The Information ລາຍງານຂ່າວ ເຜີຍ Microsoft ກຳລັງຊຸ່ມພັດທະນາ Athena ຊິບ AI ຂອງຕົວເອງ ຊ່ວຍຫລຸດຄ່າໃຊ້ຈ່າຍການເທຣນ AI
Microsoft ກຳລັງພັດທະນາຊິບ AI ຕົວໃໝ່ ພາຍໃຕ້ໂຄ້ດເນມ Athena ໂດຍວິສາວະກອນຂອງ Microsoft ແລະ OpenAI ເລີ່ມທົດສອບຊິບຕົວນີ້ໃນການເທຣນ Large Language Model ເຊັ່ນ GPT-4 ເປັນທີ່ຮຽບຮ້ອຍແລ້ວ ການເທຣນ Model AI ເປັນຂັ້ນຕອນທີ່ສຳຄັນຂອງການສ້າງລະບົບ AI ຂຶ້ນມາ ຂັ້ນຕອນນີ້ຈຳເປັນຕ້ອງໃຊ້ຊິບປະມວນຜົນປະສິດທິພາບສູງຈຳນວນຫລາຍ ເປົ້າໝາຍຫຼັກຂອງ Microsoft ຄືການນຳຊິບຕົວນີ້ມາຊ່ວຍຫລຸດຄ່າໃຊ້ຈ່າຍຈາກການໃຊ້ງານຊິບຂອງຜູ້ຜະລິດພາຍນອກ ປັດຈຸບັນຜູ້ນຳຕະຫລາດຊິບສຳຫລັບ AI ຄື NVIDIA ທີ່ມີຜະລິດຕະພັນຫຼັກຄື H100 GPU ຊຶ່ງເປີດຕົວໃນປີທີ່ແລ້ວ ໂດຍ Athena ຈະເຮັດໃຫ້ Microsoft ເຂົ້າສູ່ອົງກອນທີ່ພັດທະນາຊິບ AI ຂຶ້ນມາໃຊ້ງານເອງ ເຊັ່ນດຽວກັບບໍລິສັດອື່ນ ເຊັ່ນ: Google, Meta ແລະ Amazon
ທີ່ຜ່ານມາ Microsoft ໄດ້ລົງທຶນກັບ OpenAI ໄປແລ້ວກວ່າ 1 ໝື່ນລ້ານຫລຽນ
ມີແຜນທີ່ຈະນຳເອົາເທັກໂນໂລຢີ AI ໃສ່ເພີ່ມເຂົ້າໄປໃນຫຼາຍຜະລິດຕະພັນ ເຊັ່ນ Bing Search, Microsoft 365,
Dynamics 365 ແລະ Security Copilot ຊຶ່ງອາດເຮັດໃຫ້ຕ້ອງມີການຈັດຊື້ຮາດແວທີ່ມີຄ່າໃຊ້ຈ່າຍສູງເຖິງປີລະ
1 ໝື່ນລ້ານຫລຽນເລີຍ
ຢ່າງໃດກໍຕາມ ຊິບ Athena ລຸ້ນທຳອິດຄາດວ່າຈະສຳເລັດສົມບູນໃນຊ່ວງຕົ້ນປີ
2024 ແລະໃນຊ່ວງເລີ່ມຕົ້ນນັ້ນ
ບໍ່ໄດ້ວາງເປົ້າໝາຍເພື່ອມາທົດແທນຊິບຫຼັກຂອງ NVIDIA ແຕ່ຢ່າງໃດ ໂດຍ Microsoft ຈະນຳເອົາຊິບຕົວນີ້ເຂົ້າມາເສີມການເຮັດວຽກງານ
ແລະຈະຄອຍຖ້າປັບປຸງຊິບໃຫ້ມີປະສິດທິພາບຫລາຍຂຶ້ນຕໍ່ໄປ
ທີ່ມາ: Microsoft reportedly developing its own AI chip named ‘Athena’ - SiliconANGLE
No comments:
Post a Comment