IBM ປະກາດເປີດຕົວ 53-Qubit Quantum Computer ອາດຈະເປີດໃຫ້ບໍລິການໄດ້ໃນຕຸລາ 2019 ນີ້

IBM ໄດ້​ອອກ​ມາ​ປະ​ກາດ​ເປີດ​ຕົວ Quantum Computer ລຸ້ນ Commercial ທີ່​ໃຫຍ່​ທີ່ສຸດ​ໃນ​ຂະໜາດ 53-Qubit ແລະ​ ອາດຈະ​ເປີດ​ວາງ​ຈຳ​ໜ່າຍ​ຫລື​ໃຫ້​ບໍລິການ​ໄດ້​ໃນ​ເດືອນ​ຕຸລາ 2019 ນີ້​ແລ້ວ ເຊິ່ງ 53-Qubit Quantum Computer ນີ້​ຖື​ວ່າ​ໃຫຍ່​ກວ່າ​ລຸ້ນ​ກ່ອນ​ທີ່​ມີ​ຂະໜາດ​ພຽງ 20-Qubit ​ຫລາຍ ໂດຍ​ນອກ​ຈາກ​ຈຳນວນ Qubit ທີ່​ເພີ່ມ​ເຂົ້າ​ມາ​ແລ້ວ IBM ເອງ​ກໍ​ຢັງ​ໄດ້​ມີ​ການ​ອອກ​ແບບ Quantum Processor ໃໝ່​ແລະ​ມີ​ການ​ເພີ່ມ​ອຸປະກອນ​ພິເສດ​ເຂົ້າໄປ​ເພື່ອ​ຊ່ວຍ​ຫລຸດ​ການລົບ​ກວນ​ຂອງ​ສັນ​ຍານ ​ແລະ Error Rate ທີ່​ອາດ​ເກີດ​ຂຶ້ນ​ໄດ້​ລົງ

IBM ໃນ​ຖານະ​ຂອງ​ໜຶ່ງ​ໃນ​ຜູ້​ທີ່​ພັດທະນາ​ເທກ​ໂນ​ໂລ​ຢີ Quantum Computer ມາ​ຢ່າງ​ຕໍ່​ເນື່ອງ​ຍາວ​ນານ ມີ​ຄວາມ​ເຊື່ອ​ວ່າ​ຈຳນວນ​ຂອງ Qubit ທີ່​ສູງ​ນັ້ນ​ບໍ່​ໄດ້​ແປ​ວ່າ​ປະ​ສິດ​ທິ​ພາບ​ຂອງ​ລະບົບ​ຈະ​ສູງ​ສະເໝີ​ໄປ ອີກ​ທັງ​ຜູ້​ພັດທະນາ​ແຕ່​ລະ​ລາຍ​ເອງ​ກໍຍັງ​ໃຊ້​ເທກ​ໂນ​ໂລ​ຢີ​ທີ່​ແຕກ​ຕ່າງ​ກັນ​ເຮັດໃຫ້​ສົ່ງ​ຜົນ​ລັບ​​ທີ່​ຕ່າງ​ກັນ ດັ່ງ​ນັ້ນ​ໃນ​ການ​ວັດ​ປະ​ສິດ​ທິ​ພາບ​ຂອງ​ລະບົບ Quantum Computer ນັ້ນ IBM ໄດ້​ສະເໜີ​ແນວ​ຄິດ​ທີ່ເອີ້ນວ່າ Quantum Volume ທີ່​ໄດ້​ປະ​ເມີນ​ທັງ​ຈຳນວນ Qubit ແລະ Error Rate ທີ່​ຈະ​ເກີດ​ຂຶ້ນ​ໃນ​ການ​ປະ​ມວນ​ຜົນ​ທັງ​ໝົດ​ເອົາ​ໄວ້

ເປົ້າ​ໝາຍ​ຂອງ IBM ນັ້ນ​ຄື​ການ​ພັດທະນາ Quantum Computer ໃຫ້​ມີ​ຄວາມ​ໄວ​ສູງ​ເກີນ​ກວ່າ​ທີ່​ລະບົບ​ຄອມພິວເຕີ​ໃນ​ປັດຈຸບັນ​ຈະ​ສາມາດ​ໄປ​ເຖິງ​ໄດ້ ຊຶ່ງ IBM ຮຽກ​ຈຸດ​ຕັດ​ນີ້​ວ່າ Quantum Advantage

ທີ່​ຜ່ານມາ IBM ມີ Partner ທັງ​ຈາກ​ພາກ​ເອກ​ຊົນ, ພາ​ກລັດ ແລະ ​ສ​ະຖາ​ບັນ​ການສຶກສາ​ທາງ​ດ້ານ Quantum Computing ກວ່າ 80 ລາຍ ເຮັດໃຫ້​ການ​ວິ​ໄຈ ​ແລະ ​ການ​ພັດທະນາ​ໂຊ​ລູ​ຊັນ​ສຳລັບ​ທຸລະກິດ​ດ້ວຍ Quantum Computer ນັ້ນ​ກ້າວ​ໜ້າ​ໄປ​ໄດ້​ຢ່າງ​ວ່ອງໄວ

ຫຼັງ​ຈາກ​ນີ້​ກໍ​ຕ້ອງ​ຕິດ​ຕາມ​ກັນ​ຕໍ່ໄປ​ວ່າ Quantum Computer ເຄື່ອງ​ນີ້​ຈະ​ເປີດ​ວາງ​ຈຳ​ໜ່າຍ ​ຫລື ​ໃຫ້​ບໍລິການ​ໃນ​ຮູບ​ແບບ​ໃດ ເຊິ່ງ​ສື່​ບາງ​ແຫ່ງ​ກໍ​ວິ​ເຄາະ​ເອົາ​ໄວ້​ວ່າ​ລະບົບ​ນີ້​ອາດ​ເປີດ​ໃຫ້​ບໍລິການ​ຜ່ານ Cloud ກໍ​ເປັນ​ໄດ້

ແຫຼ່ງຂໍ້ມູນ

https://www.tomshardware.com/news/ibm-quantum-computer-computing-53-qubit,40430.html

https://www.techtalkthai.com/ibm-53-qubit-quantum-computer-is-announced/