Apple Pencil

·         ຊິບ​ເຊັດ A10 Fusion ພ້ອມ​ສະ​ຖາ​ປັດຕະຍະ​ກຳ 64 ບິດ

·         ກ້ອງ​ຫຼັງ 8 ລ້ານ​ພິກ​ເຊລ ຣູ​ຮັບ​ແສງ f/2.4 ບັນ​ທຶກ​ວິ​ດີ​ໂອ​ໄດ້ 1080p@30fps

·         ກ້ອງ​ໜ້າ 1.2 ລ້ານ​ພິກ​ເຊລ ຣູ​ຮັບ​ແສງ f/2.2

·         ລຳ​ໂພງ​ສ​ະເຕີ​ຣິ​ໂອ

·         ເຊນ​ເຊີ

·         Touch ID

·         ໄຈ​ໂຣ 3 ແກນ

·         ອຸປະກອນ​ກວດ​ຈັບ​ການ​ເຄື່ອນ​ໄຫວ

·         ບາ​ຣໍ​ມິ​ເຕ​ອ​ຣ​໌

·         ເຊນ​ເຊີ​ກວດ​ວັດ​ແສງ​

·         ລະບົບ​ປະຕິບັດການ iPadOS

ແຫຼ່ງຂໍ້ມູນ:

https://droidsans.com/apple-ipad-7th-generation-announced/