ກົມອຸຕຸນິຍົມ ແລະ ອຸທົກກະສາດ ໄດ້ອອກມາເຕືອນກ່ຽວກັບ ພາຍຸ ດຳເຣ (Damrey) ຫົວທີ່ 23 ໃນເວລາ 7 ໂມງເຊົ້າຂອງວັນທີ່ 02 ພະຈິກ 2017 ມີຈຸດສູນກາງຢູ່ເສັ້ນຂະໜານທີ 12,6 ອົງສາເໜືອ ແລະ ເສັ້ນແວງທີ 117,5 ອົງສາຕາເວັນອອກ ພວມເຄື່ອນໄປທີ່ທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊ່ວຍໂມງ
- ໃນວັນທີ 02 ພະຈິກ ພາຍຸຫົວດັ່ງກ່າວມີຈຸດທີ່ຕັ້ງຢູ່ທະເລຈິນຕອນໃຕ້ ແລະ ຈະເຄື່ອນຜ່ານເຂດອ່າວໄທ ແລະ ວົງລັດສະໝີຈະກວມເອົາບັນດາແຂວງພາກໃຕ້ປະເທດລາວໃນໄລຍະວັນທີ 03 ຫາ 05 ເດືອນ 11 ປີ 2017, ເຊິ່ງຈະເຮັດໃຫ້ມີຝົນຕົກລະດັບຄ່ອຍຫາປານການຢູ່ທົ່ວໄປ ແລະ ຕົກໜັກພ້ອມມີລົມພັດແຮງຢູ່ບາງທ້ອງຖິ່ນແຂວງ ອັດຕະປື,ເຊກອງ,ຈຳປາສັກ ແລະ ສາລະວັນ.
No comments:
Post a Comment