Intel ຈະເປີດຕົວຊີພີຢູສຸດແຮງ Core i9-9900KS ບູດເຖິງ 5 GHz ໄດ້ທຸກ Core ໃນເດືອນຕຸລາ

Image credit: www.kiebel.de

ເປັນ​ທີ່​ຮູ້​ກັນ​ວ່າ​ CPU ​ໂຕທັອບ​ຂອງ​ຄ້າຍ Intel ກໍ​ຄື Core i9-9900K ແລະ ​ກຳ​ລັງ​ຈະ​ມີ​ລຸ້ນ​ທີ່​ແຮງ​ກວ່າ​ມາ​ແທນ​ທີ່​ຢ່າງ Core i9-9900KS (ເພີ່ມ​ລະຫັດ S ເຂົ້າ​ມາ) ເປັນ CPU ລຸ້ນ​ພິເສດ (Special Edition) ຊຶ່ງ​ມັນ​ເປັນ​ຂ່າວ​ທີ່​ອອກ​ມາ​ໄດ້ໄລຍະໜຶ່ງແລ້ວ​ຕັ້ງ​ແຕ່​ຊ່ວງ​ປາຍ​ປີ 2018 ພຸ້ນ

image credit: tomshardware.com

ແຕ່​ລ່າ​ສຸດ Intel ກໍ​ກັບ​ມາ​ອີກ​ເທື່ອ​ໃນ​ງານ IFA ທີ່​ຈັດ​ຂຶ້ນ​ໃນ ເບີ​ລິນ ພ້ອມ​ກັບ​ບອກ​ວ່າ​ວ່າ ຈະ​ເປີດ​ຕົວ Core i9-9900KS ຢ່າງ​ເປັນ​ທາງ​ການ​ໃນ​ເດືອນ​ຕຸລາ (10/2019 ຫຼື ເດືອນ​ໜ້າ​ນັ້ນ​ເອງ)

ໂດຍລາຍ​ລະອຽດ​ຄ່າວ​ໆ ຂອງ Core i9-9900KS ກ່ອນ​ການ​ເປີດ​ຕົວ​ຈິງ​ກໍ ຄື​ເປັນ CPU ໃນ​ຕະກູນ Cascade-Lake X ທີ່​ໃຊ້​ສ​ະຖາ​ປັດ​ຕະຍະກຳ 14 ນາ​ໂນ​ມິນ​ລິີແມັດ, ມີ 8 Core/16 Thread, ຄວາມ​ໄວ​ພື້ນ​ຖານ​ຢູ່​ທີ່ 4 GHz, ປົດ​ລັອກ Overclock ຄວາມ​ໄວ​ໄດ້​ເຖິງ 5 GHz ແບບ​ພ້ອມ​ກັນ 8 Core
(ໝາຍເຫດ* Core i9-9900K ເຮັດໄດ້ 5 GHz ແຕ່ 4 Core ເທົ່ານັ້ນ)

Image Credit: anandtech.com

ໜ້າ​ເສຍ​ດາຍ​ທີ່ Intel ອອກ​ມາ​ເຜີຍ​ຂໍ້​ມູນ​ພຽງໜ້ອຍດຽວ ສຳລັບ​ສ​ະເປັກ​ແບບ​ເຕັມ​ໆ ແລະ​ ລາ​ຄາ​ຄ່າ​ຕົວ ແມ່ນຕ້ອງ​ຖ້າ​ເບິ່ງ​ໃນ​ງານ​ເປີດ​ຕົວ​ທີ່​ຈະ​ມີ​ໃນ​ເດືອນ​ໜ້າ​ກັນ​ອີກ​ເທື່ອ

ທີ່​ມາ : tomshardware.com