AWS ເປີດຕົວ EC2 High Memory ລຸ້ນໃໝ່ ມາພ້ອມ RAM 18TB/24TB ສຳລັບ SAP

AWS ໄດ້​ອອກ​ມາ​ປະ​ກາດ​ເປີດ​ຕົວ EC2 High Memory ລຸ້ນ​ໃໝ່​ສຳລັບ​ຮອງ​ຮັບ​ລະບົບ SAP ໂດຍ​ສະເພາະ ທີ່​ມາ​ພ້ອມ​ກັບໜ່ວຍ​ຄວາມ​ຈຳ​ຂະໜາດ​ໃຫຍ່​ເຖິງ 18TiB ແລະ 24TiB ໃຫ້​ເລືອກ​ໃຊ້​ໄດ້​ແລ້ວ

Instance ລຸ້ນ​ນີ້​ຈະ​ມາ​ພ້ອມ​ກັບ​ຫນ່ວຍ​ປະ​ມວນ​ຜົນ 2nd Generation Intel Xeon Scalable (Cascade Lake) ທີ່​ຄວາມ​ຖີ່ 2.7GHz ແບບ 8 Socket ໂດຍ​ເປີດ​ໃຫ້​ເຊົ່າ​ໃຊ້​ງານ​ໄດ້​ແບບ Dedicated Host ທີ່​ຕ້ອງ​ມາ​ພ້ອມ​ການ​ຈອງ​ໃຊ້​ງານ​ຂັ້ນ​ຕ່ຳ 3 ປີ​ເທົ່າ​ນັ້ນ ໂດຍ​ສາມາດ​ອັບ​ເກດ​ຈາກ​ລຸ້ນ​ທີ່​ຂະໜາດ​ນ້ອຍ​ກວ່າ​ມາຍັງ​ລຸ້ນ​ທີ່​ຂະໜາດ​ໃຫຍ່​ກວ່າ​ໄດ້ ອີກ​ທັງ​ໃນ​ບໍລິການ​ນີ້ຍັງ​ໄດ້​ໃຫ້ Bandwidth ສຳລັບ​ເຊື່ອມ​ຕໍ່ໄປຍັງ EBS ທີ່​ສູງ​ເຖິງ 28Gbps ເຮັດໃຫ້​ການ​ດຶງ​ຂໍ້​ມູນ​ຂະໜາດ​ໃຫຍ່​ມາ​ບັນ​ທຶກ​ເທິງ RAM ສາມາດ​ເກີດ​ຂຶ້ນ​ໄດ້​ຢ່າງ​ວ່ອງໄວ

ບໍລິການ​ນີ້​ຖືກ​ອອກ​ແບບ​ມາ​ເພື່ອ​ຮອງ​ຮັບ SAP OLAP Workload ເຊັ່ນ SAP BW/4HANA, BW on HANA (BWoH), Datamart ແລະ SAP OLTP Workload ເຊັ່ນ S/4HANA, Suite on HANA (SoH) ເປັນ​ຫຼັກ ເຮັດໃຫ້​ການ​ໃຊ້​ງານ SAP ເທິງ AWS ມີ​ທາງ​ເລືອກ​ທັງ​ການ​ເພີ່ມ​ຂະຫຍາຍ​ແບບ Scale-Up ແລະ Scale-Out

ປັດຈຸບັນ​ບໍລິການ​ນີ້​ເປີດ​ໃຫ້​ໃຊ້​ງານ​ໄດ້​ສະເພາະ​ທີ່ US East (N. Virginia) Region ເທົ່າ​ນັ້ນ ແລະ ​ມີ​ແຜນ​ຈະ​ຂະຫຍາຍ​ບໍລິການ​ນີ້​ໄປ​ຢັງ Region ອື່ນ​ໆ ໄດ້​ໃນ​ອະນາຄົດ

ຜູ້​ທີ່​ສົນ​ໃຈ​ການ​ໃຊ້​ງານ SAP ເທິງ AWS ສາມາດ​ກວດ​ສອບ​ລຸ້ນ​ຂອງ​ບໍລິການ​ຕ່າງ​ໆ ທີ່​ຮອງ​ຮັບ​ໄດ້​ທີ່ sap.com

ແຫຼ່ງຂໍ້ມູນ

https://aws.amazon.com/blogs/aws/ec2-high-memory-update-new-18-tb-and-24-tb-instances/