SD-WAN ມີຜົນແນວໃດໃນມຸມຂອງ Network, Security ແລະ Cloud

ຫຼາຍປີມານີ້ໂຊລູຊັນ SD-WAN ຖືກເວົ້າເຖິງຢ່າງຫຼວງຫຼາຍ ຊຶ່ງໃນມື້ນີ້ເຮົາຂໍຍິບຍົກເອົາບົດຄວາມສະຫລຸບກ່ຽວກັບ SD-WAN ໃນຫຼາຍແງ່ມຸມຈາກທາງ Network World ມາໃຫ້ຕິດຕາມກັນ

SD-WAN ແມ່ນຫຍັງ?

SD-WAN ຫຍໍ້ມາຈາກ Software-defined Wide-area Network ຄືລໍ້ແນວຄິດຕາມເທັກໂນໂລຢີຢ່າງ SDN ທີ່ແບ່ງແຍກລະຫວ່າງ Data Plane ແລະ Control Plane ໂດຍໃຊ້ຊ໊ອບແວເຂົ້າມາເພື່ອຄວບຄຸມການເຊື່ອມຕໍ່ ແລະ ບໍລິການ ຈັດການບໍລິການລະຫວ່າງດາຕ້າເຊນເຕີ ແລະ ສາຂາ ຫລື ການໃຊ້ງານຄລາວ. ໂຊລູຊັນການໃຊ້ງານນັ້ນແມ່ນແຕກຕ່າງກັນໄປຕາມ Vendor ຊຶ່ງການໃຊ້ງານອາດໃຊ້ Router, Switch ຫລື Virtualized Customer Premise Equipment (vCPE) ທີ່ສາມາດຣັນຊ໊ອບແວທີ່ຈັດການ Policy, Security, Network ຫລື ເຄື່ອງມືບໍລິຫານຈັດການອື່ນໄດ້

ທັງນີ້ທີ່ຈັດວ່າເປັນຄວາມສາມາດໂດດເດັ່ນແທ້ໆ ຄືເລື່ອງຂອງການຈັດການ ການເຊື່ອມຕໍ່ໄດ້ຫຼາຍແບບ ເຊັ່ນ MPLS, LTE ຫລື Broadband ຊຶ່ງສາມາດເຮັດ QoS ທຣາຟຟິກຕາມການໃຊ້ງານເຊັ່ນ ວີດີໂອ ພາບ ສຽງ ຂໍ້ມູນໄດ້ດ້ວຍ ລວມເຖິງຄວາມສາມາດໃນການ Segment ແລະ ການຖືຮັກສາຄວາມໝັ້ນຄົງປອດໄພໃຫ້ທຣາຟຟິກທີ່ແລ່ນຂ້າມ WAN ດ້ວຍເຫດນີ້ເອງ Gartner ຈຶ່ງຄາດການວ່າ SD-WAN ຈະເຕີບໂຕປີລະກວ່າ 30% ໄປຈົນເຖິງປີ 2025 ແລະ ມີມູນຄ່າຕະຫຼາດກວ່າ 5,250 ລ້ານໂດລາສະຫະຣັດ ນັ້ນຄືເຫດຜົນວ່າເປັນຫຍັງ Vendor ໃຫຍ່ຕ່າງຢາກຈະເຂົ້າຕະຫຼາດນີ້

ໂດຍ Gartner ໄດ້ນິຍາມຄຸນສົມບັດຂອງ SD-WAN ໄວ້ 4 ຂໍ້ຄື

ຕ້ອງຮອງຮັບການເຊື່ອມຕໍ່ໄດ້ຫຼາຍແບບ ເຊັ່ນ MPLS, LTE, Internet ແລະອື່ນໆ
ສາມາດເລືອກເສັ້ນທາງໄດ້ແບບ Dynamic ເຊັ່ນ ການແຊໂຫຼດຂ້າມ WAN
ມີອິນເຕີເຟດໃຫ້ໃຊ້ງານໄດ້ງ່າຍຫຼາຍ ຮອງຮັບ Zero-touch ໃນການ Provision ໃຊ້ງານໄດ້ງ່າຍເໝືອນ WiFi ໃນບ້ານ
ຮອງຮັບ VPN ຫລື ບໍລິການຈາກ Third-party ເຊັ່ນ Wan Optimization Controller, Firewall, Web Gateway ແລະອື່ນໆ

Rohit Mehra, VP ຂອງ IDC ສ່ວນ Network Infrastructure ກ່າວໄວ້ວ່າ “ທີ່ SD-WAN ໄດ້ຮັບຄວາມນິຍົມ ແລະ ເຕີບໂຕແຊງທຸກໂຊລູຊັນນັ້ນ ເພາະມີແຮງໜຸນຈາກເຄືອຂ່າຍແບບເດີມຂອງອົງກອນທີ່ບໍ່ສາມາດຕອບໂຈດ ການໃຊ້ງານສະໄໝໃໝ່ຢ່າງ SaaS ແລະ Multi-cloud ລວມເຖິງຄວາມງ່າຍໃນການບໍລິຫານຈັດການທຣາຟຟິກ WAN“

SD-WAN ໃນມຸມມອງດ້ານ Network Security

ຄຳຕອບນັ້ນກໍຄືການໃຊ້ງານ Cloud ຜັກດັນໃຫ້ເກີດຄວາມຕ້ອງການຄວາມຫມັ້ນຄົງປອດໄພໃນການເຊື່ອມຕໍ່ຜ່ານ WAN ຊຶ່ງ SD-WAN ສາມາດກຳນົດໂຊນປອດໄພ ລວມເຖິງບັງຄັບໃຊ້ Policy ຕາມແອັບພລິເຄຊັນທີ່ຕອບໂຈດການໃຊ້ງານຢ່າງ AWS ຫລື Office 365 ເປັນຕົ້ນ

IDC ເອງຊີ້ວ່າ “SD-WAN ສາມາດ Segment ສ່ວນທຣາຟຟິກສຳຄັນອອກເພື່ອປ້ອງກັນໄພຄຸກຄາມຈາກພາຍໃນອົງກອນໄດ້ ໂດຍເໝາະກັບກໍລະນີການໃຊ້ງານໃນທຸລະກິດຢ່າງ Healthcare, Finance ແລະ Retail ທັງໝົດນີ້ເກີດຂຶ້ນໄດ້ຈາກການໂຊລູຊັນເສີມໃນ SD-WAN ເຊັ່ນ Firewall, IPS, URL Filtering ແລະ Cloud Security “

SD-WAN ແລະ MPLS

ຫາກຖາມວ່າ SD-WAN ຈະເຮັດໃຫ້ MPLS ຈະຫາຍໄປຫລືບໍ່ ຄົງບໍ່ສາມາດເວົ້າໄດ້ໃນທຳນອງນັ້ນ ແຕ່ແນ່ນອນວ່າການເຕີບໂຕຂອງ MPLS ຫລຸດລົງ ເນື່ອງຈາກ SD-WAN ກາຍມາເປັນທາງເລືອກໃນການເພີ່ມປະສິດທິພາບໃຫ້ແກ່ອົງກອນຈາກເດີມທີ່ຄິດແຕ່ຕ້ອງລົງທຶນຈ່າຍເພີ່ມໃຫ້ຜູ້ໃຫ້ບໍລິການ MPLS ນອກຈາກນີ້ດ້ວຍສະພາບພູມິປະເທດຫຼາຍແຫ່ງສົ່ງຜົນໃຫ້ Vendor ຕ້ອງມີການປະສົມປະສານຈຸດເຊື່ອມຕໍ່ຂອງ MPLS ເຮັດໃຫ້ເກີດຄວາມຊັບຊ້ອນ ນັ້ນຈຶ່ງເປັນຈຸດທີ່ SD-WAN ສາມາດແກ້ໄຂດ້ວຍການແຍກເລເຢີໂລຈິກ ກັບ Transport ອອກຈາກກັນເຮັດໃຫ້ມີອິດສະຫລະຈາກຜູ້ໃຫ້ບໍລິການຫລາຍຂຶ້ນ

ນອກຈາກນີ້ໃນອີກມຸມໜຶ່ງຄວາມສາມາດໃນການແຍກເລເຢີຂອງ SD-WAN ຍັງຊ່ວຍໃຫ້ເກີດ Managed Service Provider ໃໝ່ໆຂຶ້ນມາຕອບສະໜອງກຸ່ມລູກຄ້າທີ່ຍັງຄົງຕ້ອງການ Outsource ຄົນເບິ່ງແຍງຈັດການ WAN ຢ່າງໃດກໍຕາມຜູ້ໃຫ້ບໍລິການໜ້າເດີມຕ່າງຕອບຮັບກັບ NFV ທີ່ຊ່ວຍເຮັດໃຫ້ Routing ໄດ້ຢ່າງຄ່ອງຕົວ ແລະ ຕອບໂຈດດ້ານຄວາມຫມັ້ນຄົງປອດໄພ ທັງນີ້ MPLS ກໍຍັງຄົງເປັນທາງເລືອກທີ່ດີ ທີ່ຄວນໃຊ້ຄວບຄູ່ກັບ SD-WAN ເພາະມີຟັງຊັນໃນການເຮັດ Backup ໄດ້

SD-WAN ແລະ Cloud

ໃນສ່ວນຂອງ Cloud ນັ້ນອົງກອນຖືກກະຕຸ້ນດ້ວຍການໃຊ້ງານແອັບພລິເຄຊັນ ແລະ Container ທີ່ຕ້ອງແລ່ນຂ້າມລະຫວ່າງ On-premise, Edge, Cloud ແລະ ດາຕ້າເຊັນເຕີ ຊຶ່ງ SD-WAN ສາມາດ Provision ການເຊື່ອມຕໍ່ໄດ້ຢ່າງວ່ອງໄວ ດ້ວຍເຫດນີ້ເອງເຮົາຈະເຫັນໄດ້ວ່າ Vendor ຢ່າງ Cisco, VMware ແລະ ເຈົ້າອື່ນຕ່າງພະຍາຍາມໄປຈັບມືກັບ Public Cloud ເພື່ອເຮັດ SD-WAN Optimization

SD-WAN ແລະ SD-Branch?

ໃນຫົວຂໍ້ນີ້ຍັງບໍ່ສາມາດມີໃຜຢຶນຢັນໄດ້ແນ່ນອນວ່າ SD-Branch ມີຄວາມຫມາຍຢ່າງໃດ ອາດຈະຕາມການນິຍາມຂອງ Vendor ລາຍນັ້ນໆ ແຕ່ລອງມາຟັງຄວາມເຫັນໃນຫຼາຍໆ ມຸມກັນ

Lee Doyle ນັກວິເຄາະຈາກ Doyle Research ໃຫ້ທັດສະນະວ່າ “SD-Branch ຄືກ້າວຕໍ່ໄປຂອງ SD-WAN ຊຶ່ງກໍຄືແພລດຟອມຮາດແວທີ່ຮອງຮັບທັງ SD-WAN, Routing, Security ແລະ LAN-WAN WiFi ໄວ້ນຳກັນ ແລະ ສາມາດບໍລິຫານຈັດການໄດ້ຈາກສູນກາງ ເຮັດໃຫ້ຕໍ່ໄປເມື່ອມີສາຂາໃໝ່ກໍຍົກອຸປະກອນໄປຕັ້ງ ແລະ ເປີດໃຊ້ໄດ້ງ່າຍທີ່ເກືອບບໍ່ຕ້ອງໃຊ້ພະນັກງານທັກສະສູງ ບໍ່ຕ້ອງລົງທຶນສຳຫຼວດພື້ນທີ່ຫລວງຫລາຍປະຢັດຕົ້ນທຶນໄປໄດ້ຫລາຍ“
Sanjay Uppal VP ຂອງ VMware ສ່ວນທຸລະກິດ VeloCloud ກ່າວວ່າ “SD-Branch ມີຫຼາຍນິຍາມດ້ວຍວ່າເປັນ SD-WAN ທີ່ແລ່ນໂດຍກົງຈາກ Edge ສາຂາໄປຍັງດາຕ້າເຊັນເຕີ ຫລື Public Cloud ແລະ ລະບົບເຄືອຂ່າຍຂອງສາຂາຖືກລວມໄວ້ໃນຊ໊ອບແວ “
Whitepaper ຂອງ Cisco ຊີ້ວ່າ “SD-Branch ຄືຟັງຊັນ Network ທີ່ຣັນພາຍໃນສະພາບແວດລ້ອມແບບ Virtualize ໂດຍການ Deploy ສາມາດແຍກໄດ້ວ່າໃຫ້ Virtual Appliances ແຕ່ລະຕົວເຮັດວຽກໃນຟັງຊັນຕ່າງກັນ ແລະ ລວມສູນກັນໄດ້ທີ່ Headquarter, Private Data Center, Hybrid Cloud ແທນທີ່ຈະຕ້ອງມາຕັ້ງຄ່າໃນທຸກສາຂາ“