ລະວັງ ຜູ້ໃຊ້ Mac ອາດຈະມີແນວໂນ້ມຖືກໂຈມຕີ ຈາກ Phishing ແລະ Malware ຫຼາຍຂຶ້ນ

ລະ​ວັງ​ຜູ້​ໃຊ້ Mac ມີ​ແນວ​ໂນ້ມ​ຖືກ​ໂຈມ​ຕີ ຈາກ​ຟິດ​ຊິ່ງ​ແລະ​ມັນ​ແວ​ຣ​໌​ເພີ່ມ​ຫລາຍ​ຂຶ້ນ ໂດຍ​ຈາກ​ການລາຍ​ງານ​ຂອງ Kaspersky ພ​ົບວ່າ​ໄພ​ຄຸກ​ຄາມ​ທີ່​ມີ​ຜົນ​ກະທົບ​ຕໍ່​ຜູ້​ໃຊ້​ງານ​ລະບົບ​ປະຕິບັດການ MacOS ມີ​ແນວ​ໂນ້ມ​ເພີ່ມ​ສູງ​ຂຶ້ນ ຜ່ານ​ທາງ​ອີ​ເມນ​ປອມ​ທີ່​ອ້າງ​ວ່າ​ມາ​ຈາກ Apple ເພື່ອ​ລອກລວງເອົາລັກ​ຊື່​ຜູ້​ໃຊ້​ແລະ​ລະ​ຫັດ​ຜ່ານ ໂດຍ​ໃນ​ເຄິງທຳອິດ​ຂອງ​ປີ ຄ.ສ. 2019 ພົບ​ການ​ໂຈມ​ຕີກ​ວ່າ 6 ລ້ານ​ເທື່ອ ໂດຍ 11.9% ຂອງ​ການ​ໂຈມ​ຕີ​ນັ້ນ​ມຸ້ງ​ເປົ້າ​ໄປ​ທີ່​ຜູ້​ໃຊ້​ໃນ​ໜ່ວຍ​ງານ​ທຸລະກິດ (ເນື່ອງ​ຈາກ​ຫຼາຍ​ໜ່ວຍ​ງານ​ໃຊ້ Mac ໃນ​ການ​ເຮັດ​ວຽກງານ​ເປັນ​ຫຼັກ) ໂດຍ​ສັດ​ສ່ວນ​ການ​ໂຈມ​ຕີ​ແບບ​ຟິດ​ຊິ່ງ​ທີ່​ອາໄສ​ຊື່​ບໍລິສັດ Apple ນັ້ນ​ເພີ່ມ​ຂຶ້ນ 30-40% ທຸກ​ປີ

ການ​ໂຈມ​ຕີ​ປະ​ເພດ​ມັນ​ແວ​ຣ​໌ ໃນເຄິ່ງທຳອິດ​ຂອງ​ປີ ຄ.ສ. 2019 ພົບ​ການ​ໂຈມ​ຕີກ​ວ່າ 1.8 ລ້ານ​ເທື່ອ ໂດຍ​ສ່ວນ​ໃຫຍ່​ເປັນ​ມັນ​ແວ​ປະ​ເພດ Adware ຊ່ອງ​ທາງ​ການ​ໂຈມ​ຕີ​ທີ່​ພົບ​ຫຼາຍ​ຄື​ການ​ຫຼອກລວງ​ໃຫ້​ຕິດ​ຕັ້ງ​ປ​ັ​ັ​໊​ກ​ອິນ​ໃນ​ບາວເຊີ ໂດຍ​ອ້າງ​ວ່າ​ຕ້ອງ​ຕິດ​ຕັ້ງ​ເພື່ອ​ໃຫ້​ສາມາດ​ຮັບ​ຊົມ​ວິ​ດີ​ໂອ​ໃນ​ເວັບ​ໄຊ​ໄດ້ (ຊຶ່ງ​ສ່ວນ​ໃຫຍ່​ຫຼອກ​ວ່າ​ເປັນ​ເວັບ​ໄຊ​​ທີ່​ສາມາດ​ໃຊ້​ຮັບ​ຊົມ​ວິ​ດີ​ໂອ​ລະ​ເມີດ​ລິຂະ​ສິດ) ແລະ ຊ່ອງ​ທາງ​ການ​ໂຈມ​ຕີ​ແບບ​ອື່ນ ເຊັ່ນ ສະແດງ​ຂໍ້ຄວາມ​ຫຼອກລວງ​ວ່າ​ເຄື່ອງ​ຄອມພິວເຕີ​ຕິດ​ມັນ​ແວ​ຣ ​໌​ແລະ ​ແນະ​ນຳ​ໃຫ້​ດາວ​ໂຫຼດ​ປ້ອງ​ກັນ​ມັນ​ແວ​ຣ​໌​ໄປ​ຕິດ​ຕັ້ງ ຊຶ່ງ​ແທ້​ຈິງ​ແລ້ວ​ໂປຣ​ແກຣມ​ຍົວະໃຫ້​ດາວ​ນ​໌​ໂຫຼດ​ນັ້ນ​ຄື​ຕົວ​ມັນ​ແວ​ຣ​໌​ເອງ

ສະຫລຸບ​ແລ້ວ ເຖິງວ່າ​ເຈົ້າ​ຈະ​ໃຊ້ Mac ຊຶ່ງ​ມີ​ຄວາມ​ສ່ຽງ​ນ້ອຍ​ຈາກໄ​ພ​ຄຸກ​ຄາມ​ທາງ​ຄອມພິວເຕີ ກໍ​ມີ​ໂອ​ກາດ​ຖືກ​ໂຈມ​ຕີ​ຈາກ​ຄວາມ​ບໍ່​ລະ​ມັດ​ລະ​ວັງ​ໃນ​ການ​ຄລິກ ດັ່ງ​ນັ້ນ​ການ​ອັບ​ເດດ​ລະບົບ​ປະຕິບັດການ ແອບ​ພລິ​ເຄ​ຊັນ​ທີ່​ໃຊ້​ງານ ລວມ​ເຖິງ​ກວດ​ສອບ​ກ່ອນ​ຕິດ​ຕັ້ງ​ໂປຣ​ແກຣມ​ແລະ​ກ່ອນ​ປ້ອນ​ຂໍ້​ມູນ​ສ່ວນ​ຕົວ ກໍ​ເປັນ​ວິທີ​ທີ່​ຊ່ວຍ​ເພີ່ມ​ຄວາມ​ລະ​ມັດ​ວັງ​ແລະລອດ​ພົ້ນ​ຈາກ​ໄພ​ຄຸກ​ຄາມ​ທາງ​ໄຊ​ເບ​ີໄດ້

ແຫຼ່ງຂໍ້ມູນ

Kaspersky

it24hrs