Netscout ລາຍງານ ການໂຈມຕີ DDoS ແບບ Direct-Path ເພີ່ມຂຶ້ນຢ່າງມີໄນສຳຄັນໃນປີທີ່ຜ່ານມາ

Netscout ອອກລາຍງານ DDoS Threat Intelligence Report ພົບການໂຈມຕີ DDoS ແບບ Direct-Path ເພີ່ມຂຶ້ນຢ່າງມີໄນສຳຄັນໃນປີທີ່ແລ້ວ ຂະນະດຽວກັນການໂຈມຕີທີ່ Application-layer ເພີ່ມຂຶ້ນ 487% ເມື່ອທຽບກັບປີ 2019

Netscout ໄດ້ອອກລາຍງານ DDoS Threat Intelligence Report ເຊິ່ງລາຍງານພາບລວມການໂຈມຕີ DDoS ຫຼາຍຮູບແບບ ທັງການໂຈມຕີທີ່ Application-layer, Botnet-based ແລະ Direct-path attack ໂດຍເກັບລວບລວມຂໍ້ມູນດັ່ງກ່າວຈາກຫຼາຍແຫຼ່ງເຊັ່ນ: NETSCOUT ATLAS ທີ່ເຮັດວຽກຮ່ວມກັບ Internet Service Providers (ISP) ທົ່ວໂລກກວ່າ 500 ລາຍ ຈາກ 93 ປະເທດ ໂດຍມີ Network sensor ຄອຍຖ້າກວດວິເຄາະຂໍ້ມູນທີ່ສົ່ງຜ່ານໃນອິນເຕີເນັດກວ່າ 400 Tbps ເຊິ່ງຄອບຄຸມ Traffic ກວ່າ 50% ຂອງໂລກ

ລາຍງານພົບວ່າການໂຈມຕີເພີ່ມຂຶ້ນກວ່າ 10 ເທົ່າເມື່ອທຽບກັບຊ່ວງທີ່ອອກລາຍງານສະບັບທຳອິດໃນປີ 2005 ໂດຍການໂຈມຕີທີ່ HTTP/HTTPS application-layer ມີການໂຈມຕີເພີ່ມຂຶ້ນ 487% ເມື່ອທຽບກັບປີ 2019 ນອກຈາກນີ້ຍັງພົບວ່າມີການໂຈມຕີຂະໜາດສູງສຸດ 436 petabits ພາຍໃນໄລຍະເວລາພຽງໜຶ່ງມື້ ໂດຍສິ່ງທີ່ໜ້າສົນໃຈໃນລຣາຍງານສະບັບນີ້ມີດັ່ງນີ້:

DDoS Alert Traffic ທີ່ເກິດຂື້ນສູງສຸດພາຍໃນໄລຍະເວລາພຽງໜຶ່ງມື້ ມີຂະໜາດ 436 petabits ປະກອບດ້ວຍ packet ກວ່າ 75 ລ້ານລ້ານ packet ໂດຍໃນອົງກອນຂະໜາດໃຫຍ່ພົບ Traffic ໂຈມຕີລວມກັນຂະໜາດ 345 terabytes ຕໍ່ມື້
ການໂຈມຕີແບບ Direct-path ເພີ່ມຂຶ້ນຢ່າງມີໄນສຳຄັນ ໂດຍເພີ່ມຂຶ້ນ 18% ໃນສາມປີທີ່ຜ່ານມາ ສ່ວນການໂຈມຕີແບບ Reflection/amplification ມີການຫລຸດລົງໃນສັດສ່ວນທີ່ເທົ່າກັນ ເຮັດໃຫ້ການປ້ອງກັນການໂຈມຕີດ້ວຍວິທີການຕ່າງໆແບບ Hybrid ນັ້ນມີຄວາມຈຳເປັນຢ່າງຫລາຍ
ຫນ່ວຍງານດ້ານ National Security ຂອງສະຫະລັດອາເມຣິກາພົບການໂຈມຕີເພີ່ມຂຶ້ນ 16,815% ເປັນຜົນມາຈາກສົງຄາມລະຫວ່າງຢູເຄຣນແລະຣັດເຊຍ
NETSCOUT ASERT ທຳການກວດສອບ Botnet ຫລາຍກວ່າ 1.35 ລ້ານຕົວ ເຊິ່ງມາຈາກມັນແວຫຼາຍຕະກູນ ເຊັ່ນ : Mirai, Meris ແລະ Dvinis ໃນປີ 2022 ພົບວ່າອົງກອນໄດ້ຮັບການແຈ້ງເຕືອນດ້ານຄວາມຫມັ້ນຄົງປອດໄພທີ່ກ່ຽວຂ້ອງກັບ Botnet ຫລາຍກວ່າ 350,000 ເທື່ອ ສ່ວນ Service Provider ໄດ້ຮັບການແຈ້ງເຕືອນປະມານ 60,000 ເທື່ອ
ການໂຈມຕີແບບ Carpet-bombing ເຊິ່ງເປັນການໂຈມຕີມຸ້ງເປົ້າທັງ IP address range ເພີ່ມຂຶ້ນ 110% ເນັ້ນການໂຈມຕີທີ່ເຄືອຂ່າຍຂອງ ISP
ພົບການໂຈມຕີມຸ້ງເປົ້າໄປທີ່ບໍລິສັດທາງດ້ານ Optical Instrument ແລະ Lens Manufacturing ຫລາຍຂຶ້ນ ໂດຍເພີ່ມຂຶ້ນກວ່າ 14,137% ເຊິ່ງໃນລາຍໃຫຍ່ທີ່ສຸດ ພົບການໂຈມຕີຫລາຍກວ່າ 6,000 ເທື່ອ ພາຍໃນໄລຍະເວລາ 4 ເດືອນ
ການໂຈມຕີມຸ້ງເປົ້າໄປທີ່ອຸດສາຫະກຳດ້ານ Wireless Telecommunication ເພີ່ມຂຶ້ນ 79% ເມື່ອທຽບກັບປີ 2020 ຄາດວ່າເກີດຈາກການໃຊ້ງານ 5G ທີ່ເພີ່ມຫລາຍຂຶ້ນ