OnePlus Nord CE 3 Lite ຈະມາພ້ອມ OxygenOS 13.1 ທີ່ຄອບທັບ Android 13 ໂດຍໃຊ້ຊິບ Snapdragon
695 ເຊັ່ນເດີມກັບລຸ້ນປີ 2022 ມີແຣມ 8GB
ແລະຫນ່ວຍຄວາມຈຳແບບ UFS 2.2 128GB ຫລື 256
GB ເຊິ່ງສາມາດໃສ່ memory card ເພື່ອເພີ່ມຄວາມຈຸໄດ້ສູງສຸດ
1TB
ຈຸດເດັ່ນຂອງລຸ້ນນີ້ຢູ່ທີ່ກ້ອງຫຼັກຄວາມລະອຽດ 108 ລ້ານພິກເຊລ
ຈາກເຊນເຊີ ISOCELL HM6 1/1.67″ ສາມາດຊູມພາບໂດຍບໍ່ເສຍຄຸນນະພາບສູງສຸດ 3 ເທົ່າ (lossless zoom) ແລະສາມາດຊູມແບບດິຈິຕອນໄດ້ສູງສຸດ
6 ເທົ່າ ສ່ວນກ້ອງຫຼັງອີກ
2 ຕົວ ນັ້ນໄດ້ແກ່
ເລນມາໂຄຣ 2 ລ້ານພິກເຊລ ແລະເຊນເຊີຈັບຄວາມເລິກ 2 ລ້ານພິກເຊລ
ເມື່ອທຽບກັບລຸ້ນກ່ອນແລ້ວ OnePlus Nord CE 3 Lite ຈະມີໜ້າຈໍທີ່ດີຂຶ້ນຈາກເກົ່າໂດຍເປັນຈໍ LCD 6.72″ ຄວາມລະອຽດ FHD+ (20:9,
8-bit) ພ້ອມຣີເຟຣດເຣດ 120Hz ແລະອັດຕາການຕອບສະຫນອງຕໍ່ການສຳຜັດ 240Hz ໜ້າຈໍສາມາດໃຫ້ຄວາມສະຫວ່າງໄດ້
550 ນິດ ແລະສູງສຸດທີ່
680 ນິດ ໂດຍແຜງໜ້າຈໍຂອງລຸ້ນນີ້ຈະມີແກ້ວກະຈົກກັນແຕກ
Gorilla
Glass ທີ່ບໍ່ໄດ້ລະບຸເວີຊັນເປັນຕົວປ້ອງກັນດ້ານນອກ
ໃນດ້ານຂະໜາດແລະນ້ຳໜັກພົບວ່າ Nord CE 3 Lite ມີຄວາມບາງລຸດລົງເຫຼືອ 8.3 ມມ. ຈາກເດີມ 8.5 ມມ. ແຕ່ຍັງຄົງມີນ້ຳໜັກເທົ່າເດີມທີ່ 195 ກຣາມ ພາຍໃນຕິດຕັ້ງແບັດເຕີຣີ່ຄວາມຈຸ 5,000 mAh ພ້ອມຮອງຮັບການສາກໄວ SuperVOOC 67W ສາມາດສາກເຖິງ 80% ໄດ້ພາຍໃນ 30 ນາທີ ແລະຍັງຄົງມີພອດຫູຟັງ 3.5 ມມ. ຢູ່
OnePlus Nord CE 3
Lite ຈະມີ 2 ຕົວເລືອກສີ
ໄດ້ແກ່ ສີຂຽວມະນາວ (Pastel
Lime) ແລະສີເທົາໂຄຣມາຕິກ (Chromatic
Gray) ໂດຍເວີຊັນ 8/128GB ຈະວາງຂາຍໃນລາຄາ
330 ຢູໂຣ
ທີ່ມາ: OnePlus unveils the Nord CE 3 Lite with 108MP camera and 67W charging - GSMArena.com news
No comments:
Post a Comment