Jack Ma ເຜີຍວ່າ ແຕ່ລະມື້ Alibaba Group ຖືກໂຈມຕີຫຼາຍເຖິງ 300 ລ້ານເທື່ອ

ໃນງານ Forbes Global CEO Conference ໃນສິງກະໂປ Jack Ma ຜູ້ກໍ່ຕັ້ງແຫ່ງ Alibaba Group ໄດ້ອອກມາເລົ່າເຖີງການທີ່ໃນແຕ່ລະມື້ Alibaba ຕ້ອງຮັບມືກັບການໂຈມຕີຫຼາຍເຖິງ 300 ລ້ານເທື່ອ ແຕ່ບໍລິການຫຼັກໆ ນັ້ນກໍຍັງເຮັດວຽກໄດ້ຢ່າງຫມັ້ນຄົງປອດໄພຢູ່

Jack Ma ນັ້ນພູມໃຈຫຼາຍກັບບໍລິການທາງດ້ານການເງີນຢ່າງ Alipay ທີ່ໃຊ້ງານຫຼາຍເກືອບ 1 ພັນລ້ານຄົນໃນປັດຈຸບັນນີ້ ແລະ ມີທຸລະກຳມູນຄ່າກວ່າ 50,000 ລ້ານຫຼຽນໃນແຕ່ລະມື້, ໃນແຕ່ລະມື້ນັ້ນຍັງບໍ່ເຄີຍຖືກໂຈມຕີຈົນເກີດຄວາມສູນເສຍແມ່ນແຕ່ເທື່ອດຽວ

ສຳລັບການໂຈມຕີເທື່ອໜຶ່ງທີ່ໜ້າສົນໃຈໃນປີນີ້ຕໍ່ Alibaba ນັ້ນເກີດຂຶ້ນເມື່ອເດືອນກຸມພາ 2019 ທີ່ຜ່ານມາ ເຊິ່ງກະທົບຕໍ່ຜູ້ໃຊ້ງານ Taobao ຫຼາຍເຖີງ 20 ລ້ານລາຍນັ້ນ ທາງ Alibaba ສາມາດກວດພົບໄດ້ທັນທີທີ່ການໂຈມຕີເກີດຂຶ້ນ ແລະ ສາມາດຮັບມືໄດ້ຢ່າງທັນທ່ວງທີດ້ວຍການແຈ້ງເຕືອນໃຫ້ລູກຄ້າປ່ຽນລະຫັດຜ່ານ ແລະ ປະສານງານກັບທາງຕຳຫຼວດທັນທີ

ເທັກໂນໂລຢີໜຶ່ງທີ່ Jack Ma ໄດ້ອອກມາເລົ່າເຖິງກໍຄື AI ທີ່ຫຍໍ້ຈາກ Alibaba Intelligence ທີ່ໄດ້ໃຫ້ລະບົບທຳການຮຽນຮູ້ວ່າຜູ້ໃຊ້ງານຈະທຳການໂກງລະບົບໃນຮູບແບບຕ່າງໆ ໄດ້ຢ່າງໃດດ້ວຍ ແລະ ເຮັດໃຫ້ລະບົບຕ່າງໆ ຂອງ Alibaba ສາມາດກວດຈັບພຶດຕິກຳທີ່ບໍ່ດີຂອງຜູ້ໃຊ້ງານໄດ້ທັນທີຕັ້ງແຕ່ກິດຈະກຳເຫຼົ່ານັ້ນເລີ່ມຕົ້ນຂຶ້ນ ເຊິ່ງການທີ່ Alibaba ເຮັດສິ່ງເຫຼົ້ານີ້ໄດ້ກໍເກິດມາຈາກຂໍ້ມູນຂອງຜູ້ໃຊ້ງານປະລິມານມະຫາສານທີ່ Alibaba ມີຢູ່ໃນມືນັ້ນເອງ ຊຶ່ງຂໍ້ດີໜຶ່ງທີ່ເຮັດໃຫ້ທ່ານເຊື່ອໃຈລະບົບເຫຼົ່ານີ້ຫຼາຍກວ່າມະນຸດກໍຄື ການທີ່ລະບົບເຫຼົ່ານີ້ບໍ່ມີການເລືອກປະຕິບັດ ດັ່ງນັ້ນຕໍ່ໃຫ້ເປັນຕົວ Jack Ma ເອງ ຫາກໃຊ້ລະບົບໃນທາງທີ່ຜິດ ລະບົບກໍຈະຢຸດທ່ານເອງຈາກພຶດຕິກຳນັ້ນໆເຊັ່ນດຽວກັນກັບທຸກຄົນ

CNBC ໄດ້ປຽບທຽບເຖິງປະລິມານການໂຈມຕີທີ່ເກິດຂື້ນກັບ Alibaba ນັ້ນໂດຍນຳຂໍ້ມູນຂອງ Huawei ທີ່ແຕ່ລະມື້ຖືກໂຈມຕີເກືອບ 1 ລ້ານເທື່ອມາປຽບທຽບ ເຮັດໃຫ້ເຫັນໄດ້ຊັດເຈນຍິ່ງຂຶ້ນວ່າການໂຈມຕີທີ່ເກິດຂື້ນກັບ Alibaba ນັ້ນມີປະລິມານມະຫາສານພຽງໃດ

ແຫຼ່ງຂໍ້ມູນ:

cnbc.com techtalkthai.com