Microsoft ນຳ IBM Power9 ມາເປີດໃຫ້ບໍລິການເທິງ Azure ຮອງຮັບ Workload ຈາກລະບົບຂອງ IBM ໂດຍສະເພາະ

Microsoft ໄດ້​ອອກ​ມາ​ປະ​ກາດ​ຄວາມ​ຮ່ວມ​ມື​ກັບ​ບໍລິສັດ Skytap ຜູ້​ຊ່ຽວ​ຊານ​ດ້ານ​ການຍ້າຍ​ລະບົບ​ຂອງ IBM ໃນ​ການ​ນຳ IBM Power 9 ມາ​ເປີດ​ໃຫ້​ບໍລິການ​ເທິງ Microsoft Azure ຮອງ​ຮັບ​ການ​ຍ້າຍ​ລະບົບ​ຈາກ Hardware ຂອງ IBM ເອງ​ມາ​ຢູ່​ເທິງ Cloud ໂດຍ​ສະເພາະ

Skytap ນັ້ນ​ເປັນ​ບໍລິສັດ​ຜູ້​ຊ່ຽວ​ຊານ​ທາງ​ດ້ານ Cloud Migration ຈາກ Hardware ເກົ່າ​ໆ ຢ່າງ​ເຊັ່ນ IBM System I ຫລື Sparc ໂດຍ​ສະເພາະ ແລະ ​ມີ Data Center ຂອງ​ຕົນເອງ​ທີ່​ໃຫ້​ບໍລິການ​ດ້ວຍ IBM PowerVM Hypervisor ຊຶ່ງ​ເຮັດວຽກ​ຢູ່​ເທິງ IBM Hardware

ໃນ​ຄວາມ​ຮ່ວມ​ມື​ເທື່ອ​ນີ້ Microsoft ຈະ​ນຳ IBM Power S992 Server ມາ​ຕິດ​ຕັ້ງ​ໃຊ້​ງານ​ເທິງ Azure Region ທີ່​ບໍ່​ເປີດ​ເຜີຍ ແລະ ​ໃຊ້ PowerVM ໃນ​ການ​ໃຫ້​ບໍລິການ​ເພື່ອ​ສະໜັບ​ສະໜູນ​ລະບົບ Application ເກົ່າ​ໆ ຂອງ IBM ຫລື Linux ໂດຍ​ສະເພາະ ສ່ວນ​ທີມ​ງານ​ຂອງ Skytap ນັ້ນ​ຈະ​ເຂົ້າ​ມາ​ຊ່ວຍ​ສະໜັບ​ສະໜູນ​ດ້ານ​ລະບົບ​ຕ່າງ​ໆ ຂອງ IBM ເຊັ່ນ IBM i, AIX ແລະ Linux on Power ເພິ່ມເຕິມ

ໂຊ​ລູ​ຊັນ​ນີ້​ຈະ​ເຮັດໃຫ້ Application ທຸລະກິດ​ທີ່​ເຮັດວຽກ​ຢູ່​ເທິງ Hardware ຂອງ IBM ເດີມ​ນັ້ນ ມີ​ທາງ​ເລືອກ​ໃນ​ການ​ຍ້າຍ​ລະບົບ​ຂຶ້ນ​ສູ່ Microsoft Azure ໄດ້ ແລະ ຍັງ​ສາມາດຕໍ່ຍອດ​ລະບົບ Application ເຫຼົ່າ​ນັ້ນ​ດ້ວຍ​ບໍລິການ Cloud ອື່ນ​ໆ ຂອງ Microsoft Azure ໄດ້​ອີກ​ຫລວງ​ຫລາຍ
ແຫຼ່ງຂໍ້ມູນ: https://www.techtalkthai.com/microsoft-provides-ibm-power9-services-on-azure/
https://www.networkworld.com/article/3438904/microsoft-brings-ibm-iron-to-azure-for-on-premises-migrations.html