BlackBerry ບໍລິສັດຊັອບແວຈາກຄານາດາເຜີຍຜົນການສຶກສາດ້ານອຸດສາຫະກຳໄຊເບີ
ເຕືອນໃຫ້ລະວັງໄພໄຊເບີຈາກລັດຖະບານຕ່າງປະເທດຕໍ່ລະບົບເທັກໂນໂລຢີປະຕິບັດການເກົ່າທີ່ບໍ່ໄດ້ຮັບການປັບປຸງມາເປັນເວລາດົນແລ້ວ
ການສຶກສານີ້ໄດ້ຈາກການສຳຫຼວດຜູ້ມີອຳນາດຕັດສິນໃຈໃນພາກອຸດສາຫະກຳໄອທີ
1,500 ຄົນ ໃນອາເມຣິກາເໜືອ ສະຫະລາດສະອານາຈັກ ເຢຍລະມັນ ຍີ່ປຸ່ນ
ແລະ ອັອດສະເຕຣເລຍ
ຮ້ອຍລະ 41 ຂອງກຸ່ມຕົວຢ່າງປະເມີນວ່າຈະພົບກັບການໂຈມຕີທາງໄຊເບີທີ່ເພີ່ມສູງຂຶ້ນໃນປີນີ້
ຂະນະທີ່ຮ້ອຍລະ 75 ຂອງກຸ່ມຕົວຢ່າງສະແດງຄວາມກັງວົນຕໍ່ການໂຈມຕີທີ່ມີລັດຖະບານປະເທດຕ່າງໆ
ສະໜັບສະໜູນ
ນອກຈາກການໂຈມຕີທາງໄຊເບີແລ້ວ ຮ້ອຍລະ 65 ຍັງຢ້ານການສອດແນມໂດຍລັດຖະບານຕ່າງປະເທດ
ແລະ ຮ້ອຍລະ 68 ຊີ້ວ່າໂຄງສ້າງພື້ນຖານເທັກໂນໂລຢີປະຕິບັດການປ້ອງກັນຍາກ
ສ່ວນຮ້ອຍລະ 86 ຍອມຮັບວ່າອົງກອນຍັງໃຊ້ລະບົບປະຕິບັດການທີ່ເກົ່າຫລາຍຢູ່
ໄພຄຸກຄາມສຳຄັນທີ່ຜູ້ນຳອຸດສາຫະກຳຢ້ານຄືມັນແວ ຟິດຊິ່ງ ແລະການເຂົ້າສູ່ລະບົບໂດຍບໍ່ໄດ້ຮັບອະນຸຍາດຈາກບຸຄະລາກອນພາຍໃນເອງ
ເຊິ່ງສອດຄ້ອງກັບຄວາມກັງວົນວ່າລັດຖະບານຕ່າງປະເທດອາດເລັງຫາວິທີການໃນການສ້າງຄວາມວຸ້ນວາຍແລະເຮັດໃຫ້ລະບົບຂັດຂ້ອງ
ຮ້ອຍລະ 65 ຂອງກຸ່ມຕົວຢ່າງເຊື່ອວ່າມູນຄ່າຄວາມເສຍຫາຍຂອງການໂຈມຕີທາງໄຊເບີຢູ່ທີ່ປະມານ
250,000 ແຕ່ BlackBerry ຊີ້ວ່າມູນຄ່າຄວາມເສຍຫາຍໂດຍສະເລ່ຍທີ່ແທ້ຈິງຂອງການເຈາະຂໍ້ມູນຢູ່ທີ່ປະມານ
4.24 ລ້ານ ເຊິ່ງຫລາຍກວ່າເຖິງ 16 ເທົ່າ
ຊິຊີ ສິງ(Shishir Singh) ປະທານເຈົ້າຫນ້າທີ່ດ້ານເທັກໂນໂລຢີຈາກຜະແນກໄຊເບີຂອງ
BlackBerry
ຊີ້ວ່າໄພຄຸກຄາມສຳຄັນທີ່ກະທົບຕໍ່ໂຄງສ້າງພື້ນຖານສຳຄັນຂອງເທັກໂນໂລຢີປະຕິບັດການແລະໄອໂອທີຄື
ມັນແວຮຽກຄ່າໄຖ່ ຟິດຊິ່ງ ແລະຊ່ອງໂຫວ່ໃນຊັອບແວພາຍນອກທີ່ແຕ່ລະອົງກອນໃຊ້
ສິງ ຍັງບອກດ້ວຍວ່າການໃຊ້ອຸປະກອນທີ່ເກົ່າແລະໄພຄຸກຄາມທາງໄຊເບີເປັນອຸປະສັກສຳຄັນທີ່ສຸດລັ້ງການພັດທະນາອຸດສາຫະກຳ
ທີ່ມາ ແລະ ແຫຼ່ງຂໍ້ມູນອ້າງອິງ:
- https://www.prnewswire.com/news-releases/new-blackberry-research-finds-manufacturers-increasingly-wary-of-nation-state-threats-301801262.html
- https://www.beartai.com/news/itnews/1242602
No comments:
Post a Comment