Google ປ່ອຍຟີເຈີກວດສອບ Heat Wave ແລະແຜນທີ່ສະແດງຮົ່ມເງົາຕົ້ນໄມ້

Google ໄດ້​ເພີ່ມ​ການ​ແຈ້ງ​ເຕືອນ​ໃໝ່​ໃນ Google Search engine ທີ່​ສາມາດ​ກວດ​ສອບ​ຄື້ນ​ຄວາມ​ຮ້ອນ (Heat Wave) ໃນ​ແຕ່​ລະ​ພື້ນ​ທີ່ ແລະ ​ແຜນ​ທີ່​ສະແດງຮົ່ມ​ເງົາ​ຕົ້ນ​ໄມ້​ໃນ​ຫົວ​ເມືອງ​ຕ່າງໆ ຂອງ​ໂລກ

ຫາກ​ຜູ້​ໃຊ້​ງານ​ຕ້ອງ​ການ​ຄົ້ນ​ຫາ​ຄື້ນ​ຄວາມ​ຮ້ອນ​ພຽງ​ແຄ່​ພິມ​ຄຳ​ວ່າ “heat wave” ຫລື “extreme waves” ລົງ​ໃນ​ເຄື່ອງ​ມື​ຄົ້ນ​ຫາ Google ຈະ​ມີ​ການ​ສະແດງ​ລາຍ​ລະອຽດ​ຕ່າງໆ ທີ່​ກ່ຽວ​ຂ້ອງ​ກັບ​ຄື້ນ​ຄວາມ​ຮ້ອນ​ໃນ​ພື້ນ​ທີ່​ນັ້ນໆ

ໂດຍ​ຟີ​ເຈີ​ແຈ້ງ​ເຕືອນ​ຄື້ນ​ຄວາມ​ຮ້ອນ​ຈະ​ປ່ອຍ​ໃຫ້​ໃຊ້​ງານ​ໃນ​ອີກ​ບໍ່​ເທົ່າໃດ​ເດືອນ​ຂ້າງ​ໜ້ານີ້ເທົ່ານັ້ນ ແລະ ​ຂໍ້​ມູນ​ຄື້ນ​ຄວາມ​ຮ້ອນ​ໃຊ້​ຂໍ້​ມູນ​ຈາກ Global Heat Health Information Network (GHHIN).​ ອີກ​ຟີ​ເຈີ​ທີ່​ໜ້າ​ສົນ​ໃຈ​ບໍ່​ພ່າຍແພ້​ກັນ​ຄື​ເລື່ອງ​ສິ່ງ​ແວດ​ລ້ອມ​ທີ່​ທຸກ​ຄົນ​ໃນ​ໂລກ​ຕ້ອງ​ຕະ​ໜັກ​ຮູ້ໂດຍ Google ໄດ້​ເປີດ​ແຜນ​ທີ່​ໃໝ່​ທີ່​ຈະ​ສະແດງ​ຮົ່ມ​ເງົາ​ຈາກ​ຕົ້ນ​ໄມ້ (Tree Canopy) ທີ່​ເປັນ​ສ່ວນຫນຶ່ງ​ຂອງ Environmental Insights Explorer ໃຊ້​ການ​ປະສົມ​ປະສານ​ຈາກ AI ແລະ ​ພາບ​ຖ່າຍ​ທາງ​ອາ​ກາດ​ເພື່ອ​ສະແດງ​ພື້ນ​ທີ່​ສີ​ຂຽວ​ໃນ​ຫົວ​ເມືອງ​ຕ່າງໆ ຂອງ​ໂລກ

ທາງ Google ກໍ​ໄດ້​ປະ​ກາດ​ອອກ​ມາ​ວ່າ​ແຜນ​ທີ່​ຮົ່ມ​ເງົາ​ຕົ້ນ​ໄມ້​ມີ​ຂໍ້​ມູນ​ຫລາຍກວ່າ 350 ເມືອງ​ທົ່ວ​ໂລກ​ເຊັ່ນ: ແອັດ​ແລນ​ຕາ, ບັນ​ຕິມໍ, ບົວ​ໂນດ​ໄອ​ເຣດ, ລິດ​ບອນ, ເມັກ​ຊິ​ໂກ​ຊິ​ຕີ້, ປາ​ຣີດ, ຊິດ​ນີ​, ໂຕ​ຣອນໂຕ ແລະ​ອື່ນໆ ຊຶ່ງ​ທາງ Google ຈະ​ມີ​ການ​ອັບ​ເດດ​ຂໍ້​ມູນ​ພື້ນ​ທີ່ຮົ່ມ​ເງົາ​ຕົ້ນ​ໄມ້​ໃນ​ຫົວ​ເມືອງ​ຕ່າງໆ ຂອງ​ໂລກ​ອີກ​ໃນ​ອະນາຄົດ

ແຕ່​ເປັນ​ທີ່​ໜ້າ​ເສຍ​ດາຍ​ວ່າ​ຂໍ້​ມູນ​ແຜນ​ທີ່​ສະແດງຮົ່ມ​ເງົາ​ຕົ້ນ​ໄມ້​ຂອງ​ປະເທດ​ລາວເຮົາຍັງ​ບໍ່​ມີ​ໃນ​ຕອນ​ນີ້​ກໍ​ຕ້ອງ​ລໍຖ້າ​ທາງ Google ອັບ​ເດດ​ເພິ່ມເຕິມ​ໃນ​ອະນາຄົດ ສຳຫລັບ​ໃຜ​ທີ່​ຢາກ​ຈະ​ຕ້ອງ​ການ​ຊົມ​ພື້ນ​ທີ່​ສີ​ຂຽວ​ໃນ​ເມືອງ​ຕ່າງໆ ທັ່ວ​ໂລກ ສາມາດເບິ່ງໄດ້ ກົດເບິ່ງບ່ອນນີ້

ທີ່ມາ: https://blog.google/outreach-initiatives/sustainability/extreme-heat-support/