Huawei ເປີດຕົວ “Vision X65” ທີວີຈໍ OLED ລຸ້ນທຳອິດຂອງແບຣນ : ຮອງຮັບ Refresh Rate ສູງເຖິງ 120 Hz

Huawei ໄດ້​ເປີດ​​ຕົວ​ທີ​ວີ​ຈໍ OLED ລຸ້ນ​ທຳອິດຂອງ​ແບ​ຣ​ນ ໂດຍ​ມີ​ຊື່​ລຸ້ນທຳອິດ Vision X65 ​ເຊິ່ງ​ມາ​ພ້ອມ​ແຜງ​ໜ້າ​ຈໍ OLED ຂະໜາດ 65 ນິ້ວ ແລະ​ ຮອງ​ຮັບ​ຄ່າ Refresh Rate ທີ່ 120 Hz

Huawei Vision X65 ໄດ້ຮັບ​ການ​ຕິດ​ຕັ້ງ​ຊິບ Honghu 898 ທີ່​ໄດ້ຮັບ​ການ​ປັບ​ແຕ່ງ​ປະ​ສິດ​ທິ​ພາບ​ເພື່ອ​ຮອງ​ຮັບ​ແຜງ​ໜ້າ​ຈໍ OLED ໃນ​ການ​ເພີ່ມ​ຄຸນນະພາບ​ຂອງ​ພາບ​ດ້ວຍ AI ຮ່ວມ​ກັບ​ແຣມ​ຂະໜາດ 6 GB ແລະ​ ໜ່ວຍຄວາມຈຳຂະໜາດຄວາມຈຸ 128 GB ໂດຍ​ມາ​ພ້ອມ​​ຟີ​ເຈີ HDR ທີ່​ສາມາດ​ເລັ່ງ​ຄວາມ​ສະຫວ່າງ​ໄດ້​ສູງ​ເຖິງ 1,000 nit ແລະ ​ເປັນ​ໜ້າ​ຈໍ​ຂະໜາດ​ໃຫຍ່​ທີ່ສຸດ​ທີ່​ຜ່ານ​ການ​ຮັບຮອງ​ມາດຕະຖານ​ການ​ຖ​ະໜອມ​ສາຍ​ຕາ​ຈາກ German TUV Rheinland

ນອກ​ຈາກ​ນີ້ Huawei Vision X65 ​ຍັງ​ໄດ້ຮັບ​ຮັບ​ການ​ຕິດ​ຕັ້ງ​ລຳ​ໂພງ ຈຳນວນ 14 ​ຕົວ ທີ່​ເລັ່ງ​ກຳ​ລັງ​ໄດ້​ເຖິງ 75 W

ອີກ​ທັງ​​ຍັງ​ມາ​ພ້ອມ​ກົນ​ໄກກ້ອງ​ໜ້າ​ແບບ​ປ໊ອບ​ອັບ, ເລນ Ultrawide ຄວາມ​ລະອຽດ 24 ລ້ານ​ພິກ​ເຊລ ຂັບ​ເຄື່ອນ​ປະ​ສິດ​ທິ​ພາບ​ດ້ວຍ​ຊິບ HiSilicon Hi3559C ທີ່ Huawei ພັດທະນາ​ຂຶ້ນ​ເອງ ເພື່ອງ​ຮອງ​ຮັບ​ການ​ປະ​ມວນ​ຜົນ AI ດ້ວຍ NPU (ໜ່ວຍ​ປະ​ມວນ​ຜົນ​ໂຄງ​ຂ່າຍ​ປະສາດ) ສຳຫຼັບ​ໃຊ້​ໃນ​ການ​ໂທ​ຜ່ານ​ວິ​ດີ​ໂອ ແລະ ​​ຍັງ​ໃຊ້​ການ​ຄວບ​ຄຸມ Gesture ສຳຫຼັບ​ຄວບ​ຄຸມ​ການ​ຫຼິ້ນ​ເພງ​ ຫຼື ​ວິ​ດີ​ໂອ​ໄດ້​ອີກ​ດ້ວຍ

ແຫຼ່ງຂໍ້ມູນ : gsmarena , beartai