Microsoft ເຂົ້າຊື້ກິດຈະການ Movere ຜູ້ພັດທະນາເທັກໂນໂລຢີຊ່ວຍຍ້າຍລະບົບຂຶ້ນສູ່ Cloud ໄດ້ຢ່າງໝັ່ນໃຈ

Microsoft ໄດ້​ປະ​ກາດ​ເຂົ້າ​ຊື້​ກິດຈະການ​ຂອງ Movere ຜູ້​ພັດທະນາ​ເທັກ​ໂນ​ໂລ​ຢີ​ດ້ານ Discovery Solution ສຳລັບ​ປະ​ເມີນ​ຊັບພະ​ຍາກ​ອນ​ທີ່​ໃຊ້​ງານ​ໃນ​ລະບົບ IT ເພື່ອ​ກຽມ​ຍ້າຍ​ຂຶ້ນ​ສູ່ Cloud ໄດ້​ດ້ວຍ​ຂໍ້​ມູນ​ແວດ​ລ້ອມ​ທີ່​ຄົບ​ຖ້ວນ

Credit: ShutterStock

ເທັກ​ໂນ​ໂລ​ຢີ Agentless Bot ຂອງ Movere ນັ້ນ​ສາມາດ​ທຳການ Scan ລະບົບ Server ໄດ້​ຫລາຍກວ່າ 1,000 ເຄື່ອງ​ຕໍ່​ຊົ່ວ​ໂມງ ເພື່ອ​ລວບລວມ​ຂໍ້​ມູ​ລວ່າ​ພາຍ​ໃນ​ລະບົບ IT ມີ​ການ​ໃຊ້​ງານ​ເທັກ​ໂນ​ໂລ​ຢີ​ໃດ​ ດ້ວຍ​ຊັບພະ​ຍາກ​ອນ​ເທົ່າໃດຢູ່​ດ້ວຍ ແລະ ​ນຳ​ມາ​ສະແດງ​ເທິງ Dashboard ເພື່ອ​ຊ່ວຍ​ໃຫ້​ຜູ້​ເບິ່ງ​ແຍງ​ລະບົບ IT ສາມາດ​ປະ​ເມີນ​ໄດ້​ຢ່າງຖືກຕ້ອງ ແລະ ແມ່ນ​ຍຳວ່າ ​ຫາກ​ຕ້ອງ​ການ​ຍ້າຍ​ລະບົບ​ຂຶ້ນ​ສູ່ Cloud ຫລື​ ຕ້ອງ​ການ​ຍ້າຍ​ລະບົບ​ລະຫວ່າງ Cloud ນັ້ນ​ຈະ​ຕ້ອງ​ກຽມ​ຊັບ​ພະຍາກ​ອນ​ໃດ​ໄວ້​ດ້ວຍ ອີກ​ທັງ​ຫາກ​ມີ​ການ​ປ່ຽນ​ແປງ​ເກີດ​ຂຶ້ນ​ໃນ​ລະບົບ Movere ກໍ​ຍັງ​ສາມາດ​ແຈ້ງ​ເຕືອນ​ໃຫ້​ຜູ້​ເບິ່ງ​ແຍງ​ລະບົບ​ຮັບ​ຮູ້​ໄດ້​ດ້ວຍ

Microsoft ນັ້ນ​ຕ້ອງ​ການ​ນຳ​ເທັກ​ໂນ​ໂລ​ຢີ​ຂອງ Movere ໄປ​ໃຊ້​ເພື່ອ​ເສີມ​ໂຊ​ລູ​ຊັນ Azure Migrate ແລະ​ຊ່ວຍ​ເສີມ​ໂຊ​ລູ​ຊັນ​ຂອງ​ເຫຼົ່າ Integrated Partner ເພື່ອ​ໃຫ້​ຂັ້ນ​ຕອນ​ການ​ຍ້າຍ​ລະບົບ​ຕ່າງ​ໆ ຂຶ້ນ​ສູ່ Cloud ນັ້ນ​ເປັນ​ໄປ​ໄດ້​ຢ່າງ​ງ່າຍ​ດາຍ​ກວ່າ​ເດີມ ແລະ ​ມີ​ຂໍ້​ມູນ​ປະກອບ​ການ​ຕັດ​ສິນ​ໃຈ​ຫລາຍ​ຂຶ້ນ​ເພື່ອ​ໃຫ້​ການ​ປະ​ເມີນ​ຄ່າ​ໃຊ້​ຈ່າຍ​ທີ່​ຈະ​ເກີດ​ຂຶ້ນ​ເທິງ Cloud ຫຼັງ​ຈາກ​ທີ່​ຍ້າຍ​ລະບົບ​ມາ​ແລ້ວ​ນັ້ນ​ເປັນ​ໄປ​ໄດ້​ຢ່າງລາບລື່ນ

ຜູ້​ທີ່​ສົນ​ໃຈ​ຂໍ້​ມູນ​ເພິ່ມເຕິມ​ຂອງ Movere ສາມາດ​ສຶກ​ສາ​ຂໍ້​ມູນ​ໄດ້​ທີ່ https://www.movere.io/

ທີ່ມາ: https://www.movere.io/msftacquisition/, https://www.techtalkthai.com/microsoft-acquires-movere/