Apple ກຽມຖ່າຍທອດສົດ “ງານເປີດຕົວ iPhone 11” ອອກນອກແພຼັດຟອມ ລົງເທິງ YouTube

ອີກ 3 ວັນທີ​ເຮົາ​ຈະ​ໄດ້​ເຫັນ​ຜະລິດຕະພັນ​ຕົວ​ໃໝ່​ຈາກ Apple ໃນ​ງານ Special Event ໃນ​ວັນທີ 10 ກັນຍາ 2019 ​ນີ້ ທີ່​ຈັດ​ຂຶ້ນ​ທີ່ Steve Jobs Theater ໃນ Apple Park

ໂດຍ​ປົກກະຕິ​ແລ້ວ​ເຮົາ​ມັກ​ຈະ​ເຫັນ​ການ​ຖ່າຍ​ທອດ​ສົດ​​ເທິງ Apple TV ຫລື​ເວັບ​ໄຊ​ຕ​໌ Apple.com ແລະ​ ນຳ​ມາ​ລົງ YouTube ໃນ​ພາຍ​ຫຼັງ ແຕ່​ລ່າ​ສຸດ Apple ກຽມ​ຖ່າຍ​ທອດ​ສົດ​ງານ “Apple Special Event” ໃນ​ວັນທີ 10 ກັນຍາ​ 2019 ນີ້ ລົງ​ເທິງ YouTube ທີ່​ຈະ​ມີ​ການ​ເປີດ​ຕົວ iPhone 11 ແລະ​ ຜະລິດຕະພັນ​ອື່ນໆ ອີກ​ຫລວງ​ຫລາຍ

ທັງ​ນີ້ Apple ໄດ້​ຂຶ້ນ​ໜ້າ​ວິ​ດີ​ໂອ Live Stream ຂອງ​ງານ​ນີ້​ລ່ວງ​ໜ້າ​ເປັນ​ທີ່​ຮຽບຮ້ອຍ​ແລ້ວ ສາມາດ​ກົດ​ເພື່ອ​ຮັບ​ການ​ແຈ້ງ​ເຕືອນ​ໃນ​ວິ​ດີ​ໂອ ເພື່ອ​ໃຫ້ YouTube ແຈ້ງ​ເຕືອນ​ໃນ​ເວລາ​ທີ່​ຈະ​ເຖິງ​ງານ​ໄດ້​ດ້ວຍ

ໂດຍ​ໃນ​ຂະນະ​ນີ້​ຕິດ​ຕາມ​ການ​ຖ່າຍ​ທອດ​ສົດ​ໄດ້​ເຖິງ 3 ຊ່ອງ​ທາງ​ນຳກັນ ຄື ເວັບ​ໄຊ Apple.com, ແອບ​ເທິງ Apple TV ແລະ​ ລ່າ​ສຸດ YouTube

ທີ່ມາ: beartai