Steam ປະກາດຢຸດສະໜັບສະໜູນ Windows 7, Windows 8 ແລະ 8.1 ພາຍໃນ 1 ມັງກອນ 2024 ນີ້

 

Steam ບໍລິການ​ຈຳ​ໜ່າຍ​ເພື່ອ​ຊື້​ເກມ​ແລະ​ຫລິ້ນ​ເກມ​ຜ່ານ​ລະບົບ​ອອນ​ໄລ​ຊື່​ດັງ ໄດ້​ປະ​ກາດ​ເສັ້ນ​ຕາຍ​ທີ່​ຈະ​ຢຸດຕິ​ການ​ໃຫ້​ບໍລິການ​ເທິງ Windows ລຸ້ນ​ເກົ່າ​ທີ່​ເ​ພິ່ງຢຸດຕິ​ການ​ສະໜັບ​ສະໜູນ​ຈາກ Microsoft ທັງ Windows 7 ລວມເຖິງ Windows 8/8.1 ເປັນ​ທີ່​ຮຽບຮ້ອຍ ໂດຍ Steam ລະ​ບຸ​ວ່າ ປັດຈຸບັນ​ສັດ​ສ່ວນ​ຜູ້​ໃຊ້ Steam ທີ່ຍັງ​ຄົງ​ໃຊ້ Windows ລຸ້ນ​ດັ່ງ​ກ່າວ ເຫຼືອ​ພຽງ​ບໍ່​ຈັກ​ເປີເຊັນ​ເທົ່າ​ນັ້ນ.

ຕັ້ງ​ແຕ່​ວັນທີ 1 ມັງກອນ 2024 Steam ຈະ​ຢຸດ​ສະໜັບ​ສະໜູນ​ລະບົບ​ປະຕິບັດການ Windows 7, Windows 8 ແລະ Windows 8.1 ຢ່າງ​ເປັນ​ທາງ​ການ ຫຼັງ​ຈາກ​ມື້​ດັ່ງ​ກ່າວ Steam ຈະ​ບໍ່​ເຮັດວຽກ​ເທິງ Windows ລຸ້ນ​ດັ່ງ​ກ່າວ​ອີກ​ຕໍ່ໄປ​ໃນ​ທຸກ​ຟີ​ເຈ​ີ

ສາ​ເຫດ​ຂອງ​ການ​ປ່ຽນ​ແປງ​ນີ້​ຄື Steam ຕົວ Browser ທີ່​ຝັງ​ມາ​ກັບ Steam ນັ້ນ​ອິງ​ຈາກ Chrome ຊຶ່ງ​ບໍ່​ຮອງ​ຮັບ Windows ເຫຼົ່າ​ນີ້​ອີກ​ຕໍ່ໄປ ນອກ​ຈາກ​ນີ້ Steam ເວ​ີ​ຊັນ​ໃໝ່ໆ ຈະ​ຕ້ອງ​ໃຊ້​ແພັດຄວາມ​ປອດໄ​ພ​ລ່າ​ສຸດ ມີ​ສະເພາະ​ໃນ Windows 10 ແລະ Windows 11 ເທົ່າ​ນັ້ນ.

ທີ່ມາ: https://winaero.com/steam-ends-support-for-windows-7-8-and-8-1-on-january-1-2024/amp/