Netflix ປະກາດ ເພີ່ມຄຸນນະພາບແພຣນ Basic With Ads ເປັນຄວາມລະອຽດ 1080p

 

Netflix ເປີດ​ຕົວ Basic With Ads ຫລື​ແພຣນ​ແບບ​ມີ​ໂຄສະ​ນາ​ຂຶ້ນ​ມາ​ລະຫວ່າງ​ທີ່​ເຮົາ​ຮັບ​ຊົມ​ຄອນ​ເທນ​​ ອັນເກົ່າແມ່ນ​ຄວາມ​ລະອຽດ​ຂອງ​ແພຣນ​ນີ້​ຈະ​ຢູ່​ທີ່ 720p ແຕ່​ລ່າ​ສຸດ ບໍລິສັດ​ໄດ້​ປະ​ກາດ​ອັບ​ເກຣດ​ຄຸນນະພາບ​ໃຫ້​ຢ່າງ​ເປັນ​ທາງ​ການ​ແລ້ວ

ແພຣນ Basic With Ads ເປີດ​ຕົວ​ມາ​ດ້ວຍ​ຣາ​ຄາ​ຄ່ອນ​ຂ້າງ​ສູງ​ເຖິງ 6.99 ຫຼຽນ ແຕ່​ຄຸນນະພາບ​ລະ​ດັບ 720p ເຮັດໃຫ້ Netflix ຖືກວິ​ຈານໜັກ​ໄປ​ພໍ​ສົມຄວນ ຄູ່​ແຂ່ງ​ຢ່າງ Disney ເປີດ​ຕົວ Disney+ Basic ລາ​ຄາ 7.99 ຫຼຽນ​ຕໍ່​ເດືອນ ແຕ່​ໄດ້​ຊົມ​ຄອນ​ເທນລະ​ດັບ Full HD, HDR10, 4K Ultra HD, Dolby Vision ແລະ​ຮອງ​ຮັບ IMAX ດ້ວຍ ຫ່າງ​ກັນ​ຫຼຽນ​ດຽວ ແຕ່​ຄຸນນະພາບ​ຄົນ​ລະ​ເລື່ອງ​ເລີຍ

ລະຫວ່າງ​ປະ​ກາດ​ຜົນ​ປະກອບ​ການ​ປະຈຳ​ໄຕມາດ​ທີ1 ຂອງ​ປີ​ນີ້ Netflix ປະ​ກາດ​ເພີ່ມ​ຄຸນນະພາບ​ຂອງ​ແພຣນ Basic With Ads ຈາກ 720p ເປັນ 1080p ໂດຍ​ບໍ່​ມີ​ການ​ເກັບ​ຄ່າ​ໃຊ້​ຈ່າຍ​ເພິ່ມເຕີມ

Netflix ລະ​ບຸ​ວ່າ​ຜູ້​ໃຊ້​ງານ​ທີ່​ຊື້ Basic With Ads ຈະ​ເລີ່ມ​ເຫັນ​ຄວາມ​ລະອຽດ 1080p ແລະ​ຂໍ້​ກຳນົດ​ເພິ່ມເຕີມ​ທັນ​ທີ ແລະ​ຈະ​ປັບ​ໃຊ້​ໃນ​ທຸກ​ປະເທດ​ທີ່​ມີ​ແພຣນ​ດັ່ງ​ກ່າວ​ພາຍ​ໃນ​ສິ້ນ​ເດືອນ​ນີ້ ເຊິ່ງ​ປັດຈຸບັນ Basic With Ads ນັ້ນ​ມີ​ໃຫ້​ໃຊ້​ໃນ ສະ​ຫະຣາດ​ອານາຈັກ ສ​ະຫະລັດອາ​ເມ​ຣິ​ກາ ອອດ​ສະເຕ​ເລຍ ບ​ຣາ​ຊິນ ຝ​ຣັ່ງ​ເສດ ເຢຍລະມັນ ອິິຕາ​ລີ ຍີ່​ປຸ່ນ ແລະ​ເກົາ​ຫຼີ​ໃຕ້

ທີ່ມາ: https://www.macrumors.com/2023/04/19/netflix-basic-ads-plan-1080p-resolution-bump/

ອ້າງອິງຈາກ: https://www.beartai.com/news/itnews/1241766