OPPO ກຽມເປີດໂຕ Reno Ace ທີ່ມາພ້ອມກັບໜ້າຈໍ 90Hz ຄາດວ່າໃຊ້ຊິບເຊັດ 5G ພ້ອມເຜີຍໂສມເດືອນຕຸລາ 2019 ນີ້

ເມື່ອ​ປາຍ​ເດືອນ​ສິງ​ຫາ 2019 ​ທີ່​ຜ່ານມາ OPPO ຫາກໍ່ໄດ້​ເປີດ​ໂຕ​ສະ​ມາ​ດ​ໂຟນ​ໃນ​ຊີ​ຣີ Reno 2 ໃຫ​ມ​່​ໄປ​ທັງ​ໝົດ 3 ລຸ້ນ ແຕ່​ເໝືອນ​ຈະ​ຍັງ​ບໍ່​ໝົດ​ກ໊ອກ ເພາະ Shen Yiren ກໍ​ໄດ້​ອອກ​ມາ​ຢືນຢັນວ່າ​ຈະ​ມີ​ໂທລະ​ສັບ​ລຸ້ນ​ໃໝ່​ອອກ​ມາ​ເດືອນ​ໜ້າ​ພາຍໃຕ້​ຊື່ OPPO Reno Ace ຊຶ່ງ​ຈະ​ມີ​ຄ່າ​ Refresh rate ໜ້າ​ຈໍ​ສູງ​ເຖິງ 90Hz

ຫຼັງ​ຈາກ​ເມື່ອ​ບໍ່​ຈັກ​ມື້​ກ່ອນ Shen Yiren ໄດ້​ໂພ​ສ​ຂໍ້​ມູນ​ບອກ​ໃບ້​ວ່າ​ຈະ​ມີສະມາດໂຟນ​ຈາກ OPPO ລຸ້ນ​ໃໝ່​ທີ່​ບໍ່​ແມ່ນ Reno 2 (ເພາະ​ເປີດ​ຕົວ​ໄປ​ກ່ອນ​ແລ້ວ) ມາ​ພ້ອມ​ກັບ​ໜ້າ​ຈໍ 90Hz ແລະ ​ເທ໊ກ​ໂນ​ໂລ​ຢີ​ສາກ​ໄວ​ແບບ​ອັບ​ເກຣດ

ນອກ​ຈາກ​ນີ້ OPPO ຍັງ​ເສີມ​ວ່າ Reno Ace ຈະ​ເປັນ​ສະມາດໂຟນ​ລຸ້ນ​ທຳອິດ​ຂອງ​ໂລກ​ທີ່​ມາ​ພ້ອມ​ກັບ​ຊິບ​ເຊັດ​ຕົວ​ໃໝ່​ຈາກ Qualcomm ທີ່​ມີ​ໂມ​ເດມ 5G ໃນ​ຕົວ ສອດ​ຄ່ອງ​ກັບ​ຂ່າວ​ກ່ອນ​ໜ້າ​ນີ້​ທີ່​ອອກ​ມາ​ບອກ​ວ່າ​ພວກ​ເຂົາ​ກຳ​ລັງ​ເຮັດວຽກ​ຮ່ວມ​ກັບ Qualcomm ໃນ​ການ​ທົດສອບ​ຊິບ​ເຊັດ Snapdragon 700 series ທີ່​ໃສ່​ໂມ​ເດມ 5G ໄວ້​ໃຫ້​ເລຍ

ຄາດ​ວ່າ​ກວ່າ​ຈະ​ເຖິງ​ມື້​ເປີດ​ໂຕໜ້າ​ຈະ​ມີດ​ເປັກ​ ແລະ ​ຟີ​ເຈີ​ຕ່າງ​ໆ ຂອງ OPPO Reno Ace ຫຼຸດ​ອອກ​ມາ​ໃຫ້​ຊົມ​ກັນ​ຢ່າງ​ແນ່ນອນ

ແຫຼ່ງຂໍ້ມູນ: 

https://www.gadgetsnow.com/mobile-phones/OPPO-Reno-Ace

https://droidsans.com/oppo-reno-ace-90hz-launch-october/