Mozilla ທົດສອບໃຫ້ບໍລິການ VPN ສຳລັບ Firefox ຟຣີໃນສະຫະລັດອາເມລິກາເພື່ອຊ່ວຍປ້ອງກັນຂໍ້ມູນສ່ວນຕົວຜູ້ໃຊ້ງານ

10 ກັນຍາ 2019 ​ທີ່​ຜ່ານມາ Mozilla ໄດ້​ທົດສອບ​ບໍລິການ Firefox Private Network ລຸ້ນ Beta ສຳຫຼັບ​ Browser Firefox ເທິງ Desktop ​ໃນ​ສະ​ຫະລັດ​ອ​າເມ​ຣິ​ກາ ຊຶ່ງ​ຊ່ວຍ​ປ້ອງ​ກັນ​ຂໍ້​ມູນ​ສ່ວນ​ຕົວ ​ແລະ ​ຂໍ້​ມູນ​ທາງ​ການ​ເງີນ​ຂອງ​ຜູ້​ໃຊ້ ລະຫວ່າງ​ການ​ເຊື່ອມ​ຕໍ່​ອິນ​ເທີເນັດ​ຂາດ​ສາຍ​ສາທາລະນະ​ໃນ​ທຸກ​ທີ່​ ແລະ ​ທຸກ​ເວລາ​ໄດ້​ຢ່າງ​ປອດ​ໄພ

Firefox Private Network ມີ​ຄຸນສົມບັດ​ຊ່ວຍ​ປ້ອງ​ກັນ​ຄວາມ​ປອດໄ​ພ​ເມື່ອ​ເຈົ້າເຊື່ອມ​ຕໍ່​ອິນ​ເທີ​ເນັດ​ຜ່ານ WiFi ສາທາລະນະ​ໂດຍ​ໃຊ້​ບຣາວເຊີ Firefox ຊຶ່ງ​ຈະ​ຊ່ວຍ​ປ້ອງ​ກັນ​ຂໍ້​ມູນ​ຕັ້ງ​ແຕ່​ທີ່​ຢູ່​ຂອງ​ເວັບ​ທີ່​ເຂົ້າ​ຢ້ຽມ​ຊົມ ຂໍ້​ມູນ​ສ່ວນ​ຕົວ ແລະ ​ຂໍ້​ມູນ​ທາງ​ການ​ເງີນ ນອກ​ຈາກ​ນີ້ຍັງ​ປິດ​ຊ່ອນ IP ທີ່​ຍາກ​ຕໍ່​ການ​ຕິດ​ຕາມ ຈຶ່ງ​ຊ່ວຍ​ປ້ອງ​ກັນ​ໂຄສະ​ນາ​ທີ່​ຖືກ​ນຳ​ສະເໜີ​ຕາມ​ປະຫວັດ​ການ​ເຂົ້າ​ຊົມ​ເວັບ​ຕ່າງ​ໆ ແລະ​ ຄຸ້ມ​ຄອງ​ຈາກ​ເຄື່ອງ​ມື​ຕິດ​ຕາມ​ທີ່​ຊ່ອນ​ຢູ່ໃນ​ເວັບ​ອີກ​ດ້ວຍ

Firefox Private Network ລຸ້ນ Beta ທີ່​ເປີດ​ທົດສອບ​ໃນ​ຕອນ​ນີ້​ໄດ້​ໃຫ້​ໃຊ້​ບໍລິການ​ຟ​ຣີ ແລະ ​ຈະ​ເກັບ​ຂໍ້​ມູນ​ຈາກ​ການ​ສະແດງ​ຄວາມ​ຄິດ​ເຫັນ ຄຳ​ແນະ​ນຳ ແລະ​ ການ​ສຳ​ລວດ​ລາ​ຄາ​ທີ່​ເໝາະ​ສົມ​ສຳລັບ​ຜູ້​ທີ່​ຈະ​ເຂົ້າ​ຮ່ວມ​ໃຊ້​ງານ ສັນ​ນິດ​ຖານ​ໄດ້​ວ່າ Firefox Private Network ຕົວ​ເຕັມ​ທີ່​ຈະ​ອອກ​ມາ​ໃນ​ອະນາຄົດ​ຈະ​ມີ​ຄ່າ​ບໍລິການ​ຢ່າງ​ແນ່ນອນ ແລະ​ ໃຜ​ທີ່​ທົດສອບ​ແລ້ວ​ຖືກ​ໃຈ​ກໍ​ຄົງ​ຈະ​ຍອມ​ຈ່າຍ​ສຳລັບ​ບໍລິການ​ທີ່​ດີ​ໃນລາ​ຄາ​ທີ່ສຸດ​ຄຸ້ມ

ແຫຼ່ງຂໍ້ມູນ

https://www.cnet.com/news/mozilla-tests-firefox-vpn-service-to-help-protect-your-privacy/

https://blog.mozilla.org/blog/2019/09/10/firefoxs-test-pilot-program-returns-with-firefox-private-network-beta/

https://www.beartai.com/news/358672

https://thehackernews.com/2019/09/firefox-privacy-vpn-service.html