ມາດຕະຖານ 800 Gigabit Ethernet ຖືກ​ປະ​ກາດ​ຢ່າງ​ເປັນ​ທາງ​ການ​ແລ້ວ

Ethernet Technology Consortium ໄດ້​ອອກ​ມາ​ປະ​ກາດ​ເປີດ​​ຕົວ​ມາດຕະຖານ 800 Gigabit Ethernet ຢ່າງ​ເປັນ​ທາງ​ການ​ແລ້ວ ໂດຍມາດຕະຖານ 800 Gigabit Ethernet ໃໝ່​ໃນ​ຊື່ 800GBASE-R ຈະ​ມີ​ການ​ພັດທະນາ​ໃນ​ສ່ວນ​ຂອງ Media Access Control (MAC) ແລະ Physical Coding Sublayer (PCS) ແບບ​ໃໝ່ ​ເຊິ່ງ​ເປັນ​ການລວມ​ລະຫວ່າງ 400 GbE ຕາມ​ມາດຕະຖານ IEEE 802.3bs ຈຳນວນ 2 ຊຸດ​ເຂົ້າ​ນຳກັນ ເຮັດໃຫ້​ໄດ້ Physical lanes ຄວາມ​ໄວ 106 Gbps ຈຳນວນ 8 ຊຸດ​ສຳລັບ​ໃຊ້​ງານ ນອກ​ຈາກ​ນີ້​​ຍັງ​ຄົງ​ໄວ້​​ເຊິ່ງ​ມາດຕະຖານ PCS ແລະ Forward Error Correction (FEC) ແບບ​ເດີມ ເພື່ອ​ໃຫ້​ສາມາດ​ນຳ Physical layer ເດີມ​ມາ​ໃຊ້​ງານ​ຮ່ວມ​ກັນ​ໄດ້ ​ເຊິ່ງ​ການ​ເປີດ​​ຕົວ​ມາດຕະຖານ 800 GbE ນັບ​ເປັນ​ອີກ​ກ້າວ​ທີ່​ສຳຄັນ​ທີ່​ຈະ​ຊ່ວຍ​ເພີ່ມ​ປະ​ສິດ​ທິ​ພາບ​ຂອງ​ງານ​ຫຼາກ​ຫຼາຍ​ຮູບ​ແບບ​ທີ່​ຕ້ອງ​ການ​ເຄືອ​ຂ່າຍ​ຄວາມ​ໄວ​ສູງ ເຊັ່ນ High-performance computing (HPC), Enterprise Datacenter, Machine Learning ແລະ Financial Trading

Ethernet Technology Consortium ປ່ຽນ​ຊື່​ມາ​ຈາກ 25 Gigabit Ethernet Consortium ເນື່ອງ​ຈາກ​ຊື່​ເດີມ​ມີ​ຄວາມ​ບໍ່​ສອດ​ຄ້ອງ​ກັບ​ເປົ້າ​ໝາຍ​ຂອງ​ການ​ພັດທະນາ​ໃຫ້ Ethernet ມີ​ຄວາມ​ໄວ​ສູງ​ລະ​ດັບ Terabit Ethernet ໂດຍ ETC ເປັນ​ຄວາມ​ຮ່ວມ​ມື​ລະຫວ່າງ​ບໍລິສັດ​​ເທັກ​ໂນ​ໂລ​ຢີ​ຄົນຍັກ​ໃຫຍ່​ກວ່າ 45 ​ລາຍ ເຊັ່ນ Arista, Broadcom, Cisco, Dell, Google, Mellanox ແລະ Microsoft ແລະບໍລິສັດອື່ນໆອີກຫຼາຍບໍລິສັດ

ຜູ້ທີ່​ສົນ​ໃຈ​ສາມາດ​ອ່ານ​​ລາຍ​ລະ​ອຽດ​ເພິ່ມເຕິມ​ໄດ້​ທີ່: https://ethernettechnologyconsortium.org/wp-content/uploads/2020/03/800G-Specification_r1.0.pdf

ແຫຼ່ງຂໍ້ມູນ:

https://www.hpcwire.com/2020/04/07/ethernet-technology-consortium-launches-800-gigabit-ethernet-specification/

https://www.techtalkthai.com/ethernet-technology-consortium-announces-800-gigabit-ethernet-specification/