Intel ເປີດຕົວ NUC 13 Pro ໃໝ່ ໃຊ້ໜ່ວຍປະມວນຜົນ 13th Gen Intel Core ຂະໜາດ 4 x 4 ນິ້ວ

Intel NUC 13 Pro ມາ​ໃນ​ຮູບ​ແບບ​ອຸປະກອນ​ຂະໜາດ​ນ້ອຍ ມີ​ການ​ປັບ​ປຸງ​ປະ​ສິດ​ທິ​ພາບ​ການ​ເຮັດ​ວຽກ​ໃຫ້​ດີ​ຂຶ້ນ​ກວ່າ​ລຸ້ນ​ກ່ອນ ຜ່ານ​ການ​ໃຊ້​ງານ​ຫນ່ວຍ​ປະ​ມວນ​ຜົນ​ລຸ້ນ​ໃໝ່​ຢ່າງ 13th Gen Intel Core ໂດຍ​ມີ​ລຸ້ນ​ສູງ​ສຸດ​ຄື 13th Gen Intel Core i7 ທີ່​ມີ 6 Performance-cores (P-cores) ແລະ 8 Efficient-cores (E-cores) ຮອງ​ຮັບ​ການ​ໃຊ້​ງານ Intel vPro Enterprise ສຳລັບອົງກອນ​ທີ່​ຕ້ອງ​ການ​ເນັ້ນ​ຄວາມຫມັ້ນຄົງ​ປອດໄ​ພລວມ​ເຖິງ​ການ​ໃຊ້​ງານ Remote Management ຊຶ່ງ Intel ນັ້ນ​ເປີດ​ຕົວ​ອອກ​ມາ​ນຳກັນ 3 Form Factor ໄດ້​ແກ່ Intel NUC 13 Pro Kits, Mini PC ແລະ Board SKU. ສຳຫລັບ​ລາຍ​ລະອຽດ​ອື່ນ​ໆ​ຂອງ​ອຸປະກອນ​ມີ​ດັ່ງ​ນີ້

• ຮອງ​ຮັບ​ຫນ່ວຍ​ຄວາມ​ຈຳ 64GB dual-channel DDR4-3200 MHz
• ມີ M.2 slot ຈຳນວນ 2 ຊ່ອງ ສຳຫລັບ PCIe x4 Gen 4 NVMe SSD
• ມີ Intel i226 Ethernet ຮອງ​ຮັບ​ຄວາມ​ໄວ 2.5 Gbps
• ມີ Intel Wi-Fi 6E ແລະ Bluetooth 5.3
• ມີ HDMI port ຈຳນວນ 2 ຊ່ອງ ແລະ Thunderbolt 4 ຈຳນວນ 2 ຊ່ອງ ຮອງ​ຮັບ​ການ​ເຊື່ອມ​ຕໍ່​ໜ້າ​ຈໍ 4K@60Hz ຈຳນວນ 4 ຕົວ
• ມີ​ຊ່ອງ​ເຊື່ອມ​ຕໍ່ USB 3.2 ຈຳນວນ 3 ຊ່ອງ ແລະ USB 2.0 ຈຳນວນ 1 ຊ່ອງ

ສຳຫລັບ Intel NUC 13 Pro Kits ແລະ Mini PCs ຈະ​ເລີ່ມ​ວາງ​ຈຳ​ໜ່າຍ​ໃນ​ຊ່ວງ​ປາຍ​ເດືອນ​ນີ້ ມີ​ລາ​ຄາ​ເລີ່ມ​ຕົ້ນ​ຕັ້ງ​ແຕ່ 340 ຫຣຽນ ຈົນ​ເຖິງ 1,080 ຫຣຽນ ຕາມ​ສະ​ເປັກ​ທີ່​ເລືອກ​ໃຊ້ ຜູ້​ໃຊ້​ງານ​ສາມາດ​ເລືອກ​ປັບ​ແຕ່ງ​ອຸປະກອນ​ພາຍ​ໃນ​ແລະ OS ໄດ້​ເອງ​ເທິງ​ເວີ​ຊັນ Kits ແລະ​ສາມາດ​ເລືອກ​ໃຊ້​ງານ​ແບບ​ຄົບ​ຊຸດ​ຜ່ານ​ທາງ​ເວີຊັນ Mini PCs ສ່ວນ​ລູກ​ຄ້າ​ທີ່​ຕ້ອງ​ການ​ນຳ​ໄປ​ສ້າງ​ເປັນ Custom Solutions ສາມາດ​ເລືອກ​ໃຊ້​ງານ​ເວີຊັນ Board SKU ໄດ້

ທີ່ມາ: https://www.intel.com/content/www/us/en/newsroom/news/intel-nuc13-pro-small-outside-powerful-inside.html