ປະກາດເປີດຕົວ USB4 ມາດຕະຖານໃໝ່ ຖ່າຍໂອນຂໍ້ມູນໄດ້ໄວສຸດ 40Gb/s

ເມື່ອ​ວັນທີ 3 ກັນຍາ 2019 ທີ່​ຜ່ານມາ USB-IF ຫລື USB Implementers Forum ໄດ້​ປະ​ກາ​ດວ່າ​ພັດທະນາ​ເທັກ​ໂນ​ໂລ​ຢີ USB4 ສຳເລັດ​ຮຽບຮ້ອຍ​ພ້ອມ​ໃຊ້​ງານ ຫຼັງ​ຈາກ​ທີ່​ມີຂ່າວ​ເປີດ​ຕົວ​ໄປ​ຕອນ​ຕົ້ນ​ປີ ຊຶ່ງ​ເປັນ​ການ​ສານ​ຕໍ່ສະ​ຖາ​ປັດ​ຕະຍະ​ກຳ USB 3.2 ແລະ USB 2.0 ໃຫ້​ກ້າວ​ກະ​ໂດດ​ຂຶ້ນ​ໄປ​ອີກ​ຂັ້ນ ໂດຍ​ເທັກ​ໂນ​ໂລ​ຢີ​ດັ່ງ​ກ່າວ​ມີ​ຫັວ​ແບບ Type C ທີ່​ໃຊ້​ກັນ​ຢ່າງ​ແພ່​ຫຼາຍ​ໃນ​ປັດຈຸບັນ ແຕ່​ເດັດ​ກວ່າຢູ່​ທີ່ ຄວາມ​ໄວ​ໃນ​ການ​ສົ່ງ​ຂໍ້​ມູນ​ສູງ​ສຸດ​ເຖິງ 40 Gbps

ການ​ພັດທະນາ​ເທື່ອ​ນີ້​ເປັນ​ການ​ຮ່ວມ​ມື​ລະຫວ່າງ Intel Corporation ກັບ USB Promoter Group ທີ່​ເຮັດໃຫ້ USB4 ມີ​ແບນ​ວິດລວມ​ສູງ​ສຸດ​ເພີ່ມ​ຂຶ້ນ​ຈາກ​ເດີມ​ເຖິງ 2 ເທົ່າ ໂດຍ USB4 ຈະ​ລັກສະນະ​ສຳຄັນ​ດັ່ງ​ນີ້

• ຮັບ​-​ສົ່ງ​ຂໍ້​ມູນ​ໄປ-​ກັບ ຄວາມ​ໄວ​ສູງ​ສຸດ 40Gbps (ແຕ່​ຕ້ອງ​ໃຊ້​ສາຍ​ເຄ​ເບີນ​ທີ່​ຮອງ​ຮັບ​ດ້ວຍ)
• ສາມາດ​ໃຊ້​ງານ​ທັງ​ຕໍ່​ກັບ​ຈໍ​ພາບ​ແລະ​ຮັບ​-​ສົ່ງ​ຂໍ້​ມູນ​ພ້ອມ​ກັນ​ໄດ້​ຢ່າງ​ເຕັມ​ປະ​ສິດ​ທິ​ພາບ
• ຮອງ​ຮັບ​ການ​ເຊື່ອມ​ຕໍ່​ກັບ​ເທັກ​ໂນ​ໂລ​ຢີ​ເກົ່າເຊັ່ນ: USB 3.2, USB 2.0 ແລະ Thunderbolt 3

ຢ່າງໃດ​ກໍ​ຕາມ ຄາດ​ວ່າ​ເທັກ​ໂນ​ໂລ​ຢີ USB4 ຈະ​ມາ​ໃນ​ຊ່ວງ​ທີ່ CPU Intel ລຸ້ນ​ໃໝ່​ເປີດ​ຕົວ ແລະ​ ຈະ​ເລີ່ມ​ໃຊ້​ງານ​ກັນ​ຢ່າງ​ແພ່​ຫຼາຍ​ໃນໄຕມາດ​ທີ່ 2 ຂອງ​ປີ 2020 ແຕ່​ກໍ​ຕ້ອງຖ້າໃຫ້​ຜູ້​ຜະລິດ Hardware ​ຫຼາຍ​ໆເຈົ້າ​ໃຫ້​ລະບາຍ​ຂອງ​ Stock ເກົ່າ​ກັນ​ກ່ອນ ຊຶ່ງ​ຄາດ​ວ່າລາ​ຄາ​ສິນ​ຄ້າ​ທີ່​ໃຊ້​ເທັກ​ໂນ​ໂລ​ຢີ Thunderbolt 3 ມີ​ແນວ​ໂນ້ມ​ວ່າ​ຈະ​ມີ​ລາ​ຄາ​ຖືກ​ລົງ​ໄປ​ອີກ​ຈາກ​ການ​ມາ​ເຖິງ​ຂອງ​ເທັກ​ໂນ​ໂລ​ຢີ USB4 ດັ່ງ​ກ່າວ

 ໂດຍ​ໃນ​ປີ 2020 ບອກ​ເລຍ​ວ່າ​ຈະ​ເປັນ​ອີກ​ປີຫນຶງ​ທີ່ວົ​ງ​ການ​ເທັກ​ໂນ​ໂລ​ຢີ​ຈະ​ກ້າວ​ກະ​ໂດດ​ຂຶ້ນ​ໄປ​ອີກ​ຂັ້ນ​ແນ່ນອນ (ລວມ​ເຖິງ​ການ​ມາ​ເຖິງ​ຂອງ​ເທັກ​ໂນ​ໂລ​ຢີ 5G ດ້ວຍ)

ອ້າງອິງ :  usb , droidsans