Privacy International ກຸ່ມຜູ້ສະໜັບສະໜູນການຄຸ້ມຄອງຂໍ້ມູນສ່ວນບຸກຄົນໄດ້ອອກມາແຈ້ງເຕືອນຊາວສາວຜູ້ໃຊ້ແອັບພິເຄຊັນສຳລັບຕິດຕາມຮອບເດືອນຫຼາຍລ້ານລາຍ
ສ່ຽງຂໍ້ມູນສຸຂະພາບບໍ່ວ່າຈະເປັນ ຮອບເດືອນ
ຊີວິດເທິງຕຽງ ການໃຊ້ຢາຄຸມ ອາການປ່ວຍ ແລະອື່ນໆ ຖືກເປີດເຜີຍໃຫ້ Facebook ໂດຍບໍ່ຮູ້ຕົວ ເຖິງວ່າເຈົ້າຈະບໍ່ໄດ້ຫຼິ້ນ Facebook ກໍຕາມ
 |
| Image Credit: ShutterStock.com |
ແອັບພິຼເຄຊັນຕິດຕາມຮອບເດືອນ ເປັນໜຶ່ງໃນແອບພຣິເຄຊັນຍອດນິຍົມທີ່ເຫຼົ່າສາວໆດາວນ໌ໂຫຼດມາໃຊ້ງານເພື່ອຕິດຕາມຮອບເດືອນຂອງຕົນເອງ ລວມໄປເຖິງຜູ້ທີ່ຕ້ອງການມີລູກ ເນື່ອງຈາກແອັບພຣິເຄຊັນດັ່ງກ່າວສາມາດຕິດຕາມຊ່ວງທີ່ໄຂ່ຕົກເພື່ອເພີ່ມໂອກາດໃນການຕັ້ງຄັນໄດ້ ແລະ ເພື່ອໃຫ້ການຄິດໄລ່ມີຄວາມແມ່ນຢຳ ຜູ້ໃຊ້ຈຳເປັນຕ້ອງບັນທຶກຂໍ້ມູນສຸຂະພາບ
ແລະ ຂໍ້ມູນສ່ວນບຸກຄົນເຊີງເລິກ ເຊັ່ນ ວັນທີ່ມີເພດສຳພັນ ວັນທີມີປະຈຳເດືອນ
ອາການປ່ວຍ ສຸຂະພາບຈິດ ແລະອື່ນໆ
ຊຶ່ງຂໍ້ມູນເຫຼົ່ານີ້ຖືເປັນຂໍ້ມູນລັບທີ່ສ່ວນໃຫຍ່ບໍ່ຕ້ອງການເປີດເຜີຍໃຫ້ຜູ້ອື່ນຮູ້
ຢ່າງໃດກໍຕາມ ຈາກການກວດສອບຂອງ Privacy International ພົບວ່າ ແອັບພຣິເຄຊັນຕິດຕາມຮອບເດືອນຫຼາຍລາຍທີ່ມີຍອດດາວນ໌ໂຫຼດນັບລ້ານ ໄດ້ແຊຣ໌ຂໍ້ມູນສ່ວນບຸກຄົນຂອງຜູ້ໃຊ້ໄປຍັງ
Facebook ແລະ ບໍລິການພາຍນອກອື່ນໆ ເຖິງວ່າເຈົ້າຈະບໍ່ໄດ້ລັອກອິນຜ່ານທາງບັນຊີ
Facebook ຫລືບໍ່ມີບັນຊີ
Facebook ກໍຕາມ ໂດຍຂໍ້ມູນເຫຼົ່ານີ້ຈະຖືກແຊຣ໌ຜ່ານທາງ
SDK ຂອງ Facebook ທີ່ຕິດມາກັບແອັບ ເພື່ອໃຫ້
Facebook ນຳຂໍ້ມູນໄປໃຊ້ເຮັດແຄມເປນໂຄສະນາຕໍ່
ໃນຂະນະທີ່ເຈົ້າຂອງແອັບກໍຈະໄດ້ຄ່າຕອບແທນກັບຄືນມາເຊັ່ນກັນ
ແອັບພຣິເຄຊັນທີ່ສົ່ງຂໍ້ມູນໃຫ້ Facebook ໄດ້ແກ່ Maya, MIA Fem: Ovulation Calculator, My
Period Tracker, Ovulation Calculator ແລະ Mi Calendario ຊຶ່ງແອັບພຣິເຄຊັນເຫຼົ່ານີ້ມີຍອດດາວນ໌ໂຫຼດລວມກັນຫລາຍກວ່າ
10 ລ້ານເທື່ອ
Privacy
International ໄດ້ຕິດຕໍ່ໄປຍັງເຈົ້າຂອງແອັບພຣິເຄຊັນເຫຼົ່ານີ້ເພື່ອສອບຖາມກ່ຽວກັບປະເດັນດັ່ງກ່າວ ພົບວ່າຫຼາຍລາຍໃຫ້ຄວາມຮ່ວມມືໃນການສືບສວນເປັນຢ່າງດີ ແລະພ້ອມທີ່ຈະລົບຂໍ້ມູນຖິ້ມທັນທີຖ້າພົບວ່າມີການລະເມີດຄວາມເປັນສ່ວນບຸກຄົນຈິງ ໃນຂະນະທີ່ບາງລາຍກໍຍັງຄົງໃຊ້
Facebook Ad SDK ຕໍ່ໄປຖ້າຜູ້ໃຊ້ຍິນຍອມ
ແຕ່ຈະບໍ່ແຊຣ໌ຂໍ້ມູນສ່ວນບຸກຄົນຫລືຂໍ້ມູນສຸຂະພາບໂດຍເດັດຂາດ ສ່ວນທາງດ້ານ Facebook ເອງກໍຈະດຳເນີນການກວດສອບເລື່ອງນີ້ ແລະ ພ້ອມລົງໂທດເຈົ້າຂອງແອັບພຣິເຄຊັນທີ່ລະເມີດ Terms of Service ຂອງ Facebook
No comments:
Post a Comment