ລັດຖະບານຫວຽດນາມອອກນະໂຍບາຍຕໍ່ຕ້ານສະແປມໃໝ່ທີ່ຈະມີຜົນເຮັດໃຫ້ຜູ້ໃຊ້ບໍລິການເຄືອຂ່າຍມືຖືເກືອບ
2 ລ້ານຄົນບໍ່ສາມາດໃຊ້ງານຕໍ່ໄປໄດ້
ນະໂຍບາຍນີ້ຈະບັງຄັບໃຫ້ຂໍ້ມູນຜູ້ໃຊ້ທີ່ເຊື່ອມກັບເບີມືຖືຈະຕ້ອງສຳພັນກັບຂໍ້ມູນເທິງຖານຂໍ້ມູນແຫ່ງຊາດ
ຜູ້ທີ່ມີຂໍ້ມູນບໍ່ກົງກັນຈະຖືກລະງັບການໃຫ້ບໍລິການ ກ່ອນຈະຍົກເລີກໄປໃນທີ່ສຸດ
ເປົ້າໝາຍຂອງນະໂຍບາຍນີ້ມີຂຶ້ນເພື່ອປ້ອງກັນການໃຊ້ຊິມກາດໃນທາງທີ່ຜິດກົດຫມາຍ
ໂດຍຜູ້ໃຫ້ບໍລິການເຄືອຂ່າຍໄດ້ສົ່ງຂໍ້ຄວາມແຈ້ງເຕືອນໃຫ້ຜູ້ໃຊ້ງານທີ່ຍັງບໍ່ໄດ້ລົງທະບຽນຢ່າງຖືກຕ້ອງໄປອັບເດດຂໍ້ມູນໃຫ້ສຳເລັດ,
ຜູ້ທີ່ບໍ່ຍອມເຮັດຕາມຈະບໍ່ສາມາດຮັບສາຍໂທລະສັບໄດ້ເປັນເວລາ 15 ມື້ ແລະຈະຖືກລະງັບການໃຫ້ບໍລິການຢ່າງຖາວອນເມື່ອເວລາຜ່ານໄປອີກ
30 ມື້
96% ຂອງໂທລະສັບມືຖືທີ່ໃຊ້ຢູ່ໃນຫວຽດນາມເປັນຂອງຜູ້ໃຫ້ບໍລິການພຽງ
3 ລາຍເທົ່ານັ້ນ
ໄດ້ແກ່ Vinaphone,
Viettel ແລະ MobiFone
ກະຊວງສານສົນເທດແລະການສື່ສານຊີ້ວ່າມີຜູ້ໃຊ້ງານເຄືອຂ່າຍມືຖືຈຳນວນມະຫາສານທີ່ຄອບຄອງຊິມກາດຫລາຍກວ່າ
1 ໃບ ບາງລາຍຍັງບໍ່ຄ່ອຍໄດ້ໃຊ້ງານຊິມກາດທີ່ຊື້ມາໄວ້ໃຊ້ດ້ວຍ
ເຮັດໃຫ້ບໍ່ໄດ້ຮັບຄຳແຈ້ງເຕືອນຂ້າງຕົ້ນ
Securelist ຫນ່ວຍວິໄຈຂອງ Kaspersky ເຜີຍວ່າຫວຽດນາມເປັນປະເທດທີ່ມີການຫລອກລວງແບບຟິດຊິ່ງສູງຫລາຍ
ໂດຍຮ17% ຂອງການຟິດຊິ່ງທີ່ພົບໃນ
2022 ມາຈາກຫວຽດນາມ
No comments:
Post a Comment