ນັກວິໄຈດ້ານຄວາມຫມັ້ນຄົງປອດໄພຈາກ Red Canary ໄດ້ຄົ້ນພົບ Malware ໃໝ່ທີ່ມີຊື່ວ່າ Silver Sparrow ຊຶ່ງເນັ້ນໂຈມຕີ macOS ເປັນຫຼັກ ແລະ ຍັງສາມາດເຮັດວຽກໄດ້ເທິງເຄື່ອງທີ່ໃຊ້ຊິບ M1 ໂດຍປັດຈຸບັນມີການກວດພົບເຫຍື່ອທີ່ຕິດ Malware ນີ້ໄປແລ້ວເກືອບ 30,000 ເຄື່ອງ, ນັກວິໄຈຈາກ Red Canary ໄດ້ທຳການວິເຄາະ Malware ຕົວນີ້ຮ່ວມກັບທີມນັກວິໄຈຈາກ Malwarebytes ແລະ VMware Carbon Black ໂດຍປັດຈຸບັນນີ້ມີການພົບວ່າມີເຄື່ອງ macOS ທີ່ຕິດ Malware ນີ້ໄປແລ້ວ 29,139 ເຄື່ອງຈາກການສຳລວດໃນ 153 ປະເທດເມື່ອວັນທີ 17 ກຸມພາ 2021 ທີ່ຜ່ານມາ ຊຶ່ງຖືເປັນອັດຕາການແພ່ລະບາດທີ່ວ່ອງໄວຈົນໜ້າຈັບຕາເບິ່ງ
Credit: ShutterStock.com
ທີມນັກວິໄຈຍັງບໍ່ມີການເປີດເຜີຍລາຍລະອຽດຂອງວິທີການທີ່ໃຊ້ໃນການແພ່ລະບາດເທົ່າໃດ ແລະ ຍັງບໍ່ແນ່ໃຈວ່າເປົ້າໝາຍຂອງ Malware ນີ້ແມ່ນຫຍັງແທ້ ໂດຍເມື່ອ Silver Sparrow ສາມາດຝັງຕົວເຂົ້າໄປໃນເຄື່ອງຂອງເຫຍື່ອໄດ້ແລ້ວ Malware ນັ້ນຈະລໍຖ້າຮັບຄຳສັ່ງຈາກຜູ້ໂຈມຕີ ເຊິ່ງປັດຈຸບັນນີ້ກໍຍັງບໍ່ເຄີຍມີການກວດພົບຄຳສັ່ງໃດໆ ທີ່ຖືກສົ່ງມາຍັງເຄື່ອງຂອງເຫຍື່ອແຕ່ຢ່າງໃດ
ຢ່າງໃດກໍດີ ທີມນັກວິໄຈກໍຍັງບໍ່ຢືນຢັນວ່າການເຮັດວຽກຂອງ Malware ຕົວນີ້ມີຄວາມຜິດພາດ ລວມເຖິງຍັງມີຄວາມເປັນໄປໄດ້ວ່າ Malware ຕົວນີ້ຍັງອາດກວດຈັບໄດ້ວ່າກຳລັງຖືກວິເຄາະພຶດຕິກຳຢູ່ ຈຶ່ງບໍ່ໄດ້ດຳເນີນການໂຈມຕີໃດໆ ຕໍ່ກໍເປັນໄດ້
ນອກຈາກນີ້ອີກໜຶ່ງປະເດັນທີ່ໜ້າສົນໃຈກໍຄື Malware ນີ້ສາມາດເຮັດວຽກໄດ້ເທິງສະຖາປັດຕະຍະກຳຊິບລ່າສຸດຢ່າງ M1 ດ້ວຍ ເຊິ່ງຖືວ່າເປັນ Malware ຊະນິດທີ່ສອງທີ່ສາມາດເຮັດວຽກໄດ້ເທິງສະຖາປັດຕະຍະກຳດັ່ງກ່າວ
ຫຼັງຈາກນີ້ກໍພຽງແຕ່ຕ້ອງຕິດຕາມຂ່າວສານກັນຕໍ່ໄປວ່າເປົ້າໝາຍແລະວິທີການຂອງ Silver Sparrow ນີ້ແມ່ນຫຍັງກັນແທ້ ໂດຍປັດຈຸບັນຜູ້ທີ່ສົນໃຈລາຍລະອຽດເພິ່ມຕື່ມແມ່ນສາມາດສຶກສາຂໍ້ມູນໄດ້ທີ່ https://redcanary.com/blog/clipping-silver-sparrows-wings/
No comments:
Post a Comment