Xiaomi ເປີດຕົວຂອງຫລິ້ນໃໝ່ມາອີກແລ້ວ ລ່າສຸດບໍລິສັດໄດ້ວາງຈຳໜ່າຍຕູ້ລ້ຽງປາອັດສະລິຍະ Xiaomi Geometry Control AI Fish Tank ທີ່ສາມາດປ້ອນອາຫານປາໄດ້ເອງ ແລະ ຍັງສາມາດຄວບຄຸມອຸນຫະພູມຂອງນ້ຳຜ່ານສະມາດໂຟນໄດ້ອີກດ້ວຍ.
Xiaomi Geometry Control AI Fish
Tank ມີທັງໝົດສອງຂະໜາດໃຫ້ເລືອກ ໄດ້ແກ່ຂະໜາດ 15 ລີດ ແລະ 30 ລີດ ທີ່ໜ້າສົນໃຈຄືຫາກມີບາງສ່ວນຂອງຕູ້ນ້ຳທີ່ເສຍຫາຍ ເຮົາບໍ່ຈຳເປັນຕ້ອງຊື້ໃໝ່ທັງຊຸດ ແຕ່ສາມາດຊື້ບາງສ່ວນມາປ່ຽນທົດແທນໄດ້
ນອກຈາກຈະສາມາດຊື້ບາງຊິ້ນສ່ວນມາປ່ຽນໄດ້ແລ້ວ ຫາກອະນາຄົດທາງຜູ້ຜະລິດມີການອັບເດດອຸປະກອນບາງສ່ວນໃໝ່ ຜູ້ໃຊ້ງານກໍສາມາດຊື້ຊິ້ນສ່ວນທີ່ມີການອັບເດດແລ້ວມາປ່ຽນແທນອັນເກົ່າໄດ້ອີກດ້ວຍ
ຄຸນສົມບັດຫຼັກໆຂອງມັນມີດັ່ງນີ້້:
- ໃຫ້ອາຫານ ແລະ ຄວບຄຸມອຸນຫະພູມຜ່ານແອບ
ຄຸນສົມບັດເດັ່ນຂອງ Xiaomi Geometry Control AI Fish Tank ຄືຕູ້ນ້ຳຕູ້ນີ້ສາມາດໃຫ້ອາຫານປາແບບອັດຕະໂນມັດໂດຍການກົດປຸ່ມເທິງຕົວແທ໊ງຫລືຄວບຄຸມການໃຫ້ອາຫານຜ່ານແອັບພລິເຄຊັນໄດ້ດ້ວຍ ໃນສ່ວນຂອງລະບົບຄວບຄຸມອຸນຫະພູມນັ້ນເຮົາສາມາດຕັ້ງຄ່າໃຫ້ເໝາະສົມກັບປາແຕ່ລະຊະນິດໄດ້
- ກວດຈັບຄຸນນະພາບນ້ຳໄດ້
ຕົວແທ໊ງມີລະບົບໃຫ້ອອກຊິເຈນສາມລະດັບ ແລະ ລະບົບກອງນ້ຳ 4 ຊັ້ນ ສາມາດຂ້າເຊື້ອແບັກທີເຣຍ ແລະ ຕົວແທງນ້ຳຍັງມີລະບົບກວດຈັບຄຸນນະພາບຂອງນ້ຳ TDS ໂດຍແທງນ້ຳຈະແຈ້ງເຕືອນໄປຍັງສະມາດໂຟນຂອງຜູ້ໃຊ້ງານຫາກຈະເປັນຕ້ອງປ່ຽນນ້ຳແລ້ວ
No comments:
Post a Comment