Linux 5.6 Kernel ອອກແລ້ວ ຮອງຮັບ WireGuard ແລະ USB4

ເມື່ອ​ຊ່ວງ​ມື້​ຢຸດ​ສຸດ​ອາທິດ​ທີ່​ຜ່ານມາ Linus Torvalds ໄດ້​ອອກ​ມາ​ປະ​ກາດ​ເປີດ​​ຕົວ Linux 5.6 Stable Kernel ແລ້ວ​ຢ່າງ​ເປັນ​ທາງ​ການ ໂດຍ Kernel ລຸ້ນ​ນີ້​ຖື​ວ່າ​ເປັນ​ອີກ​ລຸ້ນ​ທີ່​ມີ​ການ​ປ່ຽນ​ແປງ​ຄ່ອນ​ຂ້າງ​ຫລາຍ​ທີ​ດຽວ ໄດ້​ແກ່

• ໃຊ້ WireGuard ໃນ​ການເຮັດ VPN ເປັນ​ຫຼັກ
• ສະໜັບ​ສະໜູນ USB4 ໂດຍ​ໂຄ້​ດ​ຈາກ Intel ທີ່​ປັບ​ໂຄ້​ດ​ມາ​ຈາກ Driver ຂອງ Thunderbolt
• ຮອງ​ຮັບ​ການ​ເຮັດ​ວຽກງານ​ຂອງ​ລະບົບ​ແບບ 32-bit ໂດຍ​ບໍ່​ມີ​ບັນຫາ​ກັບ​ປີ 2038 ໄດ້ ແຕ່​​ຍັງ​ຄົງ​ມີ​ບັນຫາ​ບາງ​ສ່ວນ​ທີ່​​ຍັງ​ບໍ່​ໄດ້​ແກ້​ໄຂ​ໃນ User-Space ຢູ່​ດ້ວຍ
• ຮອງ​ຮັບ AMD k10temp Driver ໄດ້​ດີ​ຂຶ້ນ ເຮັດໃຫ້​ສາມາດ​​ລາຍ​ງານ​ຂໍ້​ມູນ Voltage/Current ເທິງ Zen CPU ໄດ້ ແລະ​​ລາຍ​ງານ​ດ້ານ​ອຸນຫະພູມ​ສຳລັບ AMD Zen / Zen 2 ໄດ້​ດີ​ຂຶ້ນ
• ຮອງ​ຮັບ​ການເຮັດ Trusted Execution ສຳລັບ AMD APU
• ຮອງ​ຮັບ NVIDIA GeForce RTX 2000 Turing ແບບ Open Source ໄດ້​ເທິງ Nouveau Driver ແຕ່​​ຍັງ​ບໍ່​ສົມບູນ​ດີ​
• ຮອງ​ຮັບ Async DISCARD ເທິງ Btrfs ເຮັດໃຫ້​ມີ​ປະ​ສິດ​ທິ​ພາບ​ດີ​ຂຶ້ນ
• ຮອງ​ຮັບ Amazon Echo
• ແກ້​ບັນຫາ AMD Ryzen ເທິງ ASUS
• ເລີ່ມ​ໃຊ້ FQ-PIE Packet Scheduler ເພື່ອ​ຫລຸດ​ບັນຫາ​ດ້ານ Network ລົງ
• ຮອງ​ຮັບ VirtualBox Shared Folder Driver ແລ້ວ
• ປັບ​ປຸງ​ໂຄ້​ດ ​ແລະ​ ປະ​ສິດ​ທິ​ພາບ​ສຳລັບ x86 CPU
• ຮອງ​ຮັບ SoC ຫລາຍ​ຂຶ້ນ ທັງ​ສຳລັບ ARM, Intel, Ingenic
• ຍົກ​ເລີກ​ການ​ຮອງ​ຮັບ Intel MPX
• ເລີ່ມ​ມີ​ໂຄ້​ດ​ສຳລັບ AMD Zen 3
• ປັບ​ປຸງ​ປະ​ສິດ​ທິ​ພາບ​ສຳລັບ EXT4
• NFSD ຮອງ​ຮັບ​ການເຮັດ Server-to-Server Copy ໄດ້
• ມີ Cache ໃຫ້​ກັບ NFS Client ເຮັດໃຫ້​​ຍັງ​ຄົງ​ເຂົ້າ​ເຖິງ​ບາງ​ໄຟ​ລ​໌​ໄດ້​ເຖິງວ່າ​ການ​ເຊື່ອມ​ຕໍ່​ຈະ​ຂາດ​ຫາຍ
• ປັບ​ປຸງ NVMe ແລະ BFQ ໃຫ້​ດີ​ຂຶ້ນ
• ປ້ອງ​ກັນ Spectre V1 / L1TF ເທິງ KVM
• ຮອງ​ຮັບ AMD APIC ທີ່​ໃຊ້ Dybamic APICv ໄດ້
• ປັບ​ປຸງ Intel VT-d Nested Mode ໃຫ້​ດີ​ຂຶ້ນ
• ຮອງ​ຮັບ Multi-Path TCP
• ປັບ​ປຸງ​ປະ​ສິດ​ທິ​ພາບ​ຂອງ Intel 2.5G Driver
• ຮອງ​ຮັບ Intel Virtual Bus

ທັງ​ນີ້ Linus Torvalds ກໍ​​ຍັງ​ລະ​ບຸ​ດ້ວຍ​ວ່າ COVID-19 ນີ້​ບໍ່​ໄດ້​ສົ່ງ​ຜົນ​ຕໍ່​ການ​ພັດທະນາ Linux Kernel ເທົ່າໃດ​ໃນ​ສາຍ​ຕາ​ຂອງ​ລາວ ເພາະ​ລາວ​ເຊື່ອ​ວ່າ​ຫຼາຍ​ຄົນ​ເອງ​ກໍ Contribute ຈາກ​ທີ່​ບ້ານ​ຂອງ​ຕົນເອງ​ຢູ່​ແລ້ວ ແລະ ລາວ​ຄິດວ່າ Linux 5.7 Kernel ນີ້​ກໍ​ຈະ​​ຍັງ​ຄົງ​ຖືກ​ພັດທະນາ​ຕໍ່ໄປ​ດັ່ງ​ທີ່​ເຄີຍ​ເປັນ​ມາ ​ແລະ​ ບໍ່​ໜ້າ​ຈະ​ມີ​ການ​ເລື່ອນ​ກຳນົດ​ການ​ໃດ​ໆ ແຕ່​ຖ້າ​ຫາກ​ມີ Subsystem ໃດ​ພາຍ​ໃນ​ໂຄງ​ການ​ທີ່​ໄດ້ຮັບ​ຜົນ​ກະທົບ​ນີ້ ລາວ​ກໍ​ຢາກ​ໃຫ້​ແຈ້ງ​ໃຫ້ລາວ​ຮູ້​ເຊັ່ນ​ກັນ

ແຫຼ່ງຂໍ້ມູນ: 

1 https://www.phoronix.com/scan.php?page=news_item&px=Linux-5.6-Released

2 https://www.techtalkthai.com/linux-5-6-kernel-is-announced/